min swert eine

wil ih von dem segen sceiden:

daz snide unde bîze

allez daz ih ez heize,

von mînen handen

und von niemens andern.

der heilige himeltrût

der si hiute mîn halsperc guot. Ámen.

In nomine domini nostri Jhesu Christi, qui est dictus mirabili
nomine Tetragrammaton, et in nomine spiritus sancti.
In des namen den ih gnant hân
und in des gnåde ih hiute gân,
diu wort sin mir gewære
als unserem hêrren wære,
dem almehtigen gote

diu toufe und daz wizzot.
mit dem selben segen,

dâ mit diu toufe und der chresem

und daz wizzot wurde gesegent,
då si ih hiute mit gesegent

vor viwer unt vor wâge,
vor aller slahte wâfen,
vor houpthaftigen sunden,
vor werltlichen scanden,
vor unrehtem tôde:

miserêre nobis.

Âmen, alsô sî daz wâre, als daz unser hêrre got von
sant Marien meit wesende geborn wart, Ámen.

4.

TOBIASSEGEN.

Der quote Santobias,

der gotes wissage was,
sinen sun er sande

sô verre in fremdiu lande,

daz er des wolte wænen

daz ern niemer mêre gesæhe.
sîn sun was ime vil liep:
unsanfte er von ime schiet.
umbe in was ime vil leide:
er sande in vierzec tageweide.
dô er in sach vor ime stân,
ein segen wart ob ime getân
der von herzen guot was,
wand er nihtes dar ane vergaz.

'Dem gote dem niht verborgen ist.
und des eigenschale du bist,
der an niemanne wenket,

sinę armen wol bedenket,
der müeze dich behüeten
durch vaterliche güete,
über velt und durch walt
vor aller note manecfalt,
vor hunger und vor durste,
vor bôsem geluste,

vor hitze unde vor gefrôrde.
got müeze din gebet erhôren

und dich haben schône

vor dem gæhen tôde,

du slåfest oder wachest,

in holze od under dache.

dine vinde werden genideret.

got sende dich gesunt her widere

mit vil rehtem muote,

mit lîbe und ouch mit guote.

gesegenet si dir der wec

über strâze und über stec,

dâ vor unde då hinden.

durch die hêren fünf wunden

ietweder halben dar eneben

gestê dir der himeldegen

unde pflege diner verte
und füege dir guot geverte.

in dem gotes fride du var.
der heilic geist dich bewar.

DENKMÄLER, 2. aufl.

10

din herze sî dir steinin,
din lip si dir beinîn,

din houbet si dir stehelin.

der himel sî der schilt din.
diu helle si dir vor versperret:
allez übel si vor dir verirret.
daz paradis si dir offen.

elliu wäfen sin vor dir verslozzen,

daz si dich müezen miden,

daz sî dich niht versniden.

der måne und ouch diu sunne

die liuhten dir mit wunne.

die heiligen zwelfpoten

die êren dich vore gote,

daz dich diu hêrschaft gerne sehe:
allez liep müeze dir geschehen.
der guote sante Stephan,
der got ze himele sach stân

ze sînes vater zesewen hant
do er sine nôt überwant,

der gestê dir iemer bi

swa dir sin nôt und durft si.

sant Johannes baptiste

der ruoche dich berihten,

die vier ewangeliste

die wisen dich des besten.

dîn schirm sî diu frie
mîn frouwe sant Marie

vor allem widermuote

und vor aller nôte

dînes libes, diner sêle

und diner werltlichen êre.

sante Galle diner spise pflege,

sante Gerdrût dir herberge gebe:

sælec si dir der lip.

holt si dir man unde wip.

guot rât din werde

und rehtes tôdes sterben:

ze gote müezest sælec sin.'

alsó segente er den sun sîn
unde sande in zeiner stat dâ

in ein lant daz hiez ze Mêdîâ :
diu burc diu hiez ze Rages.
sit wart er vil frô des.

also müezest du gesegenet sin.

des helfen die namen drî,

des helfe diu wîhe

min frouwe sant Marie.

des helfen elliu diu kint

diu in dem himelriche sint. AMEN.

+

Got hiute dich gesegene
mit Abeles segene:

sîn opfer gote so wol geviel
und was sines herzen spil;
und mit dem segene Enoches,
der gote sô rehte liep was
daz ern in daz paradis nam,
mit libe und sêle dar kam;
mit dem segene Nôês,
der gote so getriuwe was,
daz er in behuote

vor der sinfluote;

mit dem segene stæte
den er Abrahâme tæte,

wand er im was gehorsam,

mit dem sun ûf den berc kam;
mit dem segene İsaàces,
mit dem segene Jâcôbes,
mit dem segene Jôsèbes
und pflege dines libes

als er von ime was behuot,
dô man in verkoufte umbe guot;

mit dem segene stæte

der wart getân Dâvite,

dô man in von den schâfen nam

und zuo dem künicrîche kam;

und mit dem segene stæte

den er Salmône tæte

125

den tet der engel Gabriel
Marien der maget her.

nu gesegene dich got hiute mit dem segene, den die engel von himele brâhten über die Cristes geburt. nu gesegene dich got hiute mit dem segene der von himele kam über den gotes sun in der toufe. nu gesegene dich got hiute mit dem segene då mit der heilige Crist wart gefüeret gegen siner marter. nu gesegene dich got 130 hiute mit dem segene dâ mit er hin ze himele fuor nach sîner urstende. daz heilic† criuze si obe dir, daz heilic † criuze si ze diner zeswen hant und ze diner winstern hant, und müeze dir ein schirm und ein schilt sîn für allez ungelücke und für alle missewende und für alle dine vinde, swâ daz sî: des helfe dir diu gotes kraft und der vater und der sun und der heilic geist. AMEN.

135