Acta sunt hec in Kamenicia anno Domini M. CCC. XIII, in crastino sancti Marci euangeliste. In horum cerciorem euidenciam hanc cartam nostrorum sigillorum appensione fecimus communiri.

Z kopijarza klasztoru Panien Klarysek w w Starym Sączu, karta 50. Sprostowane myłki: a) custode, b) eiusdem, c) intulisse, d) idonearum, e) renuntiant, f) et, g) in suae causae, h) tenor et, i) arbitri, k) ipsos, 1) fecerunt, ) dimiserunt, m) persoluatur, n) ista, o) et, p) Kamecia.

Kamienica, wieś parafijalna w obw. sądeckim, pow. krościeńskim.

Antiqua civitas jest Stary Sącz, miasteczko powiatowe w obw. sądeckim.
Podoliniec, miasteczko na Spiżu nad Popradem położone.

Siedlec, wieś parafijalna w powiecie nowosądeckim.

DLIX. 1313. mense Aprili vel Maio.

Henricus praepositus monasterii Miechoviensis Sepulcri Dominici Heidenrico de Kesmark silvam Pryniec colonis frequentandam confert.

Frater Henricus canonicus lerosolimitanus, prepositus Mechouiensis, cum sui conuentus fratribus vniuersis, omnibus incolis, presentem paginam inspecturis, salutem in voto salutari. Quoniam memorie nouercatur obliuio, dignum est, ut acta temporaliter scripture patrocinio fulciantur: et ideo notum fieri volum[us h]ijs, quod hereditatem nostram et siluam Prinicz vocatam, prope fluuium Donicz sitam, exposuimus, dedimus et contulimus Heydenrico iuueni de Kasmarc et per eum suis heredibus heredumque suorum [succes]soribus extirpandam, colendam et villam fundandam et locandam populis in eadem locandis et congregandis. Quibus libertatem dedimus sedecim annis, quibus reuolutis de quolibet manso [seu] laneo soluetur vnus ferto in festo sancti Martini confessoris. Preterea ipsi populi in festo Natiuitatis Domini, in festo Pasche et in festo Pentecostes nec non in festo Natiuitatis Virginis gloriose racione patronatus remuneraciones competentes nobis iuxta sui honoris decenciam debeant presentare: hoc expresso, quod memoratus Heydenricus plenam potestatem habeat tamquam iudex et scultetus legittimus causas maiores et minores in ipsa villa emergentes, iuxta iuris formulam iudicandi, ita, quod pene, mulcte et birsagia [de] omnibus causis pecuniarijs et causis minoribus proueniencia, ad ipsum Heydenricum integraliter debeant pertinere; de mulctis vero, penis et birsagijs a causis [maioribus] nos cum nostris fratribus duos percipiamus denarios, ipso Heydenrico sculteto tercio denario remanente. Preterea idem Heydenricus racione sue scultecie et fundacionis [mansum] seu laneum liberum una cum molendino et braseatorio absque censu quolibet et condicione seruicij cum suis heredibus libere possidebit. Debitum vero census superius expressum predictus Heydenricus a populis ville tenebitur exigere et colligere et nobis statuere, sibi sexto et decimo denario tocius census et terragij remanente. Insuper populis in eandem villam congregatis

plenam tribuimus licencie facultatem sacerdotem eligendi in capellam, quam ibidem fauente Domino fabricauerit, de nostro tamen consensu et voluntate. Ad eum pertinebunt medie decime cum minutis et cum manso libero, alia medietate ad nos iugiter pertinente. Nec pretermittendum, quod sepedictus Heydenricus in prelibata villa seu possessione facere tenebitur residenciam corporalem, aut sub eadem iurisdiccione, qua ipse possidet villicatum, statuere hereditarium iudicem et scultetum. In cuius rei memoriam et caucionem perpetue firmitatis, presentem concessimus literam, appensione sigilli nostri autentici firmiter roboratam. Datum anno Domini M CCC decimo tercio, quinto ... Maij.

...

Oryginał pargaminowy, znacznie zniszczony, przechowany jest w archiwum głównem Królestwa Polskiego w Warszawie. Pieczęć wraz z sznurkiem oderwana. Pryniec nad Dunajcem gdzieby leżał, odszukać nie zdołaliśmy.

