ctis Bauuariis ad locum, qui Dingolfinga vocatur, in causa synodalis colloquii, Episcopis videlicet et Comitibus aliisque populis supradictae regionis. Residentibus autem Episcopis in synodali Concilio Adalperto Archiepo Salzburgensi, Isangrimo Epo Ratisponensi, Gerhardo Epo Pataviensi, Wolframo Epo Frisingensi, Ni hardo Epo Sabionensi, nuntiisque Udalfridi Epi Aistatensis Choricpis Diperto et Suuaterloho, aliisque presbyteris et dyaconibus ac clericis quam plurimis, de Statu Ecclesiastico tractantes, feriandos dies subscribere sanxerunt."

Acta uberiora Synodi hucusque detecta non sunt.

Num. CII. 940. 29 Maii. Ex Originali.

Rex Otto I. concedit sancto Emmeramo locum Helfendorf, et locum Neuchingen cum foresto et reliquis pertinentiis.

In nomine sanctae et individuae Trinitatis, Otto divina favente clementia Rex. Noverint omnes nostri fideles tam praesentes, quam etiam et futuri, qualiter nos ob amorem Dei genitricisque illius, nec non et omnium sanctorum, et pro remedio animae patris nostri et ob aeternae remunerationis augmentum, nec non et per interventum fidelium nostrorum Heroldi, Salzburgensis Ecclesiae venerabilis Archiepiscopi, sed et Berhtoldi dilecti fidelis nostri ducis, *) ad inonasterium, quod in Radispona in honore sancti Petri principis apostolorum et sancti Emmerami martyris **) constructum esse videtur, et cui Isangrim venerabilis Epus et fidelis noster tunc praeesse videbatur, locum, qui dicitur Helphin dorf cum foresto, atque forestariis et venatione, nec non et nostro regio banno, insuper et Niuhinga in pago Sundergeuue, in Comitatu Abrammi Comitis cum omnibus ad eadem loca et forestum iure legitimeque pertinentibus, mancipiis utriusque sexus et aureariis, cidelariis, parscalcis, mansis, terris cultis et incultis, aedificiis, agris, pratis, pascuis, aquis aquarumque decursibus, molendinis, piscationibus, viis et inviis, exitibus et reditibus,

*) Ducis Bavariae per Ottonem ipsum praepositi contra filios Arnulfi,

mali dicti.

**) En monasterium cathedrale complexo titulo significatum, non aliud, quam ipsa Sedes Eplis.

quaesitis et inquirendis in proprietatem donavimus, quia quicquid ad loca sancta, et ad clerum sustentandum vel peregrinos suscipiendos concedere curavimus, Deum nobis pro hoc propitiatorem promerere confidimus. Haec etiam praetitulata loca ea videlicet potestate et securitate, qua hucusque ad nostrum servitium per omnía deservire videbantur, ad praenotatum monasterium omni dubietate remota firmiter transfundimus. Et ut haec largitionis nostrae constitutio firmiorem apud posteros tenorem obtinere valeat, manu nostra subtus eam firmari curavimus et annuli nostri impressione sigillari iussimus.

Signum Domni Ottonis invictissimi Regis. (Monogramma,)
Popo Cancellarius ad vicem Fridarici Archicapellani subnotavi.

Data IV. Kalend. Junii, anno dominicae incarnationis 940. Indictione XII. Anno autem regni Ottonis piissimi Regis quarto. Actum in Civitate, Salz dicta, in Dei nomine amen.

Sigillum intus impressum integrum extat.

Num. CIII. 950. 16. Julii. Ex Originali.

Rex Otto I. concedit Sedi Epli in proprium curtem Regalem in Niuchinga cum suis pertinentiis, item curtem Regalem in Helfendorf pariter cum suis

pertinentiis.

