waz boumes birt âne bluot?

waz vogele sõiget sine jungen?
waz vogele ist âne zungen?

waz vogele ist âne magen
kanstu mir des iht gesagen,

so wil ich dich für einen wætlichen knappen haben.

'Des håste gefråget einen man

der dir ez wol gesagen kan.
diu queckolter birt âne bluot,
der storc ist âne zungen,
diu fledermûs sõiget ir jungen,
der scharbe ist âne magen.
ich wil dirz in triuwen sagen,
und frâgestu mich ihtes mêre,

ich sage dir fürbaz an dîn êre.'

Nu sage mir, meister Trougemunt,

zwei und sibenzec lant diu sint dir kunt:
waz ist wîzer denne der snê?

waz ist sneller denne dez réch?

waz ist hôher denne der berc?

waz ist vinsterre den diu naht?

kanstu mir iht des gesagen,

so wil ich dich für einen wætlichen knappen haben.

durch waz sint die frowen liep?
durch waz sint die maten grüene?

durch waz sint die ritter küene?

kanstu mir des iht gesagen,

so wil ich dich für einen stolzen knappen haben.

'Des hâste gefråget einen man

der dirz wol gesagen kan.

von mangem urspringe ist der Rin so tief,
von minnen sint die frowen liep,
von würzen sint die maten grüene,
von wunden sint die ritter küene;
unde frâgestu mich ihtes mêre,
ich sage dir fürbaz an dîn ère.'

Nu sage mir, meister Trougemunt,

zwei und sibenzec lant diu sint dir kunt:
durch waz ist der walt grîse?

durch waz ist der wolf wise?

durch waz izt der schilt verblichen?

durch waz ist manec geselle entwichen?

kanstu mir des iht gesagen,

so wil ich dich hân für einen wætlichen knaben.

'Daz hâste gefråget einen man

der dirz wol gesagen kan.

von manegem alter ist der walt grise,

von unnützen gengen ist der wolf wise,

von maneger herverte ist der schilt verblichen, ungetriuwen Sibechn ist manec geselle entwichen.

11

5

Nu sage mir, meister Trougemunt,

zwei und sibenzec lant diu sint dir kunt:

waz ist grüene alsam der klè?

waz ist wîz alsam der snê?

waz ist swarz alsam der kol?

waz zeltet rehte als der vol?

5.

Ferrum per clavum ferrumque equus, per equum uir, perque uirum castrum, per castrum patria durat.

Ein nagel behalt ein îsen, ein îsen ein ros, ein ros ein man, ein man ein burch, ein burch ein lant.

6.

Alea, Bachus, amor meretricum fecit egentem: nunquam, qui sequitur hęc tria, diues erit.

7.

Quattuor extollunt hominem faciuntque superbum: forma, genus, probitas, magnus aceruus opum.

8.

Nobilitas, species, probitas, facundia, sensus nil mihi proficiunt, nisi sit mihi copia census.

9.

Non ornant hominem uel opes uel culmen honorum,

si duo defuerint, uirtus et copia morum.

10.

Non nos dedecorant nostrorum crimina patrum, nec probitas patrum nos facit esse probos.

ZWEITES BUCH.