Niniejszy dokument wystawiony został prawdopodobnie na Węgrzech, gdzie proboszcz Henryk unikając mściwej ręki Łokietka z powodu współudziału w buncie krakowskim, przebywał.

DLX. 1313. mense Decembri, in Stary Sącz.

Catharina abbatissa monasterii Sandecensis, ordinis sanctae Clarae, iura et officia sculteti et incolarum villae Mokra Dąbrowa enucleat.

In nomine Domini amen. Expedit, vt gesta fiant hominum manifesta testibus et scriptis presentibus et futuris, rancor auaricie ne possit inter ista nocere. Nouerint ergo vniuersi, tenorem presencium visuri, quia Augustinus et Bogusz filij Szeczehia et Suentoslaus filius Dobroslai sculteciam suam in Mokra Dambrowa Symanco pro sex marcis grossorum vendiderunt, et ea summa peccunie accepta coram nobis Catharina cenobij Sandecensis abbatissa, cum omni iure eiusdem scultecie, habita deliberacione, dicto Symanco irreuocabiliter inperpetuum tenendam sibi et suis successoribus resignauerunt, ita inquam possidendam, sicut habuit auus ipsorum dictus Goly et prefati patres ipsorum eam tenuerunt. Priuilegium vero, quod nominatus Goly dignis meritis seruiciorum et pensione peccuniali a serenissima felicis memorie domina Kinga fuit adeptus, Seceh fratribus apud antiquam Ciuitatem podlescze (s) commisit seruandum, vna cum claustro fuit concrematum, ideo ipsum dicto Symanco dare non valuerunt. Nos vero idoneorum virorum testimonio hec ita precessisse cognoscentes, de grata voluntate omnium venerabilium sororum nostri cenobij, intuentes eciam multifaria fidelia et vtilia seruicia, que nobis prefatus Symancus a multis annis exhibuit et exhibet, priuilegium sibi super eam sculteciam dari decreuimus et ordinari, prouentus nostros in eo reiterando, incolarum iura et debita replicando, sculteti scilicet Schymanci et ipsius legitimorum successorum ius et lencenium (s) edocentes in hec verba. Omnes, qui in Mokra Dambrowa suum ponunt incolatum,

in reuolucione cuiuslibet anni de vnoquoque manso Szredensi siue Nouiforensi nobis pro censu octo scotos vsualis monete soluere sunt adstricti, de quo censu memorato Symanco pars sexta debetur. Preter hec idem villani pro estualibus faciendis inter annum nobis semel arabunt, secunda vice in mense Iulio, tercia vice in Octobre pro hiemalibus seminandis, ea iugalitate, qua suum arare consueuerunt. Preter ista de qualibet curia per plaustrum lignorum circa festum s. Martini sunt nobis adducere opportuni. Pro muneribus autem in Natiuitate Domini nobis offerre pro uiribus suarum facultatum vnum porcum pinguem tenebuntur. Sciendum eciam, quod omnes incole huius hereditatis non alias, nisi in sua villa per suum scultetum Symancum mediantibus sentencijs suorum scabinorum iudicabuntur; verumtamen iudicijs prouincialibus presidendis nuncium nostrum requiret et cum eo iudicium eo iudicium presidendo iure Maydeburgensi omnes causas magnas et paruas equo fine terminabit et de quibuslibet questibus iudiciorum siue iudicatis nobis duabus partibus presentatis vel assignatis, sibi et suis successoribus partem terciam retinebit. In prima die iudiciorum magnorum ter infra annum distinctorum, scilicet in octaua s. Martini nostro nuncio scultetus in expensis prouidebit, in alijs vero duobus diebus, videlicet in die beate Agathe et tercio die post diem s. Iohannis Baptiste villani eidem nuncio nostro expensas ministrabunt. De dubitacione (s) sentenciarum, de plectendis, torquendis siue condemnandis maleficis, de exaudiendis nostris peticionibus, ad iura aliarum villarum nostrarum, sicut sunt Beganici et Barcici se coaptabunt. Sciendum insuper, quia idem Symancus liberum mansum frumeticium huius scultecie, vno fine contiguum ville, latere dextro adiacet strate, que ducit in Strone, alio fine pertingit gades Stronenses, latus autem sinistrum riwlos, quorum vnus a villa procedit, alter Turkel dicitur et insimul confluunt, eos sua extensione non excedit, (possidebit) et in eodem manso habet liberam tabernam tenere et collocare. Preter hec, si quis sepedictum Symancum scultetum vel aliquos de ipsius familia iudicio velit conuenire, ipsos ad presenciam iudicis nostre curie literis eius sigillo sigillatis ad nostram curiam euocabit, et ibi comparentes suo iure Maydeburgensi sibi obicientibus respondebunt; aliter vel alias citati nec parere nec respondere tenebuntur. Et hanc sculteciam saluo nostro iure licet sibi vendere, commutare vel qualitercunque alienare. Ne autem quis inposterum tactus stimulis auaricie aut furiens flammis inuidie prelibatum contractum et opus nostre gracie queat perturbare, nos hanc paginam impressione nostri sigilli ac et(iam) munimine sigilli venerabilium dominarum nostrarum charissimarum sororum duximus roborari. Acta hec sunt in Sandecz, anno Domini M° CCC XIII, in mense Decembri. Presentibus honestis viris : Nicolao dicto lasczorka, venerabilium dominarum (iudice), Stanislao plebano de Veteri Sandecz, Suentoslao germano Pauli, nostre curie iudicis, Mathia de Myslcza, Steschone de Bieczych et Petro Abba, qui hec scripsit, alijsque quam pluribus viris fidedignis.