In nomine sanctae et individuae Trinitatis, Otto divina favente clementia Rex. Noverit omnium fidelium nostrorum praesentium, nec non et futurorum solertia, quod nos interventionibus Heinrici nostri dilecti germani obtemperantes quasdam res juris nostri pro remedio animae nostrae ad Ecclesiam beati Petri principis apostolorum, sancti quoque Emmerami martyris Christi, ubi venerabilis Epus sanctae Radasponensis Ecclesiae, Michael nomine, praeesse dinoscitur, in proprium concessimus, id est in villa Niuchinga, in pago Hesinga, in Comitatu Eberhardi Comitis curtem Regalem cum omnibus appenditiis et adjacentiis suis juste legitimeque illuc pertinentibus jure perenni in proprium, unacum curtilibus, mancipiis utriusque sexus, aedificiis, agris, pratis, pascuis, silvis, aquis, piscationibus, mansionariis, barscalkis, aureariis, bruniariis, cidelariis, molendinis, viis et inviis, exitibus ac reditibus, quaesitis et inquirendis, mobilibus et immobi

libus. Insuper etiam dedimus ad supradictam Ecclesiam sanctorum Petri apostoli Emmeramique martyris curtem Regiam in villa, Helphendorph sitam, in Frieromarca, in Comitatu Piligrimi Comitis, et Sigehardi in Sueidesco, et Kadalhohi in Sinachgouue cum omnibus juste illuc pertinentibus rebus, curtilibus, mancipiis utriusque sexus, aedificiis, agris, pratis, pascuis, silvis, forestis forestariisque, cum nostro Regio banno, caeteris omnibus commoditatibus, cidelariis, mansionariis, barscalkis, molendinis, piscationibus, venationibus, viis et inviis, exitibus ac reditibus, quaesitis et inquirendis, mobilibus et immobilibus. Jussimus quoque inde hoc praesens praeceptum conscribi manu propria firmatum, annulique nostri impressione insignitum.

Signum Domni Ottonis invictissimi Regis. (Monogramma.) Bruno Cancellarius ad vicem Herolti Archicapellani recognovi. ' Data XVII. Kalendas Augusti, anno Domini 950. Indictione VII. regnante serenissimo Rege Ottone anno XV. Actum Beheim suburbio Niuunburg in Domino feliciter, amen.

Sigillum intus impressum integrum extat.

Num. CIV. 959. 9. Jun. Ex Originali.

Rex Otto I. confirmat sancto Emmeramo quasdam res in loco Riut (Vogtareut) ad Oenum a Warmundo Comite donatas.

In nomine sanctae et individuae Trinitatis, Otto Dei gratia Rex. Notum sit omnibus fidelibus nostris, praesentibus scilicet et futuris, qualiter nos ob amorem Dei omnipotentis ac remedium animae nostrae, et per interventum Michahelis Ratisponensis Ecclesiae Epi monachis in praedicta urbe Deo sanctoque Dei martyri Emmeramo devote servientibus quasdam res, quas iam antea quidam Comes nomine Warmunt illis supra annonam sibi deputatam pro requie suae animae tradidit in loco Riut iuxta Oenum fluvium, in pago Sundargouue, in Comitatibus Ratolfi, Chadalhohi, Otacarii ac Sigihardi comitum cum omnibus rebus eidem loco aspicientibus vel attinentibus, id est, terris cultis et incultis, curtilibus et aedificiis, pratis, pascuis, silvis, saginationibus, venationibus, piscationibus, molis et molendini locis, mancipiis utriusque sexus, barscalchis, cidalariis, vectigalibus

cunctisque utensilibus ad eundem locum Riut iure assignatis, viis et inviis, intrinsecus, forinsecus, quaesitis et inquirendis, nostro regio banno nostraeque potestatis adiumentis praedictis monachis cum omni integritate super illorum annona concessimus, ea tamen ratione, ut si Epus eidem monasterio praesidens, aut aliqua potens persona hanc traditionis firmitatem violenter infringere voluerit, cuncta, quae tradita fuerant, redeant in ius et potestatem dominae Juditae, *) et filii eius Heinrici Ducis, **) seu ipsorum haeredis proximi. Concessimus etiam praenotatis monachis, ut nullus ex iudiciaria potestate comes vel iudex servis aut barscalchis eidem loco servientibus audeat aliquam iniuriam facere, nec in aliqua causa illos iniuste vexare. Et ut haec seripta firma stabiliaque permaneant, iussimus eis hoc praesens praeceptum conscribi et annuli nostri impressione muniri, manuque propria firmamus.

