2176. Do sprach der küene Wolfhart 'ich wil dar gân und wil der mære vrâgen, waz si hànt getân, als ichz dort ervinde, waz diu klage müge sîn.' 2177. Dô sprach der hêrre Dietrich 'swâ man zornes sich versiht, ob ungefüegiu vrâge danne dà geschiht, Daz betrüebet recken lihte ir muot. ichen wil niht. Wolfhart, daz ir die vrâge tuot." 2178. Dô bat er Helpfrîche balde dar gân, und hiez daz ervinden an Etzelen man Oder an den gesten, waz wære dà geschehen. done het man von liuten so grôzen jàmer nie gesehen. 2179. Der bote begunde vragen 'waz ist hie getan?' do sprach einer drunder 'dà ist vil gar zergân Swaz wir freuden hêten in der Hiunen lant. hie ligt erslagen Rüedegêr von der Burgonde hant. 2180. Die mit im dar în komen, der ist einer niht genesen.' do enkunde Helpfrîche nimmer leider wesen. Jà gehört er mære sô rehte ungerne nie. 2181. Was hapt ir uns erfunden?' sprach do Dietrich, Dô sprach der edel recke 'ich mag wol balde klagen: den guoten Rüedegêre hånt die Burgonde erslagen.' 2182. Do sprach der helt von Berne 'des sol niht wellen got. daz wær ein starkiu râche unde ouch des tievels spot. Wà mit het Rüedegêr an in daz versolt? ja ist mir daz wol künde, er ist den ellenden holt.' 2183. Des antwurte Wolfhart und heten siz getân, số solt ez in allen an daz leben gần. Ob wir inz vertrüegen, des wær wir geschant. jà hat uns vil gedienet des guoten Rüedegêres hant.' 2184. Der vogt der 'Amelunge hiez ez ervarn baz. vil harte. senelîche er in ein venster saz: Dô bat er Hilprande zuo den gesten gån, 2186. Der sturmküene recke, meister Hilprant, weder schilt noch waffen truoger an der hant: Er wolde in sinen zühten zuo den gesten gàn. von siner swester kinde wart im ein stràfen getàn. 2186. Do sprach der grimme Wolfhart 'welt ir dar blòzer gan, sò mag ez àn ein schelten nimmer wol gestàn: Sô müezt ir lesterliche tuon die widervart; komt ir dar gewàfent, daz ir eteslicher wol bewart.' 2187. Dò garte sich der wise durch des tumben ràt. ê daz ers inne wurde, dò wàrn in ir wat Alle Dietriches recken unt truogen swert enhant. dem helde was ez leide: vil gerne hêt erz erwant. 2188. Er vragte war si wolden. 'wir wellen mit iu dar. waz ob von Tronge Hagene deste wirs getar Gein iu mit spotte sprechen, des er wol kan gephlegen?' dô er daz gehörte, dò gestuont ins der degen. 2189. Nu sach der küene Volker wol gewaffent gàn Begürtet mit den swerten: si truogen schilt enhant. 2190. Do sprach der videlære ich sie dort her gân Gewâfent under helme: si wellent uns bestàn. 2191. In den selben ziten kom ouch Hildeprant. dô satzter für die füeze sînes schildes rant, Er begunde frågen die Guntheres man 'owe, ir guote helde, waz het in Rüedegêr getan? 2192. Mich hât min hêr Dietrich her zuo iu gesant: ob erslagen hête iwer deheines hant Den edeln marcgråven, als uns daz ist geseit, wirn kunden niht verwinden diu vil græzlichen leit.' 2193. Dô sprach von Tronge Hagne 'daz mær ist ungelogen. wie wol ich in des gunde, het iuch der bote betrogen, Durch Rüedegêres liebe, daz lebte noch sin lip, den immer mügen weinen beidiu man unde wip!'. 2194. Do si daz reht erhôrten, daz er wære tôt, do klagten in die recken: ir triwe in daz gebôt. Den Dietriches recken den sach man trehne gân über bart und über kinne: in was vil leide getân. 2195. Der herzoge ûzer Berne Sigestap do sprach 'nu hât gar ein ende genomen der gemach Den uns hie fuogte Rüedegêr nâh unsern leiden tagen. fröude ellender diete lit von iu helden hie erslagen.' 2196. Do sprach von Amelunge der degen Wolfwin 'und ob ich hiute sæhe tot den vater mîn, Mir enwurde nimmer leider denn umbe sinen lip. owê wer sol nu træsten des guoten marcgrâven wîp?' 2197. Do sprach in zornes muote der degen Wolfhart 'wer wiset nu die recken sò manege hervart, Also der marcgrâve vil dike hat getan? owê, vil edel Rüedeger, daz wir dich sus vlorn hân.' 2198. Wolfbrant und Helfrich und ouch Helmuôt, mit allen irn friunden si weinten sînen tôt. Vor siuften mohte vragen niht mêre Hilprant: er sprach 'nu tuot ir degene dar nâch min herre hat gesant. 