Wedle tekstu zawartego w kopijarzu klasztoru Panien Klarysek w Starym Sączu, na karcie 196. Iest ten dokument w tłumaczeniu polskiem ogłoszony dru kiem w Morawskiego: Sądecczyźnie, I, str. 209. Sprostowane myłki: a) Secelii, b) Secel, c) Remensi, d) ferendis, e) dominorum.

Mokra Dąbrowa dziś Mokrawieś, w pow. starosądeckim, par. Podegrodzie.
Biegunice i Barczyce, wsie parafijalne w pow. starosądeckim.
Stronie, Wieś w pow. limanowskim, par. Podegrodzie.

DLXI. 1315. die 28. m. Ianuarii, Sandomiriae.

Hedvigis ducissa regni Poloniae etc. sororum Beginarum domus Sandomiriensis patrocinium suscipit.

Nouerint vniuersi presentium noticiam habituri, quod nos Heduigis Dei gracia Cracouie, Sandomirie, Syrazie, Cuyauie regnique Polonie ducissa, ob remissionem nostrorum peccaminum sorores Beginas Herborgam, Elizabeth et alias omnes socias earum cum domo, quam habent sytam iuxta aream domini Cesslay, custodis ecclesie sancte Marie in Sandomiria, cum orto et area ante ciuitatem predictam nostram, in curam et procuracionem ac defensionem recipimus specialem, mandantes et uolentes, quod eadem domus et area cum orto predictarum sororum nichil solucionis et custodie, que ad ciuitatem pertinent Sandomiriensem, teneantur, sed ut prius gaudebant de libertate et nunc gaudeant de libertate ampliori. Et si aliquam mori ex eis continget, vnaqueque succedens in predictis, de supradicta gaudeat plenaria libertate. Datum in Sandomiria sub anno Domini Mo. C°C°C°. XV, quinto kalendas Februarij mensis, atestantibus viris ydoneis: comite Stephano Pankauca, domino Gunthero decano Sandomiriensi et Iascone cantore Opathouiensi.

Oryginał pargaminowy, spisany na wąskim kawałku pargaminowym, stanowi własność hr. Konstantego Przezdzieckiego. Pieczęć oderwana, była ona przywieszona na pasku, który z tegoż samego dokumentu był z dolnego brzegu nadcięciem utworzony. Iest ten dokument ogłoszony drukiem w Kodeksie dyplomatycznym małopolskim pod N. 151, lecz z kopii błędnej z tek Naruszewicza wyjętej, więc go tu z oryginału powtarzamy.

