200

205

210

215

220

225

230

die dar zuo irwelet sint;
Daz ig muoze scowen

den unsen lieven hêrren,
den unsen scheppêre,

den unsen heilêre,

der uns gescuof van niwete,

der uns oug gecoufte

bit sînes sunes bluode
van deme êwigeme dôde.

Wer sal mir des gehelfen,
wer sal mig sô gelûteren
daz ich des wirdich muoze sîn?

daz saltû, Jésus, hêrre min.
gif mir, hêrre, dînen geist!
wantû selbe wale weist
alle mine crancheit

und alle min unwizigheit;

daz ig muoze scowen

bit den mînen ougen

din unverloschen liet:

daz ne were dû mir niet!

dáz is der êwige lif,
dáz is daz ig armez wif
bit dîner helfen suochen:
daz lå mig, hêrre, vinden.

Des sie min bode ce dir

dînes selves muoder!
ô wie sêlig bin ich dan,
of sie mig willet forestân!

Marîâ, godes drûden,

Marîâ, trôst der armen!

Mariâ, stellà mâris,

zuofluht des sunderis,

porce des himeles,

burne des paradises!

dan uns dû gnâde ûz geflôz

dû uns ellenden entslôz