1115. Si furten in besunder. vnd kynden im sus raten. vnd iahen sus dar vnder. solstv tůn als ie die pesten taten. dv pist gewaltik Gamvretes lande. der pflig also mit sinnen das dv dar an verdienest kein schande. 1116. Dv solt dich lazen vinden pei manheit vnd pei milte. so můz von dir verswinden. aller valsch vnd volge also dem schilte. das er dich iht bekrenke an dem prise. wis getriwe vnd wol gezogen. gar an allen dingen weise. 1117. Ovch sol div triwe deine. an der kyniginne. vnd an ir kindeleine. lazen wol werden schine. hastv getriwe sinne. wis ir scherm schilt vor aller swære. ir swester kint sygvnen mit triwen pflig wan div ist wirde bære. 1118. Dy maht an in behalten. vil werdikait. an preise. ob dv kanst triwen walten. vnd ist dein hertz hoher zvht so weise. als dich von deiner hohen art vf erbet so wirt von missewende. miner werdikait an dir verderbet. 1119. Ir rates vnd ir lere. volgen er wol kvnde, swas haizet vnere. des was sin leip behůt wol ze aller stunde er dankte in allen sam dem brituneise. ir kvmft al dar so schone. do beraiten si sich ein dan reise. 1120. Div hohgezit nam mit eren. da ende alsunder schande. von dan begunden keren. ieglich furste haim gen seinem lande. gerndiv diet wart elliv wol beraten. des wart sin lop vil weiten geprüfet. hoh wan si iz mit willen taten. 1121. Als do die werden geste. schieden ovz waleise, an tvgenden hoh der veste. tschinahtlulander der kvrteise. die Gamvretes fursten er do sande. mit werder gabe. riche. ieglichen sunder haim zv sinem lande. 1122. In eines maien stunde. div hohzit was verendet. div wol mit iamer kvnde. owe der not ir lait ist vnverwendet. nv main ich herzenlauden die getriwen. nach der so hvp sigvn das si se geschæhe iamer groz mit riwen. 1123. Sygvn ovz katelangen. vnd den ovz Graswaldane. begunde des belangen. das si die kvnigin ze der solitane. in manegen zeiten also nie gesahen. si berieten sich der raise. al dar owe des wil in kvmber nahen. 1124. Si furen an den stunden. mit iunkfrowen balde. da si die klagende funden. zer wůsten solitan in dem walde. si wurden wol vnd schon von ir enpfangen. si hort von der ritterschaft gern das div was so wol ergangen. wer 1125. In vragt div kvniginne. da herren wære. do sagt er ir mit sinne. da was artvs der werde sældenbære. vnd der kvnik von spange triwen riche. vnde mein ane Gurnemanz vnd Ekvnat mein ohaim werdikliche. 1126. An der selben stunde. daht si an ir swære. wainen si begunde. OVZ herzen wan si wart von disem mære. er mant. wie si verdient der ellensriche. mit ritterscha (1) ft vor kanfoleis. das klagte si von herzen riwekliche. 1127. Ny waint ovch herzeliche. sygvn div gehivre. mit der kvniginne iamers riche. von allen den vrowen wart da vrovde vil tivre. die klage benam in do der triwen riche. tschionahtinander. mit seinem suzen troste tugentliche. 1128. Den jungen parcifalen. do kyst dvrch triwe durch minne. den suzen lieht gemalen. mit træhenen vil sygvn div herzoginne. ich wæn ie můter werdor fruht gebære. er wirt Gamvret gelich des tut sein lichter blik hie kvndiv mære. 1131*). Der furste an sinen armen. ovch truk den iungen kleinen. nỷ můz ez got erparmen. sprach er das wir Gammuret den rainen. mit blůnder tu *) Die Strophen 1129 und 1130 des Hahn'schen Textes folgen nach Strophe 1131 und 1132. Die Strophenfolge dieses Bruchstücks stimmt mit der des Drucks von 1477. gende dem tode můzzen lazen. ez git nach suze dem svren lon. vil dike div welt des solt man si verwazen. 1132. Der furst ez dik nv kyste. im dvzzen siniv ovgen. wiwol in des geluste. er sprach also mit warheit sunder lovgen. vns hat got vil wol mit dir ergetzet deins vater ob dv leben solt wir sein an vrovden noch vil vngeletzet. 1133. Zv ein ander sazen. an frovden die kranken. kynde ich ir lop nv mazen. gen wirde hoh wer solde mir des danken. wan ez verdient wol ir wiplich triwe. das ir lop die lenge. biz an das ende der welt belibet niwe. 1129. Vber al die andern frowen. das kint nv namen sunder. ir minnekliches an schoven. im iah got legt an dich mit fleize wunder. vnd sint vor got die engel sus geschonet. so suln wir gern werben. das wir si schowen svnne var bekronet. 