trôst mag ez niht geheizen, owê des! ez ist vil kûme ein kleinez trœstelîn; sô kleine, swenne ichz iu gesage, ir spottet min. doch fröwet sich lützel ieman, er enwizze wes. 5 Mich hât ein halm gemachet frô: er giht, ich sül genâde vinden. ich maz daz selbe kleine strô, als ich hie vor gesach von kinden. nû hæret unde merket ob siz denné tuo. 10 'si tuot, si entuot, si tuot, si entuot, si tuot.' swie dicke ichz tete, sô was ie daz ende guot. daz træstet mich: dâ hæret ouch geloube zuo. Swie liep si mir von herzen sî, sô mac ich doch wol erliden 15 daz ich ir sî zem besten bî: ich darf ir werben dâ niht nîden. ichn mac, als ich erkenne, des gelouben niht dazs ieman sanfte in zwîvel bringen müge. mirst liep daz die getrogenen wizzen waz si trüge, 20 und alze lanc dazs iemer rüemic man gesiht. Ir reinen wîp, ir werden man, ez stêt alsô daz man mir muoz êr unde minneclîchen gruoz noch volleclicher bieten an. 25 des habet ir von schulden græzer reht dan ê: welt ir vernemen, ich sage iu wes. wol vierzec jâr hab ich gesungen oder me von minnen und als iemen sol. dô was ichs mit den andern geil: 30 nu enwirt mirs niht, ez wirt iu gar. mîn minnesanc der diene iu dar, und iuwer hulde sî mîn teil. Lât mich an eime stabe gân und werben umbe werdekeit 35 mit unverzageter arebeit, als ich von kinde habe getân. sô bin ich doch, swie nider ich sî, der werden ein, genuoc in miner mâze hô. daz müet die nideren. ob mich daz iht swache? nein. die biderben hânt mich deste baz. der werden wirde diust sô guot, 5 daz man inz hoehste lop sol geben. ezn wart nie lobelicher leben, swer sô dem ende rehte tuot. Welt, ich hân dînen lôn ersehen: swaz dû mir gist, daz nimest dû mir. 10 wir scheiden alle blôz von dir. scham dich, sol mir alsô geschehen. ich hân lîp unde sêle (des was gar ze vil) gewâget tûsentstunt dur dich: nû bin ich alt und hâst mit mir dîn gampelspil: 15 ist mir daz zorn, sô lachest dû. nu lache uns eine wile noch: din jâmertac wil schiere komen, und nimet dir swazt uns hâst benomen, und brennet dich dar umbe iedoch. 20 Mîn sêle müeze wol gevarn! ich hân zer welte manegen lip gemachet frô, man unde wip: künd ich dar under mich bewarn! lobe ich des libes minne, deis der sêle leit: 25 si giht, ez st ein lüge, ich tobe. der wâren minne giht si ganzer stætekeit, wie guot si sf, wies iemer wer. lip, lâ die minne diu dich lât, und habe die stæten minne wert: 30 mich dunket, der dû hâst gegert, diu sî niht visch unz an den grât, Ich hât ein schoenez bilde erkorn, 35 ez hât schoen unde rede verlorn. dâ wonte ein wunder inne: daż fuor ine weiz war: III. Saget mir ieman, waz ist minne? weiz ich des ein teil, sô wist ichs gerne mè. • der sich baz denn ich versinne, der berihte mich durch waz si tuot sô wè. 5 minne ist minne, tuot si wol: tuot si wê, so enheizet si niht rehte minne. sus enweiz ich wie si danne heizen sol. Obe ich rehte râten künne waz diu minne st, sô sprechet denne jâ. minne ist zweier herzen wünne: 10 teilent sie geliche, sost diu minne dâ: sol abe ungeteilet sin, sô enkans ein herze alleine niht enthalten. owê woldest dû mir helfen, frowe mîn! Frowe, ich trage ein teil ze swære: wellest dû mir helfen, sô hilf an der zît. 15 sî abe ich dir gar unmære, daz sprich endeliche: sô lâz ich den strit, unde wirde ein ledic man. dû solt aber einez wizzen, daz dich rehte lützel ieman baz dann ich geloben kan. Kan min frowe süeze siuren? 20 wænet si daz ich ir liep gebe umbe leit? sol ich si dar umbe tiuren, daz siz wider kêre an mîne unwerdekeit? so kund ich unrehte spehen. we waz sprich ich ôrenlôser ougen âne? den diu ininne blendet, wie mac der gesehen? Daz az ich dich sô selten grüeze, frowe, daz ist ân alle mine missetât. ich wil daz wol zürnen müeze liep mit liebe, swa'z von friundes herzen gât. 5 trûren unde wesen frô, sanfte zürnen, sêre süenen, deis der minne reht: diu herzeliebe wil also. In gesach nie tage slichen sô die mîne tuont. ich warte in allez nâch: wesse ich war si wolten strichen! 10 mich nimt iemer wunder wes in si sô gâch. si mugen zuo deme komen der ir niht sô schône phliget: sô lâzen denne schinen ob si wîzen weme. Du solt eine rede vermîden, frowe: des getriuwe ich dînen zühten wol: 15 tætest dus, ich woldez nîden; als die argen sprechent, dâ man lônen sol, hete er sælde, ich tæte im guot.' cr ist selbe unsælic, swer daz gerne sprichet unde niemer diu gelîche tuot. Genâde, frowe! tuo also bescheidenliche: 20 lâ mich dir einer iemer leben: obe ab ich daz breche, daz ich furder strîche. wan einez soltû mir vergeben: daz mahtû mir ze kurzewîle erlouben gerne, die wîle unz ich dîn beiten sol. 25 ich nenne ez niht, ich meine jenz, dû weist ez wol. ་ ich sage dir wes ich angest hân: dâ fürht ich daz ichz wider lerne. 'Gewinne ich iemer liep, daz wil ich haben eine: mîn friunt der minnet andriu wîp. 30 an allen guoten dingen hân ich wol gemeine, wan dâ man teilet friundeslip. sô ich in under wilen gerne bî mir sæhe, sô ist er von mir anderswâ. sît abe er då gerne sî, sô sî ouch dâ. 35 ez tuot sô manegem wibe wê, daz mir dâ von niht wol geschehe.' |