5 0 5 nec sic errore exacto laetatus Ulixes, nec sic Electra, salvum cum adspexit Oresten, at dum demissis supplex cervicibus ibam, nec mihi iam fastus opponere quaerit iniquos, nec mihi ploranti lenta sedere potest. atque utinam non tam sero mihi nota fuisset condicio! cineri nunc medicina datur. ante pedes caecis lucebat semita nobis: scilicet insano nemo in amore videt. hoc sensi prodesse magis: contemnite, amantes: sic hodie veniet, siqua negavit heri. pulsabant alii frustra dominamque vocabant: mecum habuit positum lenta puella caput. haec mihi devictis potior victoria Parthis, haec spolia, haec reges, haec mihi currus erunt. magna ego dona tua figam, Cytherea, columna, taleque sub nostro nomine carmen erit, 'has pono ante tuas tibi, diva, Propertius aedes exuvias, tota nocte receptus amans. nunc ad te, mea lux, veniat mea litore navis 30 servata an mediis sidat onusta vadis? quod si forte aliqua nobis mutabere culpa, vestibulum iaceam mortuus ante tuum. 10 XV. O me felicem! o nox mihi candida! et o tu quam multa adposita narramus verba lucerna, illa meos somno lapsos patefecit ocellos quam vario amplexu mutamus bracchia! quantum non iuvat in caeco Venerem corrumpere motu : 15 nudus et Endymion Phoebi cepisse sororem quod si pertendens animo vestita cubaris, quin etiam, si me ulterius provexerit ira, ostendes matri bracchia laesa tuae. necdum inclinatae prohibent te ludere mammae: viderit haec, siquam iam peperisse pudet. dum nos fata sinunt, oculos satiemus amore: nox tibi longa venit, nec reditura dies. atque utinam haerentes sic nos vincire catena velles, ut numquam solveret ulla dies! exemplo iunctae tibi sint in amore columbae, masculus et totum femina coniugium. errat qui finem vesani quaerit amoris: verus amor nullum novit habere modum. terra prius falso partu deludet arantes, et citius nigros Sol agitabit equos fluminaque ad caput incipient revocare liquores aridus et sicco gurgite piscis erit, quam possim nostros alio transferre calores: huius ero vivus, mortuus huius ero. quod mihi,si secum tales concedere noctes illa velit, vitae longus et annus erit: si dabit haec multas, fiam inmortalis in illis. nocte una quivis vel deus esse potest. qualem si cuncti cuperent decurrere vitam et pressi multo membra iacere mero, non ferrum crudele neque esset bellica navis, nec nostra Actiacum verteret ossa mare, nec totiens propriis circum oppugnata triumphis 50 lassa foret crines solvere Roma suos. haec certe merito poterunt laudare minores. tu modo, dum licet, hunc fructum ne desere vitae: ac veluti folia arentes liquere corollas, quae passim calathis strata natare vides, sic nobis, qui nunc magnum spiramus amantes, forsitan includet crastina fata dies. 10 XVI. Praetor ab Illyricis venit modo, Cynthia, terris, maxima praeda tibi, maxima cura mihi. non potuit saxo vitam posuisse Cerauno? ah Neptune, tibi qualia dona darem! 5 nunc sine me plena fiunt convivia mensa, nunc sine me tota ianua nocte patet. quare, si sapis, oblatas ne desere messes, et stolidum pleno vellere carpe pecus: deinde, ubi consumpto restabit munere pauper, dic alias iterum naviget Illyrias. Cynthia non sequitur fasces nec curat honores: semper amatorum ponderat illa sinus. at tu nunc nostro, Venus, o succurre dolori, atque utinam Romae nemo esset dives et ipse an dolor hic vitiis nescit abesse tuis? at pudeat certe, pudeat ; nisi forte, quod aiunt, turpis amor surdis auribus esse solet. cerne ducem, modo qui fremitu conplevit inani Actia damnatis aequora militibus. hunc infamis amor versis dare terga carinis Propert. ed. IIII. 17 |