daz ern getar niht sînen schaden gerüegen. kristentuom und kristenheit, der disiu zwei zesamne sneit, 5 geliche lanc, gelîche breit, liep unde leit, der wolte ouch daz wir trüegen In Kriste kristenlichez leben. sit er uns hât ûf eine gegeben, 10 sô suln wir uns niht scheiden. swelch kristen kristentuomes giht 15 daz eine ist ân daz ander tot: sit er uns hât sîn hantgetât 20 geheizen offenbåre. 25 nû senfte uns, frowe, sinen zorn, dû frîer rôse sunder dorn, dû sunnevarwiu klâre. Dich lobet der hôhen engel schar: doch brâhten si dîn lop nie dar, daz ez volendet wurde gar, Dâ ez ie wurde gesungen in stimmen oder von zungen 30 ûz allen ordenungen' 35 ze himel unt ûf der erde. ich mane dich, gotes werde, Wir biten umb unser schulde dich, daz dû uns sîst genædiclich, Sô daz dîn bete erklinge ûz der barmunge urspringe: sô hân wir des gedinge, diu schulde werde ringe, Då mite wir sère sîn beladen. 40 hilf uns daz wir si abe gebaden Mit state wernder riuwe umb unser missetât, die nieman âne got und âne dich ze gebenne hât. Ich saz úf einem steine: 5 dô dahte ich bein mit beine, dar ûf sazt ich den ellenbogen: ich hete in mine hant gesmogen daz kinne und ein min wange. dô dâhte ich mir vil ange, 10 wie man zer welte solte leben: deheinen rât kond ich gegeben, wie man driu dinc erwurbe, der keines niht verdurbe. diu zwei sint êre und varnde guot, 15 daz dicke ein ander schaden tuot, daz dritte ist gotes hulde, der zweier übergulde: die wolte ich gerne in einen schrin. jâ leider desn mac niht gesîn, 20 daz guot und weltlich êre und gotes hulde mêre zesamene in ein herze komen. stig unde wege sint in benomen, 25 gewalt vert ûf der strâze. fride unde reht sint sêre wunt: diu driu enbabent geleites niht, diu zwei enwerden ê gesunt. Ich hôrte ein wazzer diezen und sach die vische fliezen, 30 ich sach swaz in der welte was, daz sach ich, unde sage iu daz: 35 der keinez lebet âne haz. daz wilt und daz gewürme die stritent starke stürme, sam tuont die vogel under in; wan daz si habent einen sin: si endûhten sich ze nihte, 5 si schüefen starc gerihte. si kiesent künege unde reht, si setzent herren unde kneht. sô wê dir, tiuschiu zunge, wie stêt din ordenunge, 10 daz nû diu mugge ir künec hât, und daz dîn êre alsô zergât! bekêrà dich, bekêre. die cirkel sint ze hêre, die armen künege dringent dich: 15 Philippe setze en weisen ûf, und heiz si treten hinder sich. Ich sach mit mînen ougen manne und wîbe tougen, deich gehôrte und gesach, swaz iemen tet, swaz iemen sprach. 20 ze Rôme hôrte ich liegen und zwêne künege triegen. dâ von huop sich der meiste strît, der è was oder iemer sît, dô sich begunden zweien 25 die pfaffen unde leien. daz was ein nôt vor aller not: lip unde sêle lac dâ tôt. doch wart der leien mêre. 30 diu swert diu leiten si dernider, und griffen zuo der stole wider: und niht den si solten. dô stôrte man diu goteshûs. 35 ich hôrte verre in einer klûs vil michel ungebære: da weinte ein klôsenære, er klagete gote sîniu leit: owê der bâbest ist ze junc, hilf hèrre diner kristenheit. Mehteger gôt, dû bist sô lanc und bist så breit: gedæht wir dâ nâch daz wir unser arebeit niht flüren! dir sint beidiu ungemezzen maht und êwekeit. ich weiz bi mir wol daz ein ander ouch dar umbe trahtet: 5 sô ist ez, als ez ie was, unseren sinnen unbereit. du bist ze grôz, dû bist ze kleine: ez ist ungahtet. Rich, hêrre, dich und dine muoter, megde kint, 10 an den die iuwers erbelandes vînde sint. lâ dir den kristen zuo den heiden beide sîn also den wint: dû weist wol daz die heiden dich niht irrent alters eine. an dîner râche gegen in, hèrre vater, niht erwint. die sint wider dich doch offenliche unreine, 15 wan si meinent dich mit ganzen triuwen kleine; dise unreiner, diez mit in sô stille habent gemeine. Bot, sage dem keiser sînes armen mannes rât, daz ich deheinen bezzern weiz als ez nú stât. ob in guotes unde liute niemen erbeiten lât, 20 sô var er balde und kome uns schiere, lâze sich niht tœren; irre ouch etelichen der got und in girret hât; die rehten pfaffen warne, daz si niht gehoren den unrehten die daz rîche wænent storen; scheides von in, oder scheides alle von den kœren. 25 Solt ich den pfaffen râten an den triuwen mîn, 30 het er gewest daz dâ von übel künftic wære, Min alter klôsenære, von dem ich so sanc, do uns der êrre bâbest alsô sêre twanc, 35 der fürhtet aber der goteshûserære, ir meister werden kranc. er seit, ob si die guoten bannen und den übeln singen, man swenke in engegene den vil swinden widerswanc; an pfrüenden und an kirchen müge in misselingen; der sî vil, die dar ûf iezuo haben gedingen, 5 dazs ir guot verdienen umb daz rîche in lichten ringen. Hêr babest, ich mac wol genesen, wan ich wil iu gehorsam wesen. wir hôrten iuch der kristenheit gebieten, wes wir dem keiser solten pflegen, 10 dô ir im gåbent gotes segen, daz wir in hiezen hêrre und vor im knieten. ouch sult ir niht vergezzen, ir sprâchent: swer dich segen der sî gesegent, swer dir fluoche der si verfluochet 15 mit fluoche volmezzen. durch got bedenkent iuch dâ bi, Dô gotes sun hien erde gie, do versuohten in die Juden ie: 20 sam tâtens eines tages mit dirre fråge. si frågeten, obe ir friez leben dem künege iht zinses solte geben. dô brach er in die huote und al ir låge. 25 er sprach: wes bilde ist hie ergraben? 30 daz si den keiser liezen haben sin küneges reht, und got swaz gotes wäre. Hêr keiser, sît ir willekomen. der küneges name ist iu benomen: des schînet iuwer krône ob allen krônen. ir wellet übel oder wol, 35 so mac si beidiu rechen unde lônen. dar zuo sag ich iu mære: |