uzzer genesi unt uz librò règum,
der werlt al ze genȧdon.

Die rede die ich nù sol tuon,
daz sint die vier ewangeljon.

In principio erat verbum.
daz was der wâre gotes sun.
von dem einen worte
bequam trôst al der werlte.
o lux in tenebris,

dû hêrre, dû der samet uns bist,
dû uns daz ware lieht gibest;
neheiner untriwe dûne phligist.
dù gåbe uns einen hêrren,
den scholte wir wol êren.

daz was der guote suntach:

necheines werches erne phlach;
ube wir den behielten,

wir pardyses gewielten.

Got mit siner gewalt

der wurchet zeichen vil manechvalt. der worhte den mennischen einen ûzzen von aht teilen.

von dem leime gab er ime daz fleisch. der tou bezeichenit den sweiz.

von dem steine gab er ime daz pein: des nist zwîvil nehein.

von den wurcen gab er ime die âdren. von dem grase gab er ime daz hâr. von dem mere gab er ime daz pluot, von den wolchen daz muot.

duo habet er ime begunnen

der ougen von der sunnen.
er verlèh ime sinen âtem,

daz wir ime den, behielten,

unte sinen gesin

daz wir ime imer wuocherente sin.
Wårer got, ich lobe dich.

ein anegenge gihich an dich.
daz anegenge bistù, trehtin, ein:
jane gihich anderez nehein,
der erde joch des himeles,
wåges unte luftes