IV. SEGEN UND SPRÜCHE. 1. ERSTER MERSEBURGER SPRUCH. Eiris sâzun idisi, sâzun hera duoder. suma hapt heptidun, suma heri lezidun, suma clûbôdun umbi† cuniouuidi: insprinc haptbandun, invar vigandun! 2. ZWEITER MERSEBURGER SPRUCH. Phol ende Uuodan vuorun zi holza. dû uuart demo Balderes volon sin vuoz birenkit. thù biguolen Sinthgunt, Sunna erà suister, thû biguolen Volla, Frija erà suister: thû biguolen Uuodan, sô hê uuola conda, sôse bênrenkî, sôse bluotrenki, bên zi bêna, bluot zi bluoda, 3. DER WIENER HUNDSEGEN. Christ uuart gaboren, er uuolf ode deob uuas. dô uuas sancte Marti Christas hirti. der heiligo Christ unta sancte Marti, der gauuerdô uualten hiuta dero hunto, dero zohôno, 10 daz in uuolf noh uulpa za scedin uuerdan ne megi, so huuara se gehloufan uueges ode uualdes ode heido. der heiligo Christ unta sancte Marti, de fruma mir sa hiuto alla heim gasunta. 4. DE HOC QUOD SPURIHALZ DICUNT. PRIMUM PATER NOSTER. Visc flôt áftar uuatare, verbrustun sina vetherûn : tho gihêlda ina ùse druhtin. the selvo druhtin, thie thena visc gihêlda, gihêle that hers theru spurihelti. Cum minimo digito circumdare locum debes, ubi apparebit, his verbis Ich bimuniun dih, suam, pi gode jouh pî Christe, Tunc fac crucem per medium † et dic daz tú niewedar ni gituo noh tolc noh tôthoupit. 5 Item adiuro te per patrem et filium et spiritum sanctum, ut amplius non crescas sed arescas. 5 8. WEINGARTNER REISESEGEN. Ic dir nach sihe, ic dir nach sendi mit minen funf fingirin funvi undi funfzic engili. Got mit gisundi heim dich gisendi. offin si dir diz sigidor, sami si dir diz † selgidor: Bislozin si dir diz wàgidor, sami si dir diz wâfindor. des guotin sandi Ulrichis segen vor dir undi hindir dir undi obi dir undi nebin dir si gidân, swâ dû wonis undi swâ dû sîs, daz dâ alsi gût fridi sî alsi dâ wèri, dâ mîn frauwi sandi Marie des heiligin Cristis ginas. |