plar mortificationis et sui ipsius abnegationis, fervoris in oratione, in offerendo quotidie devotissime ss. Missæ sacrificio, in crebra visitatione locorum pietate celebrium Telgeti, Strombergæ, Coesfeldiæ, Billerbeci etc. in sæpiori iteratione exercitiorum spiritualium, in instruendis rudibus, convertendis peccatoribus, visitandis aegrotis, consolandis afflictis, reconciliandis litigantibus, confortandis moribundis:in assidua et indefessa sollicitudine et liberalitate erga pauperes, in promovendis et stabiliendis bonis moribus et devotionibus domesticis per familias. Hic vir, vere dignus, qui omnibus Bonæ Voluntatis Confratribus omni futuro tempore præluceret, in primo conventu viginti et unius tantummodo sacerdotum anno 4664 Præses Confraternitatis electus est. Præfuit eidem per annos triginta et sex, pie defunctus anno 1697. 31. Maii, cum Confraternitas iamiam 445 socios numeraret. Christophorus Bernardus Princeps Episcopus Monasteriensis et Joannes Episcopus Castoriensis, per Hollandiam et Comitatum Lingensem Vicarius Apostolicus, mox ab erectione Confraternitatis eidem se adiunxerant eamque autoritate Ordinaria approbaverunt. Sed ardentis simis in votis Confratrum erat Approbatio S. Sedis Apostolicæ, quæ subsecuta est per Bullam Innocentii PP. XI. huius tenoris. INNOCENTIUS EPISCOPUS Dilectis filiis Archiepiscopi Coloniensis per Diœcesin Osnabrugensem in Ecclesiasticis Constituto, et Episcopi Paderbornensis venerabilium fratrum nostrorum Officialibus Salutem et Apostolicam Benedictionem. In Apostolicæ dignitatis solio meritis licet imparibus constituti ad ea libenter intendimus, per quæ piæ Christi fidelium Confraternitates ad maius divini cultus augmentum erectæ, spiritualium gratiarum muneribus decorentur, ut Confratres ipsi post huius vitæ cursum Salvatoris nostri misericordia facilius æterna gaudia consequantur, et cum id a nobis petitur, libenter officii nostri partes favorabiliter interponimus, et ea, quæ propterea provide facta fuisse dicuntur, Apostolicæ firmitatis munimine. roboramus, prout conspicimus in Domino salubriter expedire. Exhibita siqui dem nobis nuper pro parte dilectorum filiorum modernorum Inspectoris et Definitorum aliorumque Confratrum infra scriptæ Fraternitatis petitio continebat, quod alias videlicet de Anno Domini Millesimo sexcentesimo sexagesimo primo una pia et devota Confraternitas ex Sacerdotibus Monasteriensis et Osnabrugensis Civitatum et Diœcesium nec non provinciæ Lingensis eisdem vicinæ, alias pro tempore existenti Archiepiscopo Ultraiectensi, nunc vero Vicario per Confoederatum Belgium Apostolica auctoritate deputato in spiritualibus subiectæ duntaxat, de quorum numero infra scripti Christophorus et Joannes Episcopi extiterunt, consistens per bonæ Memoriæ Christophorum dum viveret Episcopum Monasteriensem, et Joannem etiam dum viveret Episcopum Castoriensem per dictum Belgium Vicarium Apostolicum prædictum ad instar similis Confraternitatis, quæ in alma urbe usque de Anno eiusdem Domini nongentesimo octuagesimo quarto teste Spondano erecta fuisse asseritur, ordinaria eorum auctoritate aut alias canonice erecta et instituta fuit. Et tunc existentes Inspector, et Definitores aliique primo dictæ Confraternitatis Officiales et Confratres provide considerantes, singulas quasque Confraternitates, quæ sub statutis et regulis diriguntur, et observatione statutorum et regularum huiusmodi augmentum in spiritualibus et temporalibus recipere et earum statum prospere et feliciter passim progredi et augeri consuevisse; ideo de statu dictæ eorum Confraternitatis sub aliquorum huiusmodi statutorum auspiciis melius et facilius dirigendo promovendoque solliciti, statuerunt et ordinaverunt, quod singuli Sacerdotes in dicta Confraternitate descripti et pro tempore describendi, unam quolibet mense pro felici morte Confratrum dictæ Confraternitatis a Deo impetranda et alteram de requiem nuncupatam Missas singulis hebdomadis pro refrigerio animæ illius Confratris, quem ab hac vita decedere contigerit celebrare teneantur; quod si plures dictæ Confraternitatis Confratres illo anno discesserint, huiusmodi obligationi satisfacient Missam unam de Requiem, ut præfatur hebdomadatim celebrando, ubi tamen numerum singularem mutabunt in pluralem iuxta rubricam Missalis Romani, vel dicta Missa applicari poterit ad libitum Sacerdotis celebrantis, cum hoc tamen, quod singulis saltem annis quilibet ex dictæ Confraternitatis Confratribus Definitori suæ Provinciæ sese obligationi prædictæ satisfecisse in scriptis propria eius manu firmatis significare teneatur. Si autem anno integro elapso respondere neglexerit, eo ipso se a dicta Confraternitate exclusum esse sciat, quodque si quis ex dictæ Confraternitatis Confratribus ægrotaverit, poterit unum e dicta Confraternitate eligere, et assumere, qui ei consilio et opere assistere teneatur, et ipso legitime impedito, quo minus id per se ipsum præstare possit, alterum ad hoc substituere et nominare licebit. Inspector autem dictæ Confraternitatis, qui ipsius caput existat, prima ex Lingensibus, secunda ex Monasteriensibus, et tertia denique vicibus ex Osnabrugensibus respective Sacerdotibus per dictæ Confraternitatis definitores servata semper eadem forma eligi debeat, et ipsius Inspectoris officium perpetuum sit, nisi ob sufficienter moventes et validas causas illo fungi nolit; in qualibet ex prædictis provinciis designetur proprius Definitor cum uno alterove Assistente et Promotoribus, quorum officium nisi per obitum vacet triennale sit: Definitorem |