JOYAUX DE ROBERT DE BETHUNE, DÉPOSÉS PAR LUI EN GAGES A YPRES. Nous Robs coens de Flands faisons savoir à tous q nous avons bailliet en wages a nos ames les avoe et les eschevins de no ville d'Ypres pour qnze cents et qtre vins libr de par, lesqīs il nous ont pstes a no gnt besoing en ses deniers comptants ensi ql est plus plainemet contenu en une lettre de obligation qil ont de nous, les joiaux et ornemens dont les pchons et parties sen suivent. Pmiers, un gnt angele darget dore, tenat une couronne en se main, la ou ili a une espine de la courone nre Signi'. Item un aut. angele darget dore teñat une taulete de reliques en sa main. Item une gnde crois doree a tout un gnt piet la ū on le met, et dens imagines q sont dales le crusifix lune a lun lis et laut a laut. Item une fiertre dargent dorée a un clokereul en milieu qqtre évecq soustienct. Item une gnde taule darget doree plaine de reliques a tout un couvcle coulant a mot et a vol. Ite une aut. taule doree plaine de reliqs ouvrans a deus huissieres. Item une crois doree plaine de pieres ptieuses wide dedans a tout un piet dargent dore pour oster et remetre. Ite un enchensier darget dore dont les kaynettes ne sont point dorees. Ite une aut enchensier simple darget. Īte une biele taulete dargent doree a un crucifix dedans et une manuele dehors po donner pais. Īte deus haus candelers darget cascu a trois pinniaus dores. Ite deus auts candelers dargent bas. Ite un bel calice dor a tout une platine dor qi aptient. Ite un bel hanap a piet haut tout dor et a couvele dor qi aptient, dont li couvcles au fonses esmaillies des armes de Flandre et li bachins dou hanap des armes de Luxembourgh. īte un bel hanap darget a piet et a couvercle tous dores dont li couvcle a un gton de kaisne sus. Īte un aut hanap dargent a piet tout dore, de viere œuvre dont li piet est brisies p desous. Ite un tres viel pesant drogoir a piet esmailliet de viele esmaillure. Ite une crois de jaspic double. Ite deus capes de cuor de dras dor fourrees de candal noir. Ite trois orillons dautel. Ite une casule, un wardecors, un tourinkiel et une cape de cuor; siis feulles, trois manicles, deus estoles, siis parures de manches, trois parures damits, et tout de broudure a ymagines. Ite deus pendans dautel ouvres a ymagines de broudure sour samit vmel. Ite une nape dautel a un riche orfrais de perles. Ite une aule dont les parures sont esceptes chi dessus. Ite une casule, wardecors, tournikiel et deus capes de blanc samit. Ite une casule, wardecors, tournikiel et deus capes de v de soie semees de rosetes blankes rouges et gaunes. Ite deus capes de vert samit fourees de candal gaune. Ite sis parures doubes de samit vermel ouvrees à lions et a fleurs de lis dor et a aigles dargent. Ite une parure damit et deus parures de manches de ce meismes. Ite une casule, wardecors, tournikiel et deus capes de samit bleu. Ite une casule, wardecors et tournikiel et deus capes de samit changant. Ite un wardecors, tournikel de drap vermel a rosetes semees dor fourrees de candal gaune. Ite une casule, wardecors, torniket et deus capes de noir candal fourrees de candal vmel. Ite un drap de noir condal pour pendre devant lautel et une estole et son maniple de ce meisme. Ite deus dras dautel dor a lions noir. Ite une cape de caor et deus dras dautel entirs dun blanc dyapre. Ite une casule vmelle fouree de candal gaune. Ite deus courtines de soie roin. Ite deus autr courtines d'autel. Ite une toaille dautel parée. Ite un vies drap dor entir pour lautel. Ite deus paremens daube un damit et un poignet semees des armes de Flandre entre auts armures. Ite pluseurs auts menues cosetes aptenas a lautel, scellees dou scel signeur Jehan de Ghisnes no capelain. En tesmoignage de la q cose nous avons scele ces prsentes letts de no scel, lesqlles furent faites et donnees a Douze lan de grce mil trois cens diis et noef, le lundi aps le feste del exaltation sainte crois. (Le scel, qui pendait à simple queue de parchemin, a été arraché.) Conforme à l'original déposé aux archives d'Ypres, 2° bureau voûté, armoire B, N° 35. |