2029. Dô sprach von Burgonden Giselher daz kint 'ir Etzelen helde, die noch lebende sint,

waz wîzet ir mir recken? waz het ich iu getân? wan ich friuntliche in ditze lant geriten hân.' 2030. Si sprachen 'dîner güete ist al diu burk vol,

mit jâmer, zuo dem lande. jâ gunde wir dir wol
Daz du nie komen wærest von Wurmz über Rin.
daz lant hât ir verweiset, du und die brüeder din.'
2031. Do sprach in zornes muote Gunther der degen
'welt ir ditze strâfen ze einer suone legen

Mit uns ellenden recken, deist uns beidenthalben guot.
ez ist gar âne schulde, swaz uns Etzel getuot.'

2032. Dô sprach der wirt zen gesten 'mîn und wer leit
diu sint ungeliche. diu starke arebeit

Des schaden zuo den schanden, die ich hie hân genomen,
des sol iwer deheiner nimmer hinne komen,'

2033. Dô sprach zuo dem künige der starke Gêrnôt
'sô sôl iu got gebieten daz ir friuntlichen tuot.
Slaht uns ellende, und låt uns zuo iu gân

hin nider an die wite: daz ist iu êre getân.

2034. Swaz uns geschehen künne, daz lât dâ kurz ergân. ir hapt sô vil gesunder, unt turrens uns bestân,

Daz si uns sturmmüede lâzent niht genesen.

wie lange sul wir recken in disen arebeiten wesen?'

2035. Die Etzelen recken die heten ez nach getân,
daz si si wolden lâzen für den palas gan.
Daz gehörte Kriemhilt: ez was ir grimme leit.
des wart den ellenden fride gâhes widerseit.
2036. 'Neinâ, ziere recken, des ir dà habet muot,

ich râte an rehten triuwen daz ir des niht entuot,
Daz ir die mortræzen iht lâzet für den sal.
sô müesen iwer mâge liden den tætlichen val.
2037. Ob ir nu nieman lebte wan diu Uoten kint,

die mînen edelen bruoder, und kœmens an den wint,
erkuolent in die ringe, sô sît ir alle verlorn.
ezn wurden küener degene zer werde nie geborn.?

2038. Dô sprach der junge Giselher 'vil schoniu swester mîn, des getrout ich vil übele, dô du mich über Rîn

Ladetes her ze lande in dise grôze nôt.

wie hân ich an den Hiunen hie verdienet den tôt? 2039. Ich was dir ie getriuwe, nie tet ich dir leit:

ûf solhen gedingen her ze hove ich reit,

Daz du mir holt wærest, vil liebiu swester mîn. bedenke an uns genâde: ez mac niht anders gesîn.' 2040. 'Ich enmag iu niht genâden: ungenâde ich hân.

mir hât von Tronge Hagene sô grôziu leit getân, Ez ist vil unversüenet die wîle ich hån den lip. ir müeztes, alle engelten,' sprach daz Etzelen wîp. 2041. 'Welt ir mir Hagen einen ze einem gisel geben,

sone wil ich niht versprechen ichen welle iuch làzen leben: Wan ir sît mîne brüeder unde einer muoter kint:

so red ichz nach der suone mit disen helden die hie sint.'

2042. Nune welle got von himele,' sprach dô Gêrnôt. 'ob unser tûsent wæren, wir lægen alle tôt, Der sippe dîner mâge, ê wir den einen man gæben hie ze gisel. ez wirt nimmer getan.'

2043. 'Wir müesen doch ersterben.' sô sprach dô Gîselher.
'uns enscheidet niemen von rîterlicher wer.

Swer gerne mit uns vehte, wir sin et aber hie;
wan ich deheinen mînen friunt an triwen nie verlie.'

2045. Dô sprach diu küniginne 'ir helde vil gemeit,
nu gêt der stiege nåher und rechet mîniu leit.
Daz wil ich immer dienen als ich von rehte sol.
der Hagen übermüete der gelen ich im wol.
2046. Lât einen ûz dem gademe niht komen über al:
sô heiz ich viern enden zünden an den sal:

So werdent wol errochen elliu mîniu leit.'

die Etzelen recken die wurden alle schiere bereit. 2047. Die noh hie ûze stuonden, die tribens in den sal

mit slegen und mit schüzzen: des wart grôz der schal.
Doch wolden nie gescheiden die fürsten und ir man:
sine kunden von ir triuwe an ein ander niht verlân.

2048. Den sal den hiez dô zünden daz Etzelen wîp.
dô qualte man mit fiure den helden då den lîp.
Daz hûs von einem winde vil balde al erbran.
ich wæne volk enheinez grozer angest ie gewan.

2049. Genuoge riefen drinne 'owê dirre nôt.

wir mehten michel gerner sîn in sturme tôt.
Ez mehte got derbarmen: wie si wir alle vlorn!
nu richet ungefuoge diu küniginne ir zorn.'

2050. Ir einer sprach dar inne 'wir müezen ligen tôt.
waz hilfet uns daz grüezen daz uns der künec enpôt?
Mir tuot von starker hitze der durst sô rehte wê,
daz wæne mîn leben in disen sorgen schier zergê.'