1130. Al siniv lit so lieht gevar. besunder wurden gemezzen. mit lobe reich nv nemet war. zumpf der minne. ob des da wart vergezzen. mit schowe vil vngern ich da fur swůre. ich sag ez ovch niht fur war ez wurde gen frowen liht min vngefure. 1134. Den tak vntz an den abent nach. si beliben pei einander nv was ze varn dannen gach. der herzogin vnd tschinahtulander. si mohten ovch vor klagelichem sere. pei der kvnigin niht besten. si vorhten das si klagte dester mere. 1135. Vrlovp si do namen. vnd paten ir got walten. div fruht des rainen samen. sprach do der hohste muze iv behalten. gesunt vnd geb iv immer sælde vnd ere. wainen si sich kvsten. vnd schieden sich mit mangez træhen rere. 1136. Si befulhen got die getriwen. vnd ir svn den sældenbæren. sich wil ir kvmber niwen. hi mit manigen fremden klagemæren. der furst von dan wol eine meile keret. in den walt an ein rivier al da sin arbait wart gemeret. 1137. Ein gezelt von koste riche. sluk man ovf die plane. das razzalik erliche. gab Gamvret do in belacane. ze frivnde erkos. vnd im nach preise ze lone. paidiv gab lip vnd lant darunder wolden si hie ligen schone. 1138. Die naht si mit gemache. waren sunder swære. vngeluckes sache. braht in des morgens fru ein niwes mære. da von si immer mer an vrovden swunden. nach disen selben zeiten. si heten vrovde verlorn trovren funden. Dez Talfeins vrevden hail. sendet in nah dem brachen sail. Et alia omnia. Etcetera) pvntschvch*). (1)1139. Nv prufet wildiv mære. ez kom von vnheile. si waren an alle swære. des morgens frv do wart in ze taile. vil kvmbers den si brahten an ir ende. von wunderlich geschihte wurden si gar aller vrovden ellende. Rime **) die zwivalden. dem braken sail hie waren. vil verre hin dan gespalden. dar nach lenge wol funfzik [iaren] ***) zwivalder rede was ditze mær gesovmet. ein maister ist ovf nemende swenne ez mit tod ein ander hi gerovmet. Hie mit so sint versuchet. die weisen vnd die tvmben. vil maniger sleht vnruchet. vnd hebt sich gar mit alle zv den krvmben. ist ieman solh getihte als vngemezzen. ze rehter kvnste lobende. der ist an spehender merche der versezzen. Swer edel riche porten. mit paste wil furrieren. der wil ze allen orten. můtwillik durch gespotte paratieren. *) Diese und die vorausgehende Linie sind roth geschrieben. **) Diese und die folgenden ungezählten Strophen fehlen bei Hahn, sind dagegen im Drucke von 1477. ***( iaren] ist vom Schreiber ausgelassen. was solden mir pi rosen genseblůmen. fur zisere vnd fisole næm ich kvbebe vnd edel kardamomen. Kvnd ich die slihte rvhen. das wurde alhie be[z]aiget. vnd die losen dvhen. das ir vnreht hohfart wurde genaiget. vnreht gewalt der mvst ovch sin ver druket. sam ich an disem sange. die krvmbe gar an die slihte han geruket. Niht wan durch die losen. die sich der merke růment. vnd da pi reht ver dosen. kynnen vnd das swache hohe blument. das wir an dem gehoften dike enfunden. her Nithart wærs do klagende sich die gebovren vnderwunden. Nv keren von den mæren. vnd sagen gen dohi gevarende wæren. wie lang .... angist trvgen. mit gesundem leibe ..... .ir kvmber was ein niht. danne der .... in keren. 1140. Sus lagen si niht lange. do horten si vil.... einer richen strange. ovf rotwildes rehte nach wundem tiere. ein brake der kom lvte helles iagende. der wart ein wile gehalden ovf des pin ich durch fr..des not der klagende. 1141. Do si den walt mit krache. alsus horten erhellen. dem talfin ze vngemache. der was gezalt von kinde fur di snellen. an...enten der lief aleine. vnd sprank hin fvr si alle. die es pflagen ovf ritters gepaine. 1142. Dvrch snelhait sin die richen. daht er den hvnt erlovfen. pain die ritterlichen. trag ich nv wil er salde verkovfen. vnd ein steetes trovren dran enpfahahen (sic) ovf sprank er gein der stimme. als er wolde den braken ergahen. 1143. Sit das mit fluht so wilde. ninder... gekeren. daz tier walt noch gevilde. wan gen dem talfin zv kvmber meren. kvmftik trovren braht ez im ze taile. er ... sich in einer .. sus kom der hunt iagend an dem saile. 