920. Die Einwohner von Bleidenstatt und der übrigen Orte innerhalb der Bleidenstätter Terminei räumen der Abtei die bisher abgesprochene uneingeschränkte Weidegerechtigkeit und Schaftrift in der Terminei ein. 1277 März 23.

F. cantor 1) ecclesie sancti Johannis in Moguntia, iudex specialis a domino.. archiepiscopo Moguntino constitutus. Cum inter dominum . . abbatem de Blidenstat nomine ecclesie sue ex parte una et homines parrochie de Blidenstat et aliarum villarum infra terminos abbatie sitarum ex altera coram nobis questio verteretur super eo, quod predicti homines sententiam tulerant in suo plebiscito, quod predictus dominus. . abbas in eisdem terminis oves et alia animalia habere non deberet nisi ad certum numerum ab ipsis taxandum, tandem rationibus prefati domini abbatis coram nobis propositis ad nostrum instinctum predicti homines huiusmodi sententiam mutaverunt decernentes et sententialiter statuentes, quod prefatus dominus . . abbas infra terminos sue abbatie et in omnibus curiis suis oves et animalia habere deberet et habere posset cum suo pastore in tali numero, qui sibi conpetens videretur, sine contradictione vel inpedimento hominum predictorum vel quorumlibet aliorum. Nos igitur posteriorem sententiam utpote rationabilem et discretam priore penitus reprobata in nomine domini confirmamus. Nos iudices sancte Moguntine sedis eandem sententiam ad petitionem dicti . . abbatis et de consensu partis adverse similiter confirmamus.

Datum anno domini M°. CC.LXX.VII., decimo kal. Aprilis.

Or. im St.-A. Von den beiden angehängten S. ist das zweite, das des Cantors, erhalten; dasselbe ist oval, von braunem Wachse und zeigt einen an einem Lesepulte stehenden, mit der Casula bekleideten Geistlichen. Umschrift beschädigt.

921. Philipp II. von Falkenstein verkauft dem Rheinpfalzgrafen Ludwig II. für 2300 Mark 2) Aachener Denare Burg und Stadt Caub mit Ausnahme eines Hofes, den Kirchensatz zu Weisel, seine Güter zu Ulvensheim und wird Burgmann des Pfalzgrafen zu Caub. Worms 1277 April II.

Ego Philippus de Valchenstein imperialis aule camerarius universis presentibus et futuris notum facio, quod illustri domino meo Lodwico inclito comiti palatino Reni, duci Bawarie castrum Chube cum oppido sub castro sito et omnibus iuribus, iudiciis et honoribus, iure patronatus ecclesie in Wizzel necnon omnibus attinentiis eorundem, que me respiciebant vel respicere videbantur, videlicet hominibus, agris, vinetis, pratis, silvis, pascuis, cultis et incultis, quesitis et inquirendis pro duobus milibus marcarum et centum marcis Aquensium denariorum legalium, quas me profiteor complete et integre recepisse, vendidi et pleno iure dominii transtuli in eundem ac heredes suos, qui ea deinceps omni tempore possidebunt exceptis curia mea in oppido sita et vasallis meis mihi fidelitatis debito astrictis. Item ducentas marcas Aquensium denariorum similiter legalium in promptu mihi dedit,

1) Fehlt in dem Verzeichnisse der Cantoren von S. Johann bei Guden. III, 850.
2) 21000 bei Weidenbach a. a. O. ist Versehen.

