durch ganz geworhtez glas, alsô gebar diu reine Krist, diu magt und muoter was. 15 besenget noch verbrennet wart: breit unde ganz beleip sîn glanz vor fiures flamme unverschart. daz was diu reine 20 magt alleine, diu mit megetlîcher art Kindes muoter worden ist ân aller manne mitewist, wider menneschlichen list 25 den waren Krist gebar, der uns bedâhte. wol ir, daz si den ie getruoc, der unsern tôt ze tôde sluoc! mit sînem bluote er ab uns twuoc 30 den ungefuoc den Even schulde uns brâhte. Salomones hôhes trônes bist dû, frowe, ein selde hêre und ouch gebieterinne. 35 balsamite, margarite, ob allen magden bist dû, maget, ein magt, ein küneginne. gotes amme, ez was dîn wamme 40 ein palas kleine, dâ daz reine lac beslozzen inne. Dem lamme ist gar 5 gelich gevar der megde schar: die nement sîn war und kêrent swar ez kêret. daz lamp ist 10 der wâre Krist, dâ von dû bist gehoehet und gehêret. 15 nû bite in daz er uns gewer Dû maget vil unbewollen, 20 der Gedêônes wollen glichest dû bevollen, die got selbe begôz mit sîme touwe. beslôz dînr ôren porten, 25 daz süeze an allen orten dich hât gesüezet, süeze himelfrouwe. Daz ûz dem worte erwahsen sî, daz ist von kindes sinnen frî: ez wuohs ze worte, und wart ein man. 30 då merket alle ein wunder an: ein got der ie gewesende wart ein man nach menneschlicher art. swaz er noch wunders ie begie, daz hât er überwundert hie. 35 des selben wunderæres hûs was einer reinen megde klûs wol vierzec wochen und niht mê ân alle sünde und âne wê. |