2199. Gebt uns Rüedegêren alsô tôten ûz dem sal, an dem gar mit jâmer lit unser fröuden val: Und lât uns an im dienen daz er ie hât getàn an uns vil grôze triuwe und an ander manegen man. 2200. Wir sin ouch ellende, also Rüedegêr der degen. wes lâzet ir uns biten? lât in uns after wegen Tragen, daz wir nach tôde lænen noh dem man. Daz heiz ich state triuwe, swer die kan began. 2202. 'Wie lange sul wir flêgen?' sprach Wolfhart der degen. lat uns in tragen hinnen da wir den recken begraben.' 2203. Des antwurte im Volkêr 'niemen iu in gît. nu nemt in in dem sale, dà der degen lît Mit starken wunden gevallen in daz bluot. so ist ez ein voller dienest den ir hie Rüedegêre tuot.' 2204. Do sprach der küene Wolfhart 'got weiz wol, her spilman, irn durft uns niht reizen: ir hapt uns übel getân. Törst ich vor mînem hêrren, sô kæmet irs in nôt: des müeze wirz lâzen, wan er uns strîten hie verbôt.' 2205. Dô sprach der videlære 'der vorht ist al ze vil, swaz man im verbiutet, derz allez lâzen wil. Daz kan ich niht geheizen rehten heldes muot.' diu rede dûhte Hagenen von sinem hergesellen guot. 2206. 'Desen lât iuch niht gelangen,' sprach aber Wolfhart. 'ich entrihte iu sô die seiten, swenn ir die widervart Ritet gein Rine, daz irz wol muget sagen. iwer übermüete mag ich mit êren niht vertragen.' 2207. Dô sprach der videlære 'swenne ir die seiten mîn verirret guoter done, der iwer helmschin Muoz vil trüebe werden von der mînen hant, swie aber ich gerîte in der Burgonde lant.' 2208. Dô wolt er zuo im springen, wan daz in niht enlie Hildebrant sin heim in vaste ze im gevie. 'Ich wæn du woldest wüeten durch dînen tumben zorn. mînes hêrren hulde du hætest immer mêr verlorn.' 2209. 'Lât ab den lewen, meister: er ist sô grimme erwegen. kumt er mir zen handen,' sprach Volkêr der degen, 'Het er die werlt alle mit siner hant erslagen, ich slahe in daz erz widerspel nimmer mêre darf gesagen.' 2210. Des wart vil sêre erzürnet der Bernære muot. den schilt geructe Wolfhart, ein sneller helt guot: im wart ein gæhez volgen von sinen friunden getân. 2212. Dô spranc zuo Hagene meister Hilbrant: diu swert man hôrt erklingen an ir beider hant. Si waren sêre erzürnet: daz moht man kiesen sint. von ir zweier swerten gie der fiurrôte wint. 2213. Die wurden dò gescheiden in des strîtes nôt: daz tâten die von Berne, als in ir kraft gebôt. Zehant do meister Hildebrant want von Hagen dan, dô lief der starke Wolfhart den küenen Volkêren an. 2214. Er sluoc den videlære ûf den helmehuot, daz des swertes ecke unz ûf die spange wuot. Daz vergalt mit ellen der küene spileman. do sluoc Wolfharten, daz ez stieben began.. 2215. Des fiurs ûz den ringen hiuwen si genuoc. haz ir islicher dem anderen truoc. Die schiet do von Berne der degen Wolfwin: ob ez ein helt niht wære, daz kunde nimmer gesin.. 2216. Gunther der degen mit vil williger hant enphie die helde mære von Amelunge lant. Giselher der hêrre, diu liehten helmvaz, der frumt er då vil manigez von bluote rôt unde naz. 2218. Ritschart unde Gêrbart, Helpfrich und Wikhart, die heten in manegen stürmen selten sich gespart: Des brâhten si wol inne die Guntheres man. do sach man Wolfprande in strite hêrlichen gan. 2219. Dô vaht alsam er wuote der alte Hildebrant. vil der guoten recken vor Wolfhartes hant Mit tôde muose vallen von swerten in daz bluot. sus råchen Rüedegêren die reken küene unde guot. 2220. Dô vaht der hêrre Sigstap als im sin ellen riet. hei waz er in dem strîte der guoten helm verschriet Den sinen vienden, Dietrîches swester suon! er kunde in dem sturme nimmer bezzers niht getuon. 2221. Volker der starke, dò er daz ersach daz Sigestap der kücne den blutigen bach |