pro quibus omne ius proprietatis et hereditatis, quod in villa Ulvensheim sita apud Alzeiam, quam ab ipso domino meo duce in feodo teneo, mihi competit vel competere videbatur, per manum, consensum et voluntatem Gisile uxoris mee karissime tradidi eidem domino meo titulo proprietatis cum omnibus iuribus et pertinentiis suis perpetuo possidendum. Que bona postmodum prefatus dominus meus mihi et predicte uxori mee pro castrali feodo contulit nobis ambobus et heredibus nostris, qui in eisdem bonis nobis legitime succedent, nomine castellanie cum curia supradicta omni tempore possidenda et de ipsis bonis in prefato castro Chube sui erimus hereditarii castellani et sibi necnon heredibus suis tanquam castrenses tenebimur fidelibus serviciis in omnibus obedire. Si vero cum ducentis marcis, pro quibus predicto domino meo proprietatem meam in Ulvensheim tradidi, aliam equivalentem proprietatem comparavero, predicta proprietas ad me et heredes meos libere revertetur et proprietatem, quam comparavero, sub forma castellanie possidebo, sicut superius est pretactum. Ipse vero dominus meus me et heredes meos per grate defensionis presidia tanquam castellanos fovere et tueri pro iure nostro tenebitur vice versa et quocunque tempore evidente necessitate sibi imminente a predicto domino meo duce vel suis officialibus fuero requisitus, in castro Chube personaliter teneor residere vel si ab hoc necessitas legitima me retraxerit, locabo ibidem alium probum et ydoneum militem, qui inibi gerat fideliter vices meas. Predictum etiam castrum Chube, oppidum et omnia supradicta ad requisitionem et instantiam prefati domini mei viris discretis ministerialibus et castellanis suis, videlicet Ancelmanno de Dietpach, Wernhero Gůtende, Wentzoni, Wilderico et Herbordo fratribus filiis Baldemari, Tudoni de Stegen, Christiano, Anzelmanno et Petro fratribus filiis Chusini, Vogloni et Heinrico Hunnoni fratribus, Johanni de Lorch, Heinrico Raubsach et Lamberto, ut prefato domino meo et heredibus suis per ipsos fideliter conserventur, titulo contuli feodali et quamcunque aliam firmitatem seu stabilitatem sepedictus dominus meus aut sui heredes a me aut heredibus meis in posterum requisierint, eandem facere debeo et teneor sine dampno meo, remoto dolo et captione qualibet de omnibus supradictis. Castellani etiam in dicto castro residentes sepefato domino meo et heredibus suis ad fidelitatis debitum, quo mihi hactenus astricti fuerant et de quo ipsos reddidi liberos et solutos, ammodo tenebuntur et de hoc eidem domino meo iuramentum corporaliter prestiterunt. Demum ut in gratia et fidelitate sepedicti domini mei possim gratiosius et familiarius permanere et eidem in fide sincerissima amplius sim astrictus, iuramento meo corporali super hoc recepto in suum consulem me recepit et quandocunque socios clippei sui vestiet, vestire me tenebitur cum eisdem. In testimonium itaque predictorum omnium et etiam pleni roboris firmitatem presentes sigillis domini mei serenissimi Rudolphi, incliti Romanorum regis semper augusti, domini Emichonis wildegravii soceri mei, meo et uxoris mee karissime cum subnotatione testium tradidi sigillatas, qui sunt: dominus Gotfridus wildegravius, Albertus prepositus Ilmunstrensis, Arnoldus plebanus de Alzeia, Heilmannus burgravius de Wachenheim, Heinricus de Gerhartstein, Berhtoldus de Witoltshoven canonicus Augustensis, Otto de Bickenbach, Winhardus de Rorbach, Philippus dapifer de Alzeia, Wernherus filius Ode de Alzeia, Chunradus notarius de

Valchenstein, Berhtoldus de Rosbach notarius, Giselbertus frater Winteronis de Alzeia, Zacharias de Munnenbach, Heinricus advocatus de Heidelberch, Volmarus Chnoltzo civis Spirensis, Chunradus Cippo de Wormatia et alii quam plures ydonei et fidedigni.

Datum Wormatie, anno domini Mo.CC.LXXVII., III. idus Aprilis.

Or. im St.-A. Die vier S. hingen an rothen und gelben Seidenschnüren; nur von dem S. des Wildgrafen Emicho sind einzelne Bruchstücke erhalten. Abschr. im Pfälzer Copialbuch zu Carlsruhe. Gedr. Rossel, Pfalzgrafenstein S. 20. Auszug Joann. I, 1021, Act. Palat. III, 101. Vergl. Tolner, Hist. Pal. Add. S. 45; Grüsner, Dipl. Beiträge III, 110; Widder, Kurpfalz III, 401; Köllner, Kirchheim-Bolanden 377; Weidenbach, Annal. IX, 293; Böhmer, Wittelsb. Reg. S. 38, 130.

922. Gegenurkunde des Pfalzgrafen Ludwig II. über den Verkauf von Burg und Stadt Caub von Seiten Philipps von Falkenstein. Worms 1277 April II.