2051. Dô sprach von Trongen Hagen, der rîter guot,

'swen twinge dürstennes nôt, der trinke hie daz bluot. Daz ist an solher hitze noh bezzer denne wîn.

ezn mac et niht bezzer an disen zîten gesin.' 2052. Dô gie der recken einer da er einen tôten vant:

er kniet im zuo der wunden, den helm er abe gebant: Do begunde er trinken daz fliezende bluot. swie ungewon ers wære, ez dûhte in græzlichen guot. 2053. 'Nu lône iu got, hêr Hagene,' sprach der müede man, 'daz ich von iwer lêre so wol getrunken hân.

Mir ist noch geschenket vil selten bezzer wîn. lebe ich deheine wîle, ich sol iu immer wæge sîn.' 2054. Dô die andern daz gehôrten daz ez in dûhte guot, do wart ir michels mêre die trunken ouch daz bluot. Då von gewan vil krefte ir etliches lip.

des engalt an lieben friunden sît manic wætlîchez wîp.

2055. Daz fiur viel genôte ûf si in den sal:

dô leiten siz mit schilten von in hin zetal.

Der rouch und ouch diu hitze in tâten beidiu wê.

ich wæn so grôzer jâmer an helden immer mêr ergê. 2056. Do sprach von Tronge Hagene 'stêt zuo des sales want, lât niht die brende vallen ûf iwer helmbant,

Tret si mit den füezen tiefer in daz bluot.

ez ist ein übel hôchzît die uns diu küniginne tuot.'

2057. In so getànem leide in doch der naht zeran. noch stuont vor dem hûse der küene spilman Und Hagen sin geselle, geleint über rant:

si warten schaden mêré von den ûz Etzelen lant. 2058. Dò sprach der videlære 'nu gê wir in den sal. so wænent des diu Hiunen daz wir sîn über al

Tôt von dirre quàle diu an uns ist getan.

si sehent uns noch begegene in strite ir eteslichen gan.' 2059. Dô sprach von Burgonden Giselher daz kint

'ich wæn ez tagen welle: sich hebet ein küeler wint. Nu làz uns got von himele noch lieber zît geleben. uns hat min swester Kriemhilt ein arge hôhgezit gegeben.' 2060. Do sprach aber einer 'ich kiuse nu den tac. sit daz ez uns nu bezzer wesen niene mac, So wâfent ir iuch, helde, gedenket an den lip. jà kumt uns aber schiere des künic Etzelen wîp.' 2061. Der wirt wolde wænen, die geste wæren tôt von ir arbeite und von des fiurs nôt:

Dô lebt ir noch dar inne sehs hundert küener man,
daz nie künec deheiner bezzer degene gewan.

2062. Der ellenden huote hete wol ersehen

daz noch die geste lebten, swie vil in was geschehen
Ze schaden unt ze leide, den hêrren und ir man.
man sach si wol gesunde noh in dem gademe gån.

2063. Man sagte Kriemhilte, ir wære vil genesen.

dò sprach diu küniginne, daz möhte nimmer wesen
Daz ir deheiner lebte von des fiurs nôt:

'ich wil des baz getrouwen daz si alle ligen tôt.'
2064. Noch genæsen gerne die fürsten und ir man,
ob noch ieman wolte genâde an in begân.

Des en kunden si niht vinden an den von Hiune lant:
dô râchen si ir sterben mit vil williger hant.

2065. Des tages wider morgen grüezen man in bôt
mit hertem urliuge: des kômen helde in nôt.
Dô wart zuo in geschozzen vil manic starker gêr:
sich werten rîterliche die recken küen unde hêr.

2066. Dem Etzeln gesinde erweget was der muot,

daz si wolten dienen daz Kriemhilte guot;

Dar zuo si wolden leisten daz in der künec gebôt:

da muose maneger schiere von in kiesen den tôt.

2067. Von geheize und ouch von gàbe man möhte wunder sagen.
si hiez golt daz rôte dar zuo mit schilden tragen:
Si gab ez swer sin ruochte unde ez wolte enphan.
jane wart nie græzer solden ûf viende mêr getân.
2068. Ein michel teil der recken dar zuo gewâfent gie.
do sprach der küene Volkêr 'wir sîn et aber hie.
Ine gesach ûf vehten nie helde gerner komen,
di daz golt des küniges uns ze vâre hânt genomen.'

2069. Dò riefen ir genuoge 'nåher, helde, baz.

daz wir dà suln verenden, nu tuon bizîte daz.

Hie belibet niemen, wan der doch sterben sol.'

dò sach man schier ir schilde stecken gêrschüzze vol. 2070. Waz mag ich sagen mêre ? wol zwelf hundert man die versuochten ez vil sêre wider unde dan.

Do kuolten mit den wunden die geste wol ir muot.

ezen mohte nieman scheiden: des sach man fliezen dà daz bluot.

2.

2072. Ez heten die ellende wider morgen guot getân.

wine der Gotlinde kom ze hove gegan.

Do sach er beidenthalben diu græzlichen sêr:

daz weinte innecliche der vil getriwe Rüedegêr.

2073. 'So wê mich,' sprach der recke, 'daz ich den lip gewan.
daz disen grôzen jâmer kan niemen understân!

Swie gern ichz friden wolte, der künec entuot es niht,
wand er der sinen leide ie mêr unde mêr gesiht.'

2074. Dô sant an Dietriche der guote Rüedegêr,

ob siz noch kunden wenden an dem künege her.

Do enbôt im der von Berne 'wer möht ez understân ?
ez enwil der künic Etzel nieman scheiden lån.'