2075. Dò sach ein Hiunen recke Rüedegêren stàn mit weinunden ougen, unt hetes vil getân.

Der sprach zer küniginne 'nu seht ir wie er stát, der doch gewalt den meisten hie bi Etzelen hat. 2077. Mich dunket ern ruoche wie ez hier umbe gât, sît daz er den vollen nach sinem willen hat. Man giht im, er sî küener danne ieman müge sîn: daz ist in disen sorgen worden bæslichen schin.'

2078. Mit trûrigem muote der vil getriwe man,

den er daz reden hôrte, der helt der blicte in an.
Er gedâht 'du solt ez arnen. du gihst ich sî verzagt:
du hast diu dinen mære ze hove ze lûte gesagt.'
2079. Die fûst begunder twingen: dò lief er in an
und sluog so krefticliche den Hiunischen man,
Daz er im vor den füezen lac vil schiere tôt.
do was aver gemêret des künic Etzelen nôt.
2082. Dô sprach zem marcrâven Ezel der künic her
'wie habt ir uns geholfen, vil edel Rüedegêr!
wan wir sô vil der veigen hie ze lande hân,
wir bedurfen ir niht mêre. ir hapt vil übele getan.'
2084. Do kom diu küniginne und het ez ouch gesehen,

daz von des heldes zorne dem Hiune was geschehen.
Si klagt ez ungefuoge: ir ougen wurden naz.

si sprach zuo Rüedegêre 'wie habe wir verdienet daz?' 2086. Ich mane iuch der genâden und ir mir hant gesworn, do ir mir zuo Etzeln rietet, rîter ûz erkorn,

Daz ir mir woldet dienen unz an unser eines tôt:"
der wart mir armen wie nie sô græzlichen nôt.'

2087. 'Daz ist âne lougen, ich swuor iu, edel wîp,

daz ich durch iuch wâgte die êre unde ouch den lip: Daz ich die sêle fliese, desen hân ich niht gesworn. zuo dirre hôchgezîte brâht ich die fürsten wol geborn.' 2088. Si sprach 'gedenke, Rüedegêr, der grôzen triwe din,

der stæte, und ouch der eide, daz du den schaden mîn Immer woldest rechen und elliu mîniu leit.'

do sprach der marcgràve ich hân iu ê selten iht verseit.'

2089. Ezel der riche flègen ouch began.

si buten sich ze fuoze beide für den man.

Den edeln margràven ummuotes man dò sach. der vil getriwe recke harte jæmerkliche sprach 2090. 'Owê mich gotes armen, daz ich ditz gelebet hân. aller miner êren der muoz ich abe stân,

Triwen unde zühte, der got an mir gebôt.

owê got von himele, daz mihs niht wendet der tôt.

2091. Swelhez ich nu làze unt daz ander begân, so hân ich bœsliche und vil übel getân:

Lâz aber ich si beide, mich schendet elliu diet.

nu ruoche mich bewîsen der mir ze lebene geriet.' 2092. Dô bâten si genôte, der künec und ouch sin wîp. des muosen sider recken fliesen den lip.

Von Rüedegêres hende, dà ouch der helt erstarp.

ir mugt daz hie wol hæren daz er vil jæmerclîchen warp.

2094. Do sprach zuo dem künige der vil küene man

'hèr künec, nu nemt hin widere swaz ich von iu hân, Daz lant mit den bürgen: der sol mich niht bestên. ich wil ûf minen füezen in daz ellende gên.' 2095. Do sprach der künik Etzel 'wer hülfe danne mir? daz lant zuo den liuten daz gibich allez dir,

Daz du mich rechest, Rüedegêr, an den vinden min. du solt ein künec gewaltic bî neben Etzelen sîn.' 2096. Do sprach aber Rüedegêr 'wie sol ichz ane vân? heim ze minem hûse ich si geladen hân, Trinken unde spise ich in güetlichen bôt

unt gab in mine gâbe: wie sol ich râten in den tôt?

2097. Diu liute wænent lihte daz ich sî verzagt.

deheinen mînen dienest hân ich in versagt,

Den vil edeln fürsten unt ouch ir man:

ouch riwet mich diu friuntschaft die ich mit in geworben han.

2098. Giselher dem degene gab ich die tohter mîn.

sine kunde in dirre werlde niht baz verwendet sîn

Ûf zuht unde ouch ûf êre, ûf triwe unde ûf guot.

ine gesach nie künic jungen sô rehte tugentliche gemuot.'

2099. Dò sprach aber Kriemhilt 'vil edel Rüedeger, nu là dich erbarmen unser beider sêr,

min unde ouch des küniges. gedenke wol dar an daz nie wirt deheiner sô leide geste mêr gewan.' 2100. Do sprach der margrave wider daz edel wîp

'ez muoz hiute gelten der Rüedegêres lip

Swaz ir und ouch mîn hêrre mir liebes hapt getân:

dar umbe muoz ich sterben: daz kan niht langer bestàn. 2101. Ich weiz wol daz noch hiute mîn bürge unde och mîn lant iu müezen ledec werden von ir etesliches hant.

Ich bevilhe iu ûf genâde mîn wip und mîniu kint
und ouch die vil ellenden die ze Bechelàren sint.'

2102. 'Nu lôn dir got, Rüedegêr,' sprach der künic dô.
er unt diu küniginne si wurden beidiu vrô.

Uns suln dîne liute vil wol enpholhen wesen:

ouch trowe ich mînem heile daz du maht selbe wol genesen.'

2103. Dô liez er an die wâge sêle unde lip.

do begunde weinen daz Etzelen wip.