1144. Den braken liez ein furste nach tier mit wunden male. noch ... mit geturste. het ez versniten wite ein guldin strale. ie doch was ez ze verhe niht verhowen. ze gabe rich durch minne. der brake wart gesant von einer vrowen. 1145. Des fursten vrovde ez latzte. do im der brake enpfarn (a) de was den er nider satzte. vf strale snidik mal er ... vnsparnde. sin spor biz daz er in weder sah noch horte. da von den hoh geblumten sin vrovde nikte vnd trovren sich enborte. 1146. Die iagt an allen siten. der hohen vrovden pfende. in manigen landen witen. wart das si hunt nimmer mer gesenden. div in da dem groz gemvten sande. vor der er was nv iagende ovf den das sit in paiden vrovde wande. 1147. Do tschinahtulander hie was ovf dirre varte. do kos er blikke glander. an bovmen hoh des wundert in vil harte. von wannen der schin da liehte kvnde glesten. der gie von einem brakken des sail das was ein porte wol der pesten. 1148. Do er den braken horte. er sprank hin gen der verte. arabisch ein porte. div halse was beslagen mit drihe herte. darovfe kos man tivr vnd lieht gestaine. die glesten sam div svnne da vienk er den braken niht cine. 1149. Kvmber vnd arbaite. hat er da mit begriffen. div zwai niht smal vil braite. gefurriert in ein ander vnzersliffen. belibent si die lenge in stæter gentze. owe das ie brakke so riche wart gesailt. mit solher glentze. 1150. Wan vnvergezzenlichen. so mvz er nv bekennen. kvmber kreftikliche vnd note vil die nieman kan zertrennen. vnd kriegen immer mer nach starken striten. das brakken sail ein vrhabe was siner vrovden flustbaren cziten. 1152*). Er truk den hvnt so gengen. sygvnen zv der klaren. zwelf klafter *) Strophe 1151 fehlt hier, wie im Druck von 1477. was mit lengen. das seil der varbe da vier von siden waren. gel grvn rot brvn die vierde. immer swa div spanne erwant in einander geworht mit gezierde. 1153. Dar ob so lagen ringe. mit berlin vber blenket. kostericher dinge. ie spannen brait mit stainen niht verkrenchet. vier blat vier varbe vinger prait die maze. gevah ich hunt an solhes sail. ez beleibet mir swenne ich in laze. 1154. So mans von ander valden. sah zwischen den ringen. so kvnde ez wirde walten. von richer schrift mit kostbaren dingen. aventivre hort ob ir gepietet. mit guldinen nagelen die staine waren ovf den porten genietet. 1155. Smaragde warn die puchstaben. mit rvbinen verpvndet. mit gewier ovf golde erhaben. ez wart nie sail paz gebvndet. ez wart ovch nie hvnt so wol gesailet. weders ich da næme. das rat ich wol ob ez mir waer getailet. 1157*). Ein samit dar vnder horte. gevar nach maisch walde. div halse dar ob ein porte. mit stainen rich von art manikvalde. durch lvtik lieht div schrift ein vrowe lerte. Gardivias hiez der hvnt. das sprichet in ...che hvte der verte. 1158. Div herzoginne lobesam. las anevank der mære. swie ditz nv si ein braken nam. das wort ist den werden gebære, man vnd wip die hvten verte schone. die varnt in dirre werlt gunst vnd wirt in dort sælde ze lone. 1159. Si was di halsen lesende. vnd niht an dem saile. swer verret in hvte ist wesende. des preis wirt getragen nimmer vaile. er wont in herzen lvter so gestarket. das in nimmer ovge ersiht ovf vnstæten wekenden market. (2) 1160. Braken vnde sail durch minne. sante einem fursten schone. ein edel kvniginne. div truk von art vnd ovch von adel krone. sigvn div las der namen vnderschaiden der kvnigin vnd des fursten. di stunden wol da erkantlichen paide. 1161. Div was von kana erborn. der swester da florien. div in noten her erkorn. den britvn hertze vnd måte gab si ze amien. vnd swas si habte an pei ligende minne. si zoh in vntz an schildes vart vnd kos irn fur alle gwinne. 1162. Der holt ovch nach ir minne. vnder heben den ende. ob ich der zvhte sinne. niht bræche ich solde fluchen noch der hende. div die tiost ovf seinen schaden brahte. florin starp ovch der selben tiost swie doch ir lip nie speres ort genahte. 1163. Florin do ein swester liez. div erbte do ir krone. clavditte div selbe maget hiez. der gap kovsch vnde gute ze lone. der vremden lop vnd ovch swer si bekande. des wart ir pris berufet in manigiv lant das den da mieman**) wande. 