Nos Ludewicus dei gracia comes palentinus Reni, dux Bavarie, universis presentibus et futuris notum facimus, quod a dilecto fideli nostro Philippo de Valkenstein, imperialis aule camerario, castrum Cube cum opido sub castro sito et omnibus iuribus, iudiciis et honoribus, iure patronatus ecclesie in Wissel necnon omnibus attinenciis eorundem, que ipsum respiciebant vel respicere videbantur, videlicet hominibus, agris, vinetis, pratis, silvis, pascuis, cultis et incultis, quesitis et inquirendis pro duobus milibus marcarum et centum marcis Aquensium denariorum legalium, quas sibi persolvimus integre et complete, ut in privilegio nobis super hoc dato continetur, emimus, ita quod in nos et heredes nostros pleno iure dominii transtulit omnia supra dicta deinceps omni tempore possidenda, exceptis quadam curia in opido Cuba sita et vasallis suis, qui sibi fidelitatis debito tenebantur. Item ducentas marcas denariorum Aquensium similiter legalium in promptu sibi dedimus, pro quibus omne ius proprietatis et hereditatis in villa Ulvenshem sita apud Alzeiam, quam a nobis in feodo tenet, sibi competit vel competere videbatur, per manum et consensum uxoris sue Gisile consanguinee nostre tradidit nobis titulo proprietatis cum omnibus iuribus et pertinenciis suis perpetuo possidendum. Que bona postmodum sibi et predicte uxori sue pro castrali feodo contulimus ipsis ambobus et heredibus suis, qui in iisdem) bonis ipsis legittime succedent, nomine castellanie cum curia supradicta omni tempore possidenda et de ipsis bonis in prefato castro Cube nostri erunt hereditarii castellani et nobis necnon heredibus nostris tamquam castrenses tenebuntur fidelibus serviciis in omnibus obedire. Si vero cum ducentis marcis, pro quibus nobis proprietatem suam in Ulvensheym tradidit, aliam equivalentem proprietatem comparaverit, predicta proprietas ad eum et heredes suos libere revertetur et proprietatem, quam comparaverit, sub forma castellanie possidebit sicud superius est pretactum. Nos vero ipsum et heredes suos per grate defensionis presidia tamquam castellanos fovere et tueri pro iure suo tenebimur vice versa, et quocumque tempore evidente necessitate nobis inminente a nobis et officialibus nostris fuerit requisitus, in castro Cube personaliter tenetur residere, vel si ab hoc

a) eiusdem das Copiar.

necessitas legittima ipsum retraxerit, locabit ibidem alium probum et ydoneum militem, qui inibi geret fideliter vices suas. Predictum eciam castrum, opidum et omnia supradicta ad requisicionem et instanciam nostram fidelibus nostris ministerialibus et eciam castellanis, videlicet Ancellmanno de Diepach, Wernhero Gutende, Wentzoni, Wilderico et Hirbordo fratribus filiis Baldemari, Tudoni de Stegen, Christiano, Ancellmanno et Petro fratribus filiis Chusini, Vogloni et Heinrico Hunnoni fratribus, Johanni de Lorch, Heinrico Raubesack et Lamberto, ut nobis et heredibus nostris per ipsos fideliter conserventur, titulo contulit feodali. Et quamcumque aliam firmitatem seu stabilitatem nos et nostri heredes ab ipso Philippo vel heredibus suis in posterum requisierimus, eandem tenetur et debet nobis facere sine dampno seu remoto dolo et capcione qualibet de omnibus supradictis. Castellani eciam in dicto castro residentes nobis et heredibus nostris ad fidelitatis debitum, quo sibi hactenus astricti fuerant et de quo ipsos reddidit liberos et solutos, ammodo tenebuntur et de hoc nobis juramentum corporaliter prestiterunt. Demum ut predictus Philippus in gratia et fidelitate nostra possit graciosius et familiarius permanere et nobis in fide sincerissima amplius sit astrictus, juramento suo corporali super hoc primitus recepto ipsum in nostrum consulem recepimus et quandocumque socios clipei nostri vestiemus, ipsum vestire tenebimur cum eisdem. In testimonium itaque predictorum omnium et eciam pleni roboris firmitatem presentes sigillis serenissimi domini nostri Rudolfi, incliti Romanorum regis semper augusti, necnon et Emichonis wildegravii, dilecti fidelis nostri et consanguinei, cum subnotacione testium iussimus sigillari, qui sunt: Gotfridus wildegravius, Albertus prepositus Ilmunstrensis, Arnoldus plebanus de Alzeia, Bertholdus de Witolshoven canonicus Augustensis, Otto de Bickenbach, Winhardus de Rorbach, Philippus dapifer de Alzeia, Heylmannus burggravius de Wachenheim, Heinricus de Gerhartstein, Wernherus filius Ode de Alzeia, Cůnradus notarius de Valchenstein, Bertholdus de Rosbach notarius, Gyselbertus frater Winteronis de Alzeia, Zacharias de Minnenbach, Hinricus advocatus de Heydelberg, Volmarus Chnolzo civis Spirensis, Cůnradus Cippo de Wormacia et alii quam plures ydonei et fide digni.

Datum Wormacie, anno domini MCCXXLVIIo, III ydus Aprilis.