Signum Domni Ottonis serenissimi Regis. (Monogramma.) Luitolfus Cancellarius ad vicem Brunonis Archicancellarii recognovi. › Data V. Idus Junii, anno dominicae incarnationis 959. indictione II, anno vero regni piissimi Regis Ottonis XXIV. Actum Rore in Dei nomine feliciter amen.

Sigillum est avulsum, cerae macula tamen remansit.

Num. CV. 961. 4. Febr. Ex Originali.

Rex Otto I. bona in Prienperch prope Taeublitz dat ad victum monachorum Emmeramensium.

In nomine sanctae et individuae Trinitatis, Otto divina favente clementia rex. Notum sit omnibus sanctae Dei Ecclesiae fidelibus nostrisque, tam praesentibus quam et futuris, qualiter nos partem haereditatis cuiusdam nobilis viri Dotmari vocati in loco Prienperch nuncupato, in pago Nortgouue, in comitatu Bertoldi co

*). Quam viduam reliquerat Henricus Bavariae Dux, frater Ottonis Regis, anno 955. demortuus.

**) Qui postea dictus fuit Rixosus.

532317 A

mitis nostrae regiae potestati iudicio scabineorum cum omnibus, quae ipsius iuris erant, pro suo commissu iudicatam ad Ecclesiam sancti Emmerami martyris atque pontificis, quae eius corporis almi pignus veneratur, pro remedio animae praememorati Diotmari, ad victum scilicet monachorum, qui ibidem Deo sanctoque Emmeramo in divinis officiis, et operibus bonis, et sanctarum scripturarum studiis devotissime serviunt, donamus atque tradimus cum omnibus ad praedictam scriptam haereditatem in loco Prien perch pertinentibus aedificiis, mancipiis, terris cultis et incultis, agris, campis, pratis, pascuis, silvis, aquis aquarumve decursibus, molendinis molendinique locis, mobilibus et immobilibus, praediis, peculiis, pecoribus, viis et inviis, exitibus et reditibus, quaesitis et inquirendis, quidquid in ipso loco Prien perch praenominati Diotmari videbatur esse possessionis vel dominationis, a die praesente donamus et tradimus ad sanctum Emmeramum, eo scilicet pacto et tenore, ut in tali banno talique iustitia protecta ac patrocinata, uti caeterae res ad sanctum Emmeramum pertinentes, permaneant. Et ut haec nostrae donationis atque traditionis auctoritas per succedentia tempora firma et inconvulsa permaneat, iussimus inde hoc praesens praeceptum conscribi et annuli nostri impressione sigillari, manuque nostra propria confirmavimus.

1

Signum Domni Ottonis Serenissimi Regis. (Monogramma.) Luitolfus Cancellarius ad vicem Brunonis Archicapellani recognovi.

Data II. Nonas Februarii, anno incarnationis Domini nostri Jesu Christi 961. indictione IV. regnante piissimo rege Ottone anno XXVI. Actum Reganesburch in Christi nomine feliciter amen.

Sigillum intus impressum integrum extat,

Num. CVI. 967. 15. Octobr.

Rex Otto II. Ottonis I. filius donat Rihperto Epo Brixinensi ad dies vitae suae veterem Capellam Ratisbonae cum suis pertinentiis.

Ex Reschii Annalibus Eccliae Sabionensis III. 491.

C. In nomine sanctae et individuae Trinitatis, Otto divina favente clementia Rex. Noverint omnes in Regno nostro circumquaque fideles, praesentes scilicet et futuri, qualiter venerabilis nomine Rihpertus