qu'il ne voient jeter le cors hors de le maison, à XVI. d. est chascuns de forfait.

Si le crois de carité passe, il doit IIII. d. de forfait.

Qui par autre voie va que par celi là on porte le cors al mostier, il doit de forfait VIII d.

Qui aillors va oir messe q'al cors; il doit VIII· d. ; car tot doivent ester u séir entor le cors pour faire le cors honeur, et estre entor le cors tant q'il soit enfois, et que les peles soient mises jus, fors cels que li maires apelera avuec lui as tables, se tant [non que li offrande dure.

Qui que porte le cors al mostier, il ne le puet laissier ne metre jus, s'il n'a loial essoine, et autre eschievins ne le prent; et à cui que li sergant commandent qu'il portent le cors, s'il ne le porte, a VIII d est.

Li eschievins qui à patins va, ne à cheval va al cors, puis le jor de le feste Saint Remi, qui est après Aoust, dusc'al jor de le Pasche, il est à VIII d de forfait, et de çou ne peut maires doner congié.

[U]ns joglere et troi borgois doivent séir as tables à l'escrit faire al cors, et uns des borgois qi à cel cors siet, redoit séir à l'autre cors, por savoir et dire as autres le conte le maieur et les clers et les sergans; ne departir ne se doivent de ci que li maire aura fait ses tables buller; et ii troi qi là ont sis doivent al premier cors après estre, et garder le tables dusques al mostier, sor .VIII. d.

[C]e sachent li maieur et li eschievin de le carité Nostre Dame des jogleors et des borgois, ke li jogleor et li borgois doivent eslire lor maieur devant le jor del siège, et qui maire a esté I an, dusc'al tiere ne puet estre maire.

Al jor del grant siège, doit li maire des jogleors forains prendre le candoile à le tor et porter devant Saint Juri à le table; et d'iluec le doit porter à le porcession dusc'à le fiert; illoc le doit prendre li maire des jogleors d'Arras, et porter à le maison Nostre Dame, et par mi tout l'an aussi.

Cil1 à cui li maire kerke se bulle ne puet doner ke •XII. d.

Al jor del grant sie, doivent li jogleor forain prendre VIII preudomes des leur, et cil dedens IIII; et cil ⚫XII. doivent eslire les .II. maieurs des jogleors; et cil cui il esgarderont ne pueent refuser le mairie; et cou concordèrent li jogleor ensamble communément. Et doit estre li uns des maieurs forains l'une anée à pié et l'autre anée à cheval 2.

1 Un changement d'écriture dans le manuscrit prouve que les deux paragraphes suivants n'ont pas été rédigés en même temps que ce qui précède.

2 Un nouveau changement d'écriture indique que ce qui suit appartient à la partie des Statuts rédigés en 1224.

XIII SIECLE.

VI.

ADDITIONS AUX STATUTS DE LA CONFRÉRIE.

1224.

On ne paie por nului mortemain se mortemain ne paie de cascun cors Ob, u por borgois qi ait rente donée, u por jogleor, u por se feme qi maigne deuens le vile à estage.

Li caritaule ont estoré [qu'on ne] doit aler à cors plus loi[n]g que dusqu'al cief de Brones, et al pié de Baudimont par de là, et en le poroise Sainte-Caterine, et tot Mellens, desci al mes Wautier d'Arras, et desci al pont de Blangi, et desci al Petit-Val, et desci à le tor de Harcicort.

Item. Dedens ces bosnes ne puet on nului reçoivre s'ascostumes de le vile non; et se nus i moroit dedens ces bousnes aler i doit on, et dedens ces bousnes doit on porter le candoile.

Item. Totes les semonsses que li maior font faire par lor serjant u par alcun eschievin, si viegne dedens l'eure. c'on le semont sor .VIII. d. de forfait.

Item. Ki fait semonse sans congié de maieur à VIII. d. est.

Item. Se li serjant ne semonent tos q'il ont à semonre as besoignes de le carité, VIII d doit cascuns.

Item. Si doit cascuns serjans avoir XII. d. de semonre le cors, et s'il en semont dex ensamble, XVIII d' cascuns, et IIII d. cascuns del plait semonre.

Item. Seli clerc ne vienent à le semonse que li serjant font, à .VIII d est cascuns.

On doit cascun de dex clers IIII. d. de l'escrit faire, et IIII. d. del lire le saltier, et IIII. d. por celui ki aie à lire por l'ame del cors, et IIII. d. del plait, s'il i sont.

On doit de l'estofe porter IIII. d. del luisel et V1 d. des IIII. candelers, et IIII. d. des II petis, et des candelles et des peles porter VI d., et de l'estandart I d., et des taules porter I d., et de l'encenser I d', et des bans metre II d. et de metre le cors en le fosse ·VI·d·, et de le fosse faire IIII· d.

Item. Se cors chiet aillors q'en cité on rabat II. d. por les bans; et s'ili a altre carité on rabat II d. de le fosse.

Item. Se li maior et li eschievin vont entor, li doi clerc el li doi semoneres cascuns doit avoir XII. d., s'il i est.

Item. Quant li maior kerkent lor boles, il remainent eschievin.

Savales li candeliers doit faire le luminarle por VII. s. par an, et cuites de ses mortes mains; et ço li paie on al grant siège.

On ne doit nului vin as bouées, se cels non ki vienent as cors et paient forfais:

Item.Se moines ciet à St-Veast, li serjans doit avoir demie semonse.

Ce fu atiré en plain plait ke puis ke li hom est entrés en le carité as us et as costumes de le ville, u qu'il voist, u qu'il viegne, paier doit se carité comme borgois, tant com eschevin le tenront à borgois de le vile. Ce fut fait l'an del Incarnation M et CC et XXIIII el mois de novembre.

Ce sacent li maieur et li eschevin de le carité Nostre Dame ke tot cil ki eschevin sont de le carité ne pueent iscir de l'eskevinage, tant ke il doivent deniers d'aboutement, s'il ne le paie et about à eschevin ki soffizans soit del rendre; et se il ne le fait, il va contre se carité et contre se fiance.

Ce fu atiré en plain plait ke nus eschievin ne puet avoir respit se. .. arité au plait ki est après le grant siège, et au plait ki est après le bouée de le St-Remi, et au premier plait lendemain de le Candelor, et au plait .it d. s

maieur.

Et si fu atiré en plain plait ke on ne puet prendre