dû gæbe in uns ze trôst, der al der werlt mac swære büezen. Sünder, dû solt an die grôzen nôt gedenken, 5 die got durch uns leit, und solt dîn herze in riuwe senken. sin lip wart mit scharpfen dornen gar verséret: dennoch wart manicvalt sîn marter an dem kriuze gemeret: man sluoc im drie negel dur hende und ouch dur füeze. jàmerlichen weint Marjâ diu sïezé, 10 dô si ir kinde dez bluot z beiden siten fliezen sach, trûrecliche Jésus von dem kriuze sprach: muoter, jâ ist iuwer ungemach mîn ander tôt. Johan, dû solt der lieben swære büezen. Der blinde sprach zuo sînem knehte: dû solt setzen 15 daz sper an sîn herze: jâ wil ich die marter letzen. daz sper gein al der werlte hêrren wart geneiget, Marjå vor dem kriuze trûreclîche klage erzeiget: si verlôs ir varwe, ir kraft, in bitterlichen nœten, dô si jæmerlîch ir liebez kint sach tœten 20 und Longinus ein sper im in sîn reine sîten stach. si seic unmehtic nider, daz si niht hôrte noch ensprach. in dem jâmer Kriste sîn herze brach: daz kriuze begunde sich mit sînem süezen bluote rœten, Tumbiu umbiu werlt, ziuch dinen zoum, wart uшbe, sich. 25 wilt dû lân loufen dînen muot, sîn sprunc der vellet dich. derst manicvalt in dînem herzen unbekort: er schadet dir hie und ist ein langer haz der sêle dort. là guoten muot den bosen muot von dir vertriben: minne got, sô maht dû frô belîben: 30 wirp umbe lop mit reinem guote, wellest dû genesen : den bosen solt dû iemer gerne unheinlich wesen: geloube swaz die pfaffen guotes lesen: wilt dû daz allez übergülden, sô sprich wol den wiben. Grenuoge herren sint gelich den gougelæren, 35 die behendecliche kunnen triegen unde væren. der sprichet sich her, waz ist under disem huote? nû zucke in ûf, dà stèt ein wilder valke in sinem muote. zuck ûf den huot, sô stét ein stolzer pfâwe drunder. nů zucke in ûf, dâ stêt ein merwunder. swie dicke daz geschiht, so ist ez ze jungest niht dan ein krâ. friunt, ich erkenne ouch daz, haha hahâ hahâ. 5 hab din valschen gougelbühsen dâ: war ich dir eben starc, ich slüeges an daz houbet dîn. dîn asche stiubet in diu ougen mîn. ich wil niht mêr dîn blâsgeselle sîn, dun wellest mîn baz hüeten vor sô trugelichem kunder. II. Uns båt der winter geschadet über al: heide unde walt sint beide nú val, dâ manic stimme vil suoze inne hal. sehe ich die megde an der strâze den bal 5 werfen! sô kæme uns der vogele schal. Möhte ich verslâfen des winters zît! wache ich die wile, sô hân ich sîn nît, daz sîn gewalt ist so breit und so wit. weizgot er lât ouch dem meien den strit: 10 sô lise ich bluomen dâ rîfe nû lît. merken wâ mirz houbet lac. Daz er bî mir gelæge, wessez iemen. (nu enwelle got!), sô schamt ich mich. wes er mit mir pflæge, niemer niemen 15 bevinde daz, wan er unt ich, und ein kleinez vogellin: tandaradei, daz mac wol getriuwe sîn. Ich hån ir so wol gesprochen, 20 daz si maneger in der welte lobet: hât si daz an mir gerochen, owè danne, sô hân ich getobet, daz ich die getiuret hân und mit lobe gekronet, 25 diu mich wider hænet. frowe Minne, daz sî iu getân. Frowe Minne, ich klage iu mêre: 30 wider unstate liute, daz was ich. 35 und gât sie genozzen: ir ist sanfte, und ich ab ungesunt. 5 muget ir, edeliu künegîn, oder die mine heilen? sol ich eine alsus verdorben sîn ? Ich bin iuwer, frowe Minne: lât mich iu daz ende sagen: 10 und engêts uns beiden, wir zwei sîn gescheiden. wer solt iu danne iemer iht geklagen? Ich bin als unschedeliche frô, daz man mir wol ze lebenne gan. 15 tougenliche stât mîn herze hô: waz touc zer welte ein rüemic man? wê den selben, die sô manegen schoenen lip habent ze bosen mæren brâht! wol mich, daz ichs hân gedâht! 20 ir sult si mîden, guotiu wîp. Ich wil guotes mannes werdekeit vil gerne hæren unde sagen. swer mir anders tuot, daz ist mir leit: ich wilz ouch allez niht vertragen. 25 rüemære unde lügenære, swâ die sîn, den verbiute ich mînen sanc, und ist âne mînen danc, obs alsô vil geniezen min. Maneger trûret, dem doch liep geschiht: 30 ich hân ab iemer hôhen muot, und enhabe doch herzeliebes niht. daz ist mir alsô lîhte guot. herzeliebes, swaz ich des noch ie gesach, 35 liezen mich gedanke frî, son wiste ich niht umb ungemach. Als ich mit gedanken irre var, so wil mir maneger sprechen zuo: |