postulare, nos, et illorum saluti consulere, ac tue Fraternitati deferre volentes, absolvendi eos juxta formam Ecclesie liberam tibi auctoritate presentium concedimus facultatem, nisi forte ita esset talium enormis excessus, quod merito deberent ad Sedem Apostolicam destinari, utpote si procederent ad mutilationem membrorum, seu gravem sanguinis effusionem, vel ad injectionem manuum in Episcopum, vel Abbatem, quod non esset in patientia tolerandum. Datum Laterani II. Nonas Novembr. Pontificatus nostri Anno Quinto. 193. 1220 d. 4 Nov. Lateran. Påfv. HONORIUS III:s tillåtelse för Biskopen i Skara att efter eget ompröfvande utdela aflat åt dem, som besökte en under byggnad varande kyrka helgad åt Presten NIKLAS, hvilken, sedan han lidit martyrdöden, blifvit ryktbar genom underverk, hvarom Påfven likväl ännu icke erhållit fullkomliga underrättelser. F. 1: 52. An. 5. Ep. 162. Honorius &c. Eidem. Tua nobis devotio supplicavit, ut cum quedam Ecclesia in tua Diocesi ad honorem Dei, et bone memorie Nicolai presbiteri, qui dum quendam visitaturus infirmum Corpus Christi portaret ab impiis immaniter interfectus insignibus corruscat miraculis ceperit fabricari visitantibus eam aliquam suorum peccaminum indulgentiam concedere dignaremur. Quia vero nondum super hiis nobis potuit plene liquere, nos de discretione tua plenam in Domino fiduciam obtinentes, Fraternitati tue indulgentiam huiusmodi eam visitantibus rite ac provide concedendi, liberam tibi auctoritate presentium concedimus facultatem. Datum Laterani II. Nonas Novembris Anno Quinto. 194. 1220 d. 4. Nov. . Lateran. Påfv. HONORIUS III. till Biskopen i Skara om tillsättandet af Kaniker. Honorius &c. Eidem. Audito a te diligenter Ecclesie tue statu, de providentia tua plenam in Domino fiduciam obtinentes, Fraternitati tue per apostolica scripta mandamus, quatenus eamdem Ecclesiam de Canonicis Regularibus secundum regulam Beati Augustini si fieri poterit studeas ordinare. Quod si nequiveris instituas in eadem, prout secundum Deum expedire videris canonicos seculares, tales utique qui digne in ea Domino famulentur. Datum Laterani II. Nonas Novembris, Pontificatus nostri Anno Quinto. 195. 1220 d. 13 Nov. Lateran. Påfv. HONORIUS III. till Biskopen i Skara, rörande förflyttning af några vid Domkyrkan på obehörigt sätt antagne föråldrade Prester. Honorius &c. Eidem. F. 1: 55. An. 5. Ep. 173. Supplicasti nobis, ut cum quidam jam in etate decrepita constituti olim obsequium se Deo prestare credentes in Ecclesia tua ingressum habuissent pecunia mediante ipsis qui propter imbecillitatem corporum in alia Ecclesia de facili admitti non possent, pio compatientes affectu, eos in eadem Ecclesia vivere misericorditer pateremur. Illius itaque vicem gerentes, qui parcendo ac miserando suam omnipotentiam manifestat, Fraternitati tue per apostolica scripta mandamus, quatenus eos de predicta Ecclesia removens, de misericordia, que superexaltat iudicio ipsos in aliis Ecclesiis tue Diocesis studeas collocare. Quod si forte nequiveris eos dispensative de novo recipias, mutatis prioribus locis, et inferioribus assignatis, injuncta nichilominus penitentia competenti pro quantitate peccati. Datum Laterani Idibus Novembris, Pontificatus nostri Anno Quinto, 196. 