--

et dimidium vinearum quos nunc possident in territorio nostro de Saive, salva justicia nostra et salvo censu trium solidorum. Quod ut ratum permaneat sigillo nostro muniri fecimus. — Actum est hoc in capitulo nostro anno incarnationis Dominice Mo, C°. LXXX. VIII°.

(Original en parchemin, sceau perdu).

Confirmation par Philippe-Auguste de la donation faite par Gautier, son chambrier, de cent sols de rente pour l'infirmerie de l'abbaye.

1190.

In nomine sancte et individue Trinitatis, amen. Philippus Dei gracia Francorum rex. Noverint universi presentes pariter et futuri quod Galterius camerarius noster ob remedium anime sue et animarum patris et matris sue qui apud Montem martyrum habent sepulturam, dedit in perpetuum et concessit beate Marie de Monte-martyrum in elemosinam centum solidos annuatim, ex illis quingentis solidis quos habebat in feodo ab Elyanor comitissa Bellimontis, que eosdem quingentos solidos habebat a nobis in feodo in prepositura Parisiensi, constituens ut illi centum solidi tantum in usus illarum monialium expendantur, quas in domo monialibus infirmantibus deputata causa morbi contigerit detineri; Quod ad peticionem dicti Galterii ob anime nostre salutem concedimus et salvo jure confirmamus, presentem cartam sigilli nostri auctoritate et regii nominis karactere inferius annotato

roborantes. Actum apud Fontem Bleaudi anno ab incarnatione Domini M°. Co. nonagesimo, regni nostri anno undecimo.

(Cartul. A. no 6).

Charte de Philippe-Auguste, portant confirmation de la donation de maisons à Paris, et de vignes à Bagneux, faite par Anceline, veuve d'Acelin le Changeur.

1192.

In nomine sancte et individue Trinitatis, amen. Philippus Dei gracia Francorum rex, noverint universi quod S. Ancelina soror Theebaldi divitis domos suas Parisius apud Sabulum sitas, et V° arpennos vinearum quos habebat apud Barneolos, que omnia acquisierat pro remedio anime sue et mariti sui Acelini Cambitoris et parentum suorum, dedit in perpetuam elimosinam ecclesie beati Dyonisii Montis martirum, ita tamen quod ipsa et filia sua Sibilla monialis apud Montem martirum, vel ea que alteri supervixerit, tam dictarum domorum quam vinearum proventus quamdiu vixerint habebunt. Quod ut perpetuam sortiatur stabilitatem sigilli nostri auctoritate et regii nominis karactere inferius annotato precepimus confirmari. Actum Parisius anno ab incarnatione Domini M°. C.. nonagesimo [secundo], regni nostri anno tertio Xo. Astantibus in palacio nostro quorum nomina supposita sunt et signa. S. comitis Theobaldi dapiferi nostri.

1. Rue du Sablon.

2. Bagneux,

1

S. Guidonis buticularii. S. Mathei camerarii. S. RaData vacante cancellaria.

dulphi constabularii.

(Original en parchemin, muni du chiffre royal; sceau perdu. Vidimus du garde de la prévôté de Paris du vendredi veille de S. Denis 1 305). (Cartul. A. n° 14).

Donation de 30 sols de rente à Gentilly, par Ferry de Gentilly.

1193.

In nomine Domini. Ego Ferricus de Bronay, venerabilisque Helisendis uxor mea, tam presentium quam futurorum noticie tradimus, quia cum nobilis vir Ferricus de Gentili avunculus meus, Ascelina conjuge sua et pueris suis hoc concedentibus, singulis annis in festo beati Remigii, triginta solidos censuales apud Gentili consistentes, jure vero hereditario feodum meum contingentes, ecclesie Montis - martyrum in perpetuam elemosinam contulisset amore Dei, et ad preces Ferrici avunculi mei predictos solidos ad feodum meum pertinentes eidem ecclesie perpetuo jure concessi habendos, et fide interposita debitor et fidejussor extiti, et de cetero me et heredes meos legitimam garandiam super hoc prestare compromisi. Ne autem hoc apud posteros possit infirmari sigilli munimine corroboravi. Actum est hoc apud Montemmartyrum, anno ab incarnatione Domini M°. C°. nonagesimo III, astantibus capellanis ejusdem ecclesie, et sanctimonialibus et domino Johanne de Maci, et domino Herloino de Vileron et multis aliis.

(Cartul. A, no 54).

Donation de différentes terres par Pierre de Chaumont.

1194.

Ego Johannes de Lusarchiis, notum facio omnibus tam presentibus quam futuris, quod cum Elysabeth Montis-martyrum abbatissa duas filias Petri de CalvoMonte in sorores sue ecclesie recepisset, idem Petrus memorate ecclesie assentientibus liberis suis in perpetuam contulit elemosinam quemdam frumenti modium in molendino de Glava percipiendum in Nativitate Domini annuatim, et duos arpennos nemoris, et unum arpennum terre apud Bovillare jure perpetuo optinendos, que omnia predictus Petrus de feodo Lusargiarum tenebat. Contulit etiam in elemosinam idem Petrus ecclesie supradicte terram quam tenebat apud Chever de Radulfo de Turre, qui cum uxore sua et heredibus hoc laudavit; terram quoque de Piris quam tenebat de ecclesia Montis-martyrum, ipsi in elemosinam assignavit, et quatuor solidos et duos denarios census, quem ei eadem ecclesia annuatim reddebat. Ego vero ad peticionem Petri de his omnibus plegium me constitui et concessi firmiter me apud omnes garantiam de his omnibus legitimam portaturum, et promisi etiam me ubique ecclesiam conservaturum indempnem, si qua ipsi super his questio moveretur, supradictus quoque Radulfus de Turre se plegium et obsidem super hoc ipso constituit. Radulfus et Odo fratres jam dicti Petri similiter, Adam de Gaancurt. Hugo major de Lusarchiis, Johannes de Calvomonte, Matheus filius Maingoti, Robertus prepositus, Main

gotus salinarius, Garinus Ruffus, Garinus Rex, Henricus carnifex, Guibertus de Castello, Kerisius carnifex, Renerius cordubanarius, qui omnes tam milites. quam burgenses de prenominatis omnibus se plegios et obsides fide interposita statuerunt. Hoc autem ut stabilitate gaudeat inconcussa, litterarum amminiculis commendari feci et sigilli mei munimine roborari. Actum anno incarnationis Domini millesimo, centesimo nonagesimo quarto.

(Cart. A, no 31).

Vente d'une maison, sise entre les ponts, à Paris.

1195.

Ego G. Montis-martyrum humilis ministra totusque ejusdem loci conventus, tam futurorum quam presentium noticie tradimus, quod dominus Galerennus Liviautres, uxore sua et pueris suis hoc concedentibus, contulit in elemosinam ecclesie Montis-martyrum tenere perpetualiter quamdam domum intra pontes Parisius sitam, quam tenebamus ab eo, ad censum octo nummorum singulis annis, in octabis beati Dyonisii solvendorum. Sciant preterea universi quod si necessitate ingruente ecclesiam vendere domum. predictam contigerit, jam dictus Galerennus vel ejus successores venditiones suas habere tenebuntur. Ut autem hoc ratum habeatur, auctoritate sigilli nostri et testium nominibus corroboravimus. Actum apud Montem martyrum, anno ab incarnatione Domini M°. Co. nonagesimo quinto.

(Cart. A, no 45).