PRO UNITATE. Oratio. DEUS, Pater Domini nostri Jesu Christi, unici Salvatoris nostri, Principis Pacis; Da nobis, quæsumus, gratiam tuam, ut quanta per miseras nostras contentiones pericula incurrimus seriò in cordibus nostris recogitemus. Odium et præjudi. cium prorsus aufer a nobis, et cætera omnia piæ unitatis et concordiæ impedimenta; ut quibus unum est Corpus, unus Spiritus, una Spes vocationis nostræ, unus Dominus, una Fides, unum Baptisma, unus Deus et Pater omnium, ex hoc cor etiam unum sit et anima una; quatenus, uno sancto Veritatis et Pacis vinculo consociati, unanimes, uno ore, honorificemus Te. Per Jesum Christum Dominum nostrum. Amen. (Oratio ista Officio Proprio quod in Die Anniversario Accessionis Regis Angliæ dicendum assignatur anno MDCCXV primum addita est.) Ad Lectorem. DAMUS tibi in manus, Christiane lector, Librum Precum Publicarum, quo hodie Ecclesia Anglicana utitur, Latine redditum. Versionem nostram juxta Exemplar Recensionis anno MDCLXI factæ, vulgo appellatum 'The Sealed Book,' (in quo Articuli, quos vocant, Fidei et Religionis non inveniuntur,) fecimus; nisi quod placuit, primo, Regulas de Festis Mobilibus, utpote in hujusmodi opere minus necessarias, prætermittere; et secundo, mutationes, post eam Recensionem factam, auctoritate legitima sancitas observare. Quarum mutationum exemplo est juramentum de summa Regiæ Majestatis in hoc regno potestate; quod, hucusque in ipso Ordinationis ritu ab omnibus ordinandis vel consecrandis exactum, hoc ipso anno Auctoritas, tam Ecclesiastica quam Civilis, alio seorsim tempore exigendum decrevit. Psalterii, quod secundum "Usum insignis et præclaræ 5 Sarisburiensis Ecclesia" distinximus, Epistolarum et Evangeliorum, cæterorumque omnium Sacræ Scripturæ V |