DLXII. 1315. die 13. m. Decembris, in Stary Sącz.

Coram Gervino advocato Sandecensi Gotsalcus quondam scultetus de Meltur, cum sanctimonialibus ordinis s. Clarae monasterii Sandecensis de advocatia in Stary Sącz paciscitur.

Nouerint vniuersi presencium tenorem visuri, quod coram me Geruino aduocato et scabinis Antique Ciuitatis et quam plurimis idoneis viris, videlicet comite Paulo filio Trebe, iudice curie nostre, et Henrico scolteto de Podolin, Goccalcus quondam scoltetus in Meltur, aduocaciam, quam in Antiqua Ciuitate a sororibus emerat et partem pecunie eisdem dederat, videlicet viginti quatuor marcas, et tunc ipsam aduo

caciam propter diuersa impedimenta plenarie soluere non valeret, dicte sorores habito bono consilio et matura deliberacione, mediantibus discretis viris et honestis, de eadem peccunia sibi XVIII marcas restituunt. Quare ipse ibidem in Antiqua Ciuitate in bannito iudicio coram iam dicto aduocato et scabinis omne ius aduocacie, quod habuit, per contractum presentem vna cum filijs suis ac ceteris amicis suis resignando abrenunciauit, promitens se vna cum filijs suis et ceteris amicis prenotatis sororibus et ipsarum subditis vbique fidelia et amicabilia seruicia exhibere. Et hec omnia inquam coram nobis, videlicet Nicolao aduocato, consulibus et iuratis de Kamenicia notificauit, super quo, vt actum est, nos testimonium ferentes, presencia munimine sigilli nostre ciuitatis roboramus. In signum vero maioris firmitatis ordinacionis et renunciacionis Stephanus comes Saxonum in Cyps cum ceteris iuratis sigillo communi terraneorum (?) debent eandem literam roborare. Acta sunt hec anno Domini M. CCC. XV. Datum in die beate Lucie virginis, indiccione XIII.

Z kopijarza klasztoru Panien Klarysek w Starym Sączu, karta 62, stronica odwrotna. Sprostowane myłki: a) Trebich, b) nostris, c) certis.

Antiqua ciuitas jest Stary Sącz, miasteczko powiatowe w obw. sądeckim.
Kamienica, dziś Nowy Sącz, miasto obwodowe w Galicyi zachodniej.

DLXIII. 1316.

Iacobus filius Alberti de Bogoria, patruis suis Nicolao, Pasconi et laroslao de Bogoria villam Góra restituit et dimidiam partem villae Iaślany confert.

In nomine Domini amen. Nouerint vniuersi presentes litteras inspecturi, quod cum Nicolaus, Pasko et laroslaus, heredes de Bogoria, patrui mei carissimi, mihi super Lubno et ei adiacentibus et Gora hereditatibus mouissent diucius questionem, tandem tam ipsi, quam ego inter nos vnionem et amiciciam cupientes, de consilio amicorum nostrorum concordauimus sub hac forma. Ego quidem Iacobus filius pie recordacionis Al(berti), quondam Sandomiriensis pallatini, restituo patruis meis N. P. et laroslao predictis hereditatem ipsorum Gora pure et libere et totam, sicut ego eam ad nondum possidebam. Item do et trado eis medietatem Geslany ville mee animo nunquam repetendi, vna sorte videlicet comitis videlicet (s) Tholignei dumtaxat excepta; sed et illam, quando potuero eamque redimam de communi tum ipsorum et mea peccunia, cum eis eque per medium diuidam. Verum pro iniurijs et violencijs ab amicis meis Hungaris aliter facere non valeo, nisi quod faciam eos cum ipsis conuenire, vt eis illi personaliter in predictis villis de non nocendo promittant. Insuper omnem fidelitatem, amiciciam et assistenciam contra quemlibet, excepto domino duce, ipsis compromitto. Et ne concordia ista possit in posterum aliquo violari, presentes feci mei sigilli munimine roborari. Actum et datum anno Domini M° CCC° XVI°, domino archidiacono Sandomi

е