1220 d. 13 Nov. Lateran, Påfv. HONORIUS III. till Biskopen i Skara, om ändring af ett i Stiftet uppkommit missbruk att på enahanda sätt afstraffa modren, som af våda förqväft sitt barn, och den till gerningen vanligen oskyldige fadren. F. 1: 56. An. 5. Ep. 174. Honorius &c. Eidem. Sicut in nostra proposuisti presentia constitutus, quedam consuetudo in tua Diocesi jure contraria inolevit, videlicet, quod si mater in lecto de nocte per incuriam infantem oppresserit, pater sine propria culpa punitur, cum si oppressionis tempore, ipse nec in eodem lecto, nec in domo, vel terra jacet eadem, nec alias in hoc delinquit, par utrique penitentia injungatur. Quia vero indignum est alterum pro alterius culpa puniri, nec debet extendi vindicta ultra quam inventum fuerit in excedente delictum, Fraternitati tue per apostolica scripta mandamus, quatenus id de cetero nullatenus fieri patiaris, sed secundum culpas delinquentium, penitentias modereris, Datum Laterani Idibus. Novembris Anno Quinto. 197. 1220 d. 13 Nov. Lateran. Påfv. HONORIUS III:s tillåtelse för Biskopen i Skara att på förmånligaste sätt till penningar förvandla den för Heliga Landet anslagna Tjugondedelen af de Andeliges inkomster, hvilka bestodo i varor af så lågt värde att Stiftets Presterskap knappast kunde förmåslösa nämde afgift mot hundrade mark. Honorius &c. Eidem. F. 1: 57. An. 5. Ep. 175. Cum sicut in nostra proposuisti presentia constitutus, vicesima Ecclesiasticorum proventuum tue Diocesis deputata in subsidium Terre Sancte nequeat de facili estimari, pro eo quod proventus ipsi non in moneta, sed in victualibus, que habentur ibi valde modici pretii pro majori parte consistunt, propter quod Clerici ejusdem Diocesis vix ad solvendum centum marcas pro vicesima possint induci. Nos discretioni tue, de qua plenam in Domino fiduciam obtinemus super hoc committimus vices nostras Fraternitati tue per apostolica scripta mandantes, quatenus provideas super hoc auctoritate nostra prout ejusdem Terre Sancte melius videris expedire, quicquid super hoc feceris, nobis fideliter rescripturus. Datum Laterani Idibus Novembris Anno Quinto. 198. 1220 d. 13 Nov. Lateran. Påfv. HONORIUS III. till ärke-Biskopen i Upsala att svar på hans förfrågningar skulle af Biskopen i Skara muntligen lemnas. Archiepiscopo Vbsalensi Salutem &c. F. 1: 57. An. 5. Auditis per Venerabilem Fratrem nostrum. . Scarensem Episcopum tuis consultationibus diligenter, tibi per eumdem plene duximus respondendum, sicut ipse viva voce tibi poterit explicare.. Datum Laterani Idibus Novembris Anno Quinto. 199. 1220 d. 13 Dec. Lateran. Påfv. HONORIUS III:s befallning till ärke-Biskopen i Upsala att tillblandningen af vatten uti Mässoffret icke fick utgöra större mängd än vinet. F. 1: 58. An. 5. Ep. 172. Honorius Episcopus Servus Servorum Dei Venerabili Fratri Archiepiscopo Visalensi. Salutem &c. Pernitiosus valde sicut audivimus in tuis partibus inolevit abusus, videlicet quod in majori quantitate de aqua ponitur in Sacrificio, quam de vino, cum secundum rationabilem consuetudinem Ecclesie generalis plus in ipso sit de vino, quam de aqua ponendum. Ideoque Fraternitati tue per apostolica scripta mandamus, quatenus id nec de cetero facias, nec in tua provincia fieri patiaris. Datum Laterani Idib. Decembris, Pontificatus nostri Anno Quinto. 200. 