Er sprach ich muoz iu leisten als ich gelopt hân. owê der mînen friunde, die ich ungerne hie bestân.' 2106. Gewâffent wart dô Rüedegêr mit fümf hundert mau: dar über zwelf recken sach man mit im gân.

Die wolten prîs erwerben in des sturmes nôt:

si enwessen niht der mære, daz in sô nahent der tôt.

2107. Dô sach man Rüedegêre under helme gân.

ez truogen swert diu scharpfen des margrâven man,
Dar zuo vor ir handen die liehte schilde breit.
daz sach der videlære: ez was im græzlichen leit.
2108. Dô sach der junge Giselher sînen sweher gên

mit ûf gebundem helme. wie moht man dô verstên
Waz er då mit meinte, niwan allez guot?

des wart der künic edele sò rehte frœlich gemuot. 2109. Nu wol mich solher friunde,' sprach Giselher der degen, 'die wir hân gewunnen nu ûf disen wegen.

Wir suln vil wol geniezen mînes wîbes hie.

mir ist liep ûf mîn triuwe daz ie der hîrât ergie.'

2110. 'Ine weiz wes ir iuch træstet,' sprach der spileman. 'wâ saht ir ie durch suone so manegen helt gân Mit ûf gebunden helmen, die trüegen swert enhant? an uns wil dienen Rüedegêr sine bürge und sîniu lant.' 2111. Bedaz der videlære die rede dô volsprach,

Rüedegêrn den edelen man vor dem hûse sach.

Sinen schilt den guoten den satzt er für den fuoz.
dô muos er sînen friunden versagen dienst unde gruoz.

2112. Der edel margrâve rief dô in den sal

'ir küene Nibelunge, nu wert iuch über al.

Ir soldet mîn geniezen, nu engeltet ir mîn.

ê do war wir friunde: der triwe wil ich ledic sîn.'

2113. Do erschrahten dirre mære die nôthaften man; wan ir deheiner fröude nie dà von gewan,

Daz mit in wolde striten dem si dà waren holt.

si heten von vinden vil michel arbeit gedolt. 2114. Nune welle got von himele,' sprach Gunther der degen, 'daz ir iuch genâden sült an uns bewegen,

Unt der vil grôzen triuwe, der wir doch heten muot. ich wil u des getrouwen daz ir ez nimmer getuot.' 2115. Jane mag ichs niht gelâzen,' sprach der küene man: 'ich muoz mit iu strîten, wan ichz gelobt hân.

Nu wert iuch, küene helde, sô lieb iu si der lîp. mich enwoltes niht erlâzen des künic Etzelen wîp.' 2116. 'Ir widersagt uns nu ze spâte,' sprach der künic hêr. 'nu müez iu got vergelten, vil edel Rüedegêr, Triuwe unde minne die ir uns hapt getân.

ob ir ez an dem ende woldet güetlicher lân, 2117. Wir soltenz immer dienen, daz ir uns hapt gegeben, ich unt mine mâge, ob ir uns liezet leben.

Der hêrlichen gabe, dô ir uns brâhtet her

in Ezeln lant zen Hiunen, des gedenet, vil edel Rüedegêr.' 2118. 'Wie wol ich iu des gunde,' sprach Rüedegêr der degen, 'daz ich iu mîne gabe mit vollen solde wegen

Also willecliche als ich des hete wân!

sone wurde mir dar umbe nimmer schelten getân.'

2119. 'Erwindet, edel Rüedegêr,' sprach dô Gêrnôt. 'wan ez wirt deheiner gesten nie erbôt

So rehte minneclichen als ir uns hapt getàn,

des sult ir wol geniezen, ob wir bî lebene bestån.' 2120. 'Daz wolde got,' sprach Rüede gêr, 'vil edel Gêrnôt, daz ir ze Rine wæret und ich wære tôt

Mit etlichen êren, sîd ich iuch sol bestân!

ez wart an ellenden von friunden noh nie wirs getan.' 2121. Nu lône iu got, hêr Rüedegêr,' sprach do Gêrnôt, 'der vil rîchen gåbe. mich riwet iwer tôt,

Sol an iu verderben so tugentlicher muot.

hie trag ich iwer wâffen, daz ir mir gåbet, helt guot. 2122. Daz ist mir nie geswichen in aller dirre nôt: under sinen ecken lit manic riter tôt.

ez ist lûter unde stæte, hêrlich unde guot.

ich wæn sô rîche gåbe ein reke nimmer mêr getuot. 2123. Und welt ir niht erwinden irn welt zuo uns gàn, slaht ir mir iht der friunde die ich hinne hàn, Mit iwer selbes swerte nim ich iu den lip:

so riwet ir mich, Rüedegêr, unde iwer hêrlichez wip.' 2124. 'Daz wolde got, hêr Gêrnôt, und meht ez ergân, daz aller iwer wille wære hie getân

Und daz genesen wære iwer friunde lip!

jà sol in wol getrûwen beidiu mîn tohter und mîn wîp.' 2125. Do sprach von Burgonden der schonen Uoten kint

'wie tuot ir sô, hêr Rüedegêr? di mit mir komen sint, Si sint iu alle wæge. ir grîfet übel zuo.

die iwer schone tohter welt ir verwitwen ze fruo. 2126. Swenne ir und iwer recken mit strîte mich bestât, wie reht unfriuntliche ir daz schinen làt

Daz ich iu wol getrûwe für alle ander man,
dâ von ich ze wîbe iwer tohter mir gewan.'

2127. 'Gedenket iwer triuwen, vil edel künie hêr,

gesende iuch got von hinne.' so sprach Rüedegêr.
'Lât die juncvrouwen niht engelten mîn:

durch iwer selbes tugende so ruochet ir genædic sîn.'