1164. Sygvn las erliche. von der magt an dem saile. die fursten ovz ir riche. gerten eines herren mit vrtaile. do sprach si einen hof ze povermunde. dar komen arm vnd riche. do ertailt man ir wal an den stunden. 1165. De salvatsch ekvnaten. der tugent ein florier. ir hertze an den geraten. was da von kos si in bei namen schiere. des stunt sin mvt vil hoher danne ir krone. Ekvnat sprach aller fursten zil wan er pflak siner verte schone. 1166. Sei twank sin ivngiv edel art vnd das reht von ir riche. sit das ir wale ertailet wart. do welt ovch div maget werdikliche. welt ir nv tvtschen ir frivndes nam er kennen. den sylt ir herzog Ekvnat den wilden von den blvmen nennen. *) 1156 und 1157 sind im Drucke von 1477 umgestellt; hier fehlt 1156. **) Schreibfehler für nieman. 1167. Sit er von blvmen wilde. was wildebert genennet. vil klain si des bevilde. si sant im wilde werde prieve erkennet. doch hvte er siner verte als er da solde. si sagt ovch das si selbe aller wiplichen verte hůten wolde. 1168. Tschionahtvlander. mit einem veder angel. vienk vorhen aschen vander. die weil si las ir hohsten vrovden mangel. vnd des ovch er vil selten wart der gaile. die strange si ovf loste durch die schrift ovz lesen an dem saile. 1169. Der prake an die zelt stange. vil vaste was gebvnden. ir losen ovf die strange. mich mvt owe wan hete siz erwunden. Gardivias der strakte sich mit strebene. si sprach nach siner speise ir wille was im ezzen ze gebene. 1170. Zwo iunchvrowen giengen. her ovz fur die snvre. mich riwet das enpfiengen. ir hende blank der strangen stain zer fùre. Iwas mak ich des das sail von stainen was herte. Gardivias zvkte vnd sprank durch iagen nach wunt wildes tieres verte. des 1171. Er was ovch Ekvnate. tages alrerst entrunnen. den vrowen rief si drate. die heten im die spise nv gewunnen. vnd gahten dar in das gezelt vil palde. er lief ovz durch die winden do hort man in vil schiere (2o) da ze walde. 1172. Er brach halt der winden. ein tail ovz der pfale. als er begunde enpfinden. der rot varben verte in nam vnhale. er iagte vil vffenlichen vnverholne des werden grvz grimes svn. darum geschach vil note sit ze dolne. 1173. Tschinahtvlander. die grozen vnd die klainen. vische vienk die vand er. da er stunt ovf bloz blanken painen durch die kyle in lvter snellen pache. do hort er Gardiviazen stimme. div hal von im ze grozem vngemache. 1174. Er warf den angel ovz der hant. snellich er im gahte. vber allez das er vor im vant. steine ronen da mit er niht genahte. den braken vn. geverte im het ge virret er spurte ninder hvnt noch tier vnd wart von dem winde horns geirret. 1175. Die blozen pain vnsvze. zer kratzten im die præmen. die sinen linden fůze. von dem lovfe manige wunden namen. man spurt in savnfter danne das tier geschozzen. nv gienk gen im sygovne. div het ovch gras grvn rot begozzen. 1176. Er vants im dem gezelde. mit stimme klagende haise. er sach die waren melde. das si nv richer vrovdin als ein waise. drier laie schaden was klagende. iedoch in einer verre die zwene von dem herzen was veriagende. 1177. Das eine was div strange. verlorn vnd niht funden. div selbe klage ze lange. ir wernde was das ander waren wunden. die si an tschio nahtvlander sehende. was mit herzen schrike. das dritte wie ir hend was geschehende. 1178. Innerhalp ir hende. reht als si wæren berifet. von starker tioste sende. vnd so der schaft von gagenhurte entslifet. der herzoginne hende waren gervret man spehts ovch an ir wæte. div was mit dem gestaine gar zer fveret. 1179. Si kos an im vil wunden. an painen vnd an fuzen. vil klage wart da funden. von paiden nv wil sich das mær vnsuzzen. do div herzogin mit klage sprechen. began gah schrift der strangen. div flust wil nv sper vil ze brechen. 1180. Er sprach ich sah nicheine. der strange mer vberschriben. heidensch vnd franzois gemaine. paider kvnst pin ich der vnvertriben. ich læse ie wol swas da ze lesen wære. sůziv magt sygvne la dir die schrift der strange sin vnmære. 1181. Div strange was gebvnden. ir herzen also nahen. ir krie gar vnerwunden. wil durch die schrift sys nah dem saile gahen. si sprach al |