Abschr. im Falkensteiner Copiar zu Würzburg; einzelne kleine Versehen des Abschreibers sind nach der vorhergehenden Ausfertigung verbessert. Im Auszuge gedr. Joann. I, 1021; Acta Palatin. III, 101 mit fehlerhafter Wiedergabe der Zeugenreihe. Vergl. Böhmer, Wittelsb. Regg. S. 38, Marburger Beiträge zur Gelehrs. III, 127. Die Ansicht von Weidenbach, Annal. IX, 294, die Acta Palatin. a. a. O. gedruckten Bruchstücke der Urk. seien eine kürzere Fassung derselben und nur wegen der Belehnung mit Ulversheim ausgestellt, beruht lediglich auf Missverständniss.

923. Graf Adolf von Nassau gestattet dem Ritter Nicolaus von Scharfenstein, das Witthum seiner Frau Ofinia auf sein Lehen zu verschreiben. 1277 Mai 8.

Nos Adolfus comes de Nassauwe universis presentes litteras inspecturis notum esse cupimus, quod omne illud feudum, quod dilectus fidelis noster Nicolaus de Scharphenstein miles a nobis titulo feodali possidere dinoscitur, ob grata, que idem Nicolaus nobis impendit, servitia hoc idem feodum Ofinie, collaterali sue

dilecte, bona nostra voluntate et consensu iure dotis per presentes duximus concedendum. In cuius rei testimonium et facti evidenciam dicte Ofinie presentem litteram sigillo nostro tradidimus communitam.

Datum anno domini MCC septuagesimo septimo, sabbato post ascensionem

domini.

Gedr. Guden. V, 602. Vergl. Schliephake II, 153.

924.

Pfarrer Herdegen von Kiedrich und seine Brüder leisten dem Stifte S. Peter zu Mainz Bürgschaft für die an dasselbe verkauften Weinberge und Aecker. - 1277 Mai 12.

G. canonicus ecclesie sancti Johannis Maguntie, officialis domini . . prepositi sancti Mauricii ibidem. Cum Herdegenus plebanus de Kederche et duo fratres sui sacerdotes redditus dimidie marce denariorum Coloniensium de vinea sua et areis sitis in Ibingen perpetuo annis singulis persolvende in festo beati Martini dilectis in Christo. . decano et capitulo ecclesie sancti Petri Maguntie vendidissent pro certa pecunie quantitate et ad prestandum debitam warandiam per annum, ut moris est, ipsis fideiussorum copia defuisset, predicti tres fratres coram nobis comparentes obligaverunt se ad penam sex marcarum, ut si ecclesia sancti Petri predicta impediretur ab aliquo in vinea et pignoribus antedictis, ipsi prefate ecclesie essent in sex marcis prehabitis obligati. Si vero unus vel duo eorum decederent, superstes vel superstites in premissis sex marcis ecclesie tenerentur. In cuius rei evidenciam et testimonium premissorum presentes litteras nostro sigillo fecimus roborari.

Datum anno domini Mo. CC.LXXVII, in die beatorum Nerei, Achillei et Pancracii martirum.

Or. mit angehängtem S. des Ausstellers im St.-A. Abschr. im Copialbuche des Stifts S. Peter, II, 152, jedoch mit unrichtigem Jahre 1272, welches in den hieraus geflossenen Auszug bei Bodmann S. 851 übergegangen ist. Zaun, Landcapitel S. 129, Roth I, 288, No. 6 sind hiernach zu berichtigen.

925. Gotfrid IV. von Eppenstein und seine Frau Mechtild schenken dem Kl. Altmünster zu Mainz den Vogt Gotfrid und dessen Frau zu Hochheim. 1277 Mai.

Godefridus de Eppenstein iunior. Recognoscimus hiis nostris litteris publice protestando, quod nos communicata manu Mechthildis nostre collateralis renunciatione tocius iuris, quod nobis in personis et bonis Godefridi advocati de Hocheim et Mildrune uxoris sue conpetebat vel conpetere videbatur, facta eosdem Godefridum et Mildrunam cum personis et bonis ipsorum monasterio et conventui dominarum veteris monasterii in Maguncia donacione pura et simplici propter deum precipue et ob honorem beate Marie virginis matris sue iam nunc et in perpetuum pro nobis et nostris successoribus universis damus et resignamus in perpetuum obtinendos, ita ut una ex ipsis persona decedente altera superstes existens in continencia viduitatis perseverans se cum bonis suis a prefato monasterio et conventu numquam abstrahere debeat neque possit. In cuius facti testimonium ac debitam firmitatem presentes litteras sigillo domini Godefridi patris