1220 d. 29 Dec. Lateran. Påfv. HONORIUS III. till Konung JOHAN, om Cardinalen GREGORII ankomst och mottagande, hvilken på Konungens begäran blifvit skickad såsom Legat till Sverige. F. 1: 59. An. 5. Ep. 30g. Honorius III. instante Svetia Rege ad eum mittit Legatum apostoli- Honorius &c. Carissimo in Christo filio.... Regi Svetie Illustri Ecce iuxta precum tuarum instantiam, et promissionem nostram misimus ad te dilectum filium nostrum Gregorium de Crescentio Sancti Theodori Diaconum Cardinalem apostolice Sedis Legatum virum utique prudentia, et honestate conspicuum, et Nobis inter alios fratres nostros suis exigentibus meritis specialiter carum concesso sibi plene Legationis officio per omnes terras, que tue jurisdictionis existunt, ut extirpet nociva, et plantet salubria, prout queque secundum datam sibi a Deo prudentiam viderit facienda. Rogamus igitur Regiam Celsitudinem, quatenus ipsum, immo verius Nos in ipso recipias ylariter, et honorifice tractes, ac a subditis tuis ei facias dignam honorificentiam exhiberi, ut devotio, quam te ad apostolicam Sedem habere confidimus clareat in effectu, et Nos, et fratres nostri per hoc merito in tua caritate crescamus, idemque Legatus, qui per se ac suos qui magnum locum in Vrbe obtinere noscuntur, grata tibi poterit vicissitudine respondere ad tuam dilectionem perpetuis temporibus obligetur. Datum Laterani IV. Kal. Januar. Pontificatus nostri Anno Quinto. 201. 1220 d. 31 Dec. Lateran. Påfv. HONORIUS III. till Svenska Presterskapet om Cardinal-Legaten GREGORII ankomst och mottagande. K. c. 171. Honorivs Papa Tertivs Olao Archiepiscopo Vpsalensi Et Suffraganeis eius, & Abbatibus, Prioribus, & aliis Ecclesiarum Prælatis in Vp salensi Prouincia constitutis. Svscepti cura regiminis, quæ nos omnibus constituit debitores exposcit, vt qui officium Speculatoris assumpsimus, non solum ad prope positos, sed etiam ad longe positos nostræ sollicitudinis aciem extendamus, ac de agro Dominico studeamus extirpare plantaria vitiorum, ne forte illis per nostram incuriam excrescentibus, nobis possit adaptari quod legitur. Per agrum hominis pigri transiui, & ecce vrticæ repleuerunt eum, & operuerunt faciem eius spinæ. Quia vero humanæ conditionis natura non patitur, vt per nos ipsos cuncta nobis imminentia exequamur, exemplo eius qui cum vbique sit præsens spiritus Angelos suos facit, & in diuersa ministeria mittit illos, aliis ea exequenda committimus, quæ per nos ipsos exequi non valemus, maiora maioribus, prout ratio singulorum expostulat committentes. Vt igitur in persona eius quem ad vos destinare curauimus plenius agnoscatis quam & quan tam de vobis sollicitudinem habeamus, ecce mittimus ad vos dilectum filium nostrum Gregorium de Crescentio Sancti Theodori Diaconum Cardinalem Apostolica Sedis Legatum, virum vtique prudentia & honestate conspicuum, ac nobis inter cæteros fratres nostros suis meritis exigentibus specialiter carum commisso sibi plenæ legationis officio, & concessa sibi plenaria potestate vt euellat & destruat, ædificet atque plantet, prout quæque secundum datam sibi a Deo prudentiam viderit facienda. Ideoque vniuersitati vestræ per Apostolica scripta firmiter præcipiendo mandamus, quatenus ipsum, imo verius nos in ipso recipientes hilariter & honorifice pertractantes, eidem tanquam persona nostræ intendatis & obediatis humiliter & deuote, ac ipsius salubria monita & statuta irrefragabiliter obseruetis. Alioquin sententiam quam rationabiliter tulerit in rebelles præcipimus vsque ad satisfactionem condignam inuiolabiliter obseruari. Datum Laterani II. Calend. Ianuar. anno quinto. In eodem modo Archiepiscopo Lundensi et aliis F. 1: 60. Sv. Diplom. 28 |