صور الصفحة
PDF
النشر الإلكتروني

cionibus et negociacionibus quibuscunque seu alijs publicis seu privatis obsequiis, que ad dictorum Bernabonis et Galeacz suorumque adherencium complicum et fautorum utilitatem et comodum seu ad eorum usus gesta fuerunt seu potuerunt vel possunt quomodolibet pertinere, coram vobis seu aliquibus aut aliquo vestrum ubicunque vobis placuerit, citandi et evocandi necnon contra eosdem conjunctim et divisim juris ordine servato vel non servato, simpliciter, summarie et de plano ac sine strepitu et figura judicij ac alias, prout industrie vestre expedire videbitur et secundum quod rerum et negociorum hujusmodi comoditas seu qualitas exegerit, procedendi principaleque cum omnibus et singulis incidentibus, emergentibus, dependentibus et connexis negocijs audiendi, cognoscendi, decidendi, diffiniendi et fine debito terminandi, dictosque Bernabonem et Galeacz hostes et rebelles, ut predicitur, eorumque ac eciam complicum adherencium et fautorum ipsorum subditos homines, terrigenas, servitores, adherentes complices et fautores et eisdem participantes et conmunicantes necnon contrahentes seu negociantes cum bonis pecuniis, rebus et mercimonijs ipsorum seu ad opus et comodum eorundem vel eorum nomine aliquid exercentes ac illos, qui alias post emissionem nostrorum et sancte Romane ecclesie processuum quorumcunque aliquas ligas, convenciones, contractus sive pacta cum eisdem Bernabone et Galeacz suisque complicibus et fautoribus eciam divisim quomodolibet iniverunt vel alias quicquam fecerunt vel gesserunt, quod ad ipsorum vel alterius eorum utilitatem, comodum vel profectum potuerit sive possit quomodolibet pervenire, omnes et singulos nostros contra dictos Bernabonem et Galeacz eciam divisim emissos processus et sentencias, prout late sunt, ac eciam penas in dictis nostris processibus contentas realiter declarandi, decernendi ac pronunciandi incidisse, necnon processus, sentencias atque penas predictas omnes et singulas contra dictos complices et fautores ac alios omnes et singulos predictos debite execucioni fore demandandas et demandari debere ac eciam declaracionem, pronunciacionem, decretum et sentencias vestras, si que contra predictos late fuerint vel ferantur, una cum dictis processibus et rerum effectibus per vos et vestrum quemlibet libere et plenarie exequendi, post quam pronunciacionem, decretum seu declaracionem hujusmodi personas eorum arrestandi, detinendi, captivandi et ad cohercionem eorum qualitercunque oportunam procedendi, res, pecunias, mercimonia et bona mobilia seu inmobilia eorum quecunque nostro et imperii nomine et alias secundum omnem modum et formam processuum nostrorum emissorum predictorum confiscandi confiscatasque et confiscata per vos seu alium vel alios de mandato vestro occupandi, apprehendendi, detinendi et de eisdem secundum formam et tenorem processuum nostrorum predictorum et eciam alias,

[ocr errors]

prout discrecioni vestre expedire videbitur, disponendi ac omnia alia et singula exercendi, cognoscendi, decernendi, terminandi, faciendi et exequendi, que in premissis et circa ea et quodlibet premissorum necessaria fuerint et quomodolibet oportuna, eciam si talia forent, que mandatum exigerent speciale et de quibus facienda foret in presentibus mencio specialis. Injungimus igitur et mandamus universaliter singulis et singulariter universis principibus. . comitibus. . baronibus .. nobilibus .. ministerialibus.. militibus. . clientibus. . capitaneis. . officialibus. . advocatis judicibus potestatibus.. theolonariis . . magistris civium. . scabinis .. consulibus. . juratis . . civibus regnorum, principatuum, ecclesiasticorum et secularium, ducatuum, marchionatuum, comitatuum, provinciarum, civitatum, opidorum, villarum et locorum universitatibus et conmunitatibus et ipsorum rectoribus, districtuum, dominiorum et passuum custodibus et aliis omnibus et singulis, cujuscunque preeminencie nobilitatis gradus condicionis vel dignitatis existant, quos sacri Romani imperii latitudo complectitur, sub obtentu gracie nostre necnon sub pena centum marcharum auri purissimi, quam preter alias penas in processibus nostris predictis contentas et indignacionem nostram gravissimam secus facientes post requisicionem hujusmodi volumus incurrere, ipso facto imperialis fisci usibus irremissibiliter applicandum, presenti edicto Cesareo firmiter statuentes, ne ipsi seu aliquis ipsorum quibuscunque coloribus adinvencionibus seu ingeniis pretensis aliquos fautores, complices, adherentes, participantes seu subditos dictorum Bernabonis et Galeacz ut prefertur in suis principatibus conmunitatibus, dominiis, territoriis, civitatibus, opidis, castris seu villis predictis, presertim postquam tales fuisse et esse vel processus, penas et sentencias predictas vel eorum aliquam incidisse per nostros conmissarios supradictos seu aliquem vel aliquos ipsorum fuerint declarati, manuteneant, receptent, tueantur vel defendant in judicio vel extra, publice vel occulte, directe vel indirecte, seu ipsos vel aliquem ipsorum in eorum districtibus vel domibus habitare vel morari paciantur, seu aliqualiter ad dictorum conmunicancium, participancium, subditorum vel fautorum tam publicam perniciem confovendam ipsis prebeant auxilium, consilium seu favorem, quin ymmo ipsos per detencionem corporalem et bonorum suorum mobilium, inmobilium seu se movencium quorumcunque et per alias coherciones quomodolibet oportunas inducant et compellant efficaciter, quantum in ipsis fuerit, ad requisicionem archiepiscopi Coloniensis et aliorum judicum seu executorum predictorum ad satisfactionem debitam et observanciam processuum imperialium predictorum et contentorum in eisdem, dictisque executoribus seu judicibus nostris tradant, deliberent et exhibeant personas et bona quecunque, in quibuscunque rebus existant

seu quibuscunque specialibus vocabulis possent designari, subditorum fautorum participancium et conmunicancium hujusmodi per ipsos dictorum nostrorum processuum et mandati presentis vigore retinenda, supplentes omnem defectum de Cesaree potestatis plenitudine et de certa sciencia, si quis sollempnitatis obmisse, sentenciarum aut verborum obscuritate seu quovis alio modo obmissus seu conmissus foret in premissis seu aliquo premissorum, non obstantibus quibuscunque legibus principum, constitucionibus, privilegiis, edictis publicis seu privatis, juribus municipalibus, statutis, consuetudinibus, observanciis, quibus dicti fautores adherentes, complices, communicantes, participantes et subditi se munitos, privilegiatos et exemptos pretenderent, quibus si et in quantum presentibus et omnibus premissis obviare censerentur, derogamus de Cesaree potestatis plenitudine, ac si presentibus inserta forent specifice et de ipsis de verbo ad verbum in presentibus fieri deberet de jure seu consuetudine mencio specialis. Presencium sub imperialis majestatis nostre sigillo testimonio literarum. Datum Moguntie anno Domini millesimo trecentesimo septuagesimo quarto, indictione duodecima, 3. Idus Novembris, regnorum nostrorum anno vicesimo nono, imperii vero vicesimo.

Ad mandatum domini imperatoris
Theodoricus Damerow.

R. Wilhelmus Kortelangen.

Original im Staatsarchiv zu Düsseldorf. Anhängt Majestätssiegel an Pergamentstreif.

X.

Nachricht

von

drei Handschriften

in Eisleben.

Von

W. Wattenbach.

« السابقةمتابعة »