صور الصفحة
PDF
النشر الإلكتروني

165. Den boten riche gàbe man do für truoc: der het in ze gebene Gunther genuoc:

Die wolden niht versprechen die Liudgêres man. dò si urloup genàmen, si schieden vrœliche dan. 166. Dò die boten waren ze Tenemarken komen,

und der künic Liudgast hete daz vernomen,

Wie sie von Rîne kômen, als im daz wart geseit,
ir starkez übermüeten was im wærliche leit.

167. Si sagten daz si hêten vil manegen küenen man,
ouch sahen si dar under einen reken stàn,
Der was geheizen Sîfrit, ein helt uz Niderlant.
ez leidete Liudgaste, dô er daz mære bevant.

168. Do die von Tenemarke ditze horten sagen,
dô îlten si der friunde deste mê bejagen,
Unz daz er Liudgast siner küenen man
zweinzec tûsent degne ze siner reise gewan.

169. Do besant sich ouch von Sahsen der küene Liudger;
unz si vierzec tûsent heten und dannoch mêr,

Mit den si wolden riten in Burgonden lant.

do hete ouch sich hie heime der künic Gunther besant.

173. Her künic, sit hie heime,' sprach dò Sifrit,

'sit daz mir iwer recken wellent volgen mit,
Belibet bi den frouwen und traget hohen muot.

ich trou in wol behüeten beide êre unde guot.

174. Die iuch dà wolden suochen ze Wormz an den Rin, daz wil ich wol behüeten, si mugen då heime sîn. Wir sulen in geriten sô nàhen in ir lant,

daz in ir übermüeten werde ze sorgen bewant.' 175. Von Rine si durch Hessen mit ir helden riten gegen Sahsen lande: dà wart sit gestriten.

Mit roube und mit brande wuosten si daz lant,
daz ez den fürsten beiden wart mit arebeit bekant.

178. So wil ich selbe riten,' sprach Sifrit der degen,
unde wil der warte gên den vinden pflegen,
Unz ich rehte ervinde wà die recken sint.'

dò wart gewâfent schiere der schoenen Siglinden kint.

180. Do sach er her daz groze, daz ûf dem velde lac, daz wider siner helfe mit ungefüege wac:

Des was wol vierzec tûsent oder dannoch baz.

Sifrit in hohem muote sach vil frolichen daz. 181. Dô hete sich ouch ein recke von den vinden dar erhaben ûf die warte: der was ze flize gar.

Den sach der hêrre Sifrit, und in der küene man: ieweder do des andern mit nîde hüeten began. 182. Ich sagiu wer der wære, der der warte pflac.

ein lichter schilt von golde im vor der hende lac.
Ez was der künic Liudgast: der huote sîner schar.
dirre gast vil edele sprancte hêrlìchen dar.

183. Nu het ouch in hêr Liudgast vientliche erkorn.
diu ros si namen beidiu zen sîten mit den sporn,
Si neigten ûf die schilde die schefte mit ir kraft.
des wart der künic rîche mit grôzen sorgen behaft.
184. Diu ros nach stichen truogen diu rîchen küneges kint
beide für ein ander, sam si wæte ein wint.

Mit zoumen wart gewendet vil rîterlichen dan:

mit swerten ez versuohten die zwêne grimme man.

185. Do sluoc der hêrre Sîfrit daz al daz velt erdôz.
dò stoup ûz dem helme, sam von brenden grôz,
Die viwerrôte vanken von des heldes hant.

ir ietweder den sinen an dem anderen vant.

186. Ouch sluog im hêr Liudgast vil manegen grimmen slac. ir ieweders ellen ûf schilden vaste lac.

Do heten dar gehüetet wol drizec siner man:

ê daz im die komen, den sic doch Sifrit gewan. 188. Er bat sich leben làzen und bôt im sîniu lant, und sagte im daz er wære Liudgast genant. Do komen sine recken: die heten wol gesehen waz dà von in beiden ûf der warte was geschehen.

190. Die drîzec er ze tôde vil werlichen sluoc.

er liez ir leben einen: balde er reit genuoc

Und sagte hin diu mære, waz hie was geschehen.

ouch mohte mans die wârheit an sime rôten helmen sehen.

193. Man hiez den Burgonden ir vanen binden an. 'wol ûf,' sprach Sifrit: 'hie wirt mêr getân,

Ê sich der tac verende, sol ich haben den lip: daz gemüet in Sahsen vil manic wætlîchez wîp. 194. Ir helde von dem Rine, ir sult min nemen war: ich kan iuch wol geleiten in Liudgêres schar. Sô sehet ir helme houwen von guoter helde hant. ê daz wir wider wenden, in wirdet sorge bekant.' 196. Si fuorten doch niht mêre niwan tûsent man, dar über zwelf recken. stieben dô began

Diu molte von den strâzen: si riten über lant. do sach man von in schinen vil manegen hêrlichen rant. 202. Dô die von Burgonden drungen in den strit,

von in wart erhouwen vil manic wunde wît:

Do sach man über satele vliezen daz bluot.

Sus wurben nach den êren die helde küene unde guot. 203. Man hôrt dà lûte erhellen den helden an der hant diu vil scharpfen wàfen, dô die von Niderlant Drungen nach ir hêrren in die herten schar: si kômen degenliche mit samt Sifride dar. 204. Volgen der von Rine nieman man im sach.

man mohte kiesen fliezen den bluotigen bach
Durch die liebten helme von Sifrides hant,
end her Liudgêren vor sînen hergesellen vant.

206. Dô der starke Liudgêr Sifriden vant,

und daz er alse hohe truoc an siner hant

Den guoten Balmungen und ir sô manegen sluoc, des wart der hêrre zornic unde grimmic genuoc. 207. Do wart michel dringen und grôzer swerte klanc, dà ir ingesinde zuo ein ander dranc.

Do versuohten sich die recken beide dester baz.

die schar begunden wichen: sich huop dà græzlicher haz.

209. Die slege Liudgêres die waren also starc,

daz im underm satle strûhte daz marc.

Dô sich daz ros erholte, der küene Sifrit

der gewan in dem sturme einen freislichen sit.

214. Dô het der herre Liudgêr ûf me schilte erkant gemålet eine krône vor Sifrides hant;

Wol wesser daz ez wære der kreftige man. der helt zuo sinen friunden lûte ruofen began. 215. 'Geloubet iuch des strites, alle mine man. sun den Sigmundes ich hie gesehen hân: Sifriden den starken han ich hie bekant.

in hat der übel tiufel her cen Sahsen gesant.' 216. Die vanen hiez er làzen in dem sturme nider, frides er do gerte: des werte man in sider. Doch muoser werden gisel in Guntheres lant: daz het an im betwungen diu Sifrides hant. 217. Mit gemeinem rate sô liezen si den strit.

dürkel vil der helme und der schilte wit

Si leiten von den handen: swaz so man der vant, die truogen bluotes varwe von der Burgonden hant.

219. Die siglosen recken ze Tenemarken riten.

done heten ouch die Sahsen sô hôhe niht gestriten
Daz man in lobes jahe: daz was den helden leit.
do wurden ouch die veigen von friunden sêre gecleit.

220. Sie hiezen ir gewæfen soumen an den Rìn.

ez hete wol geworben mit den henden sin Sifrit der recke der het ez guot getàn; des im jehen muosen alle Guntheres man. 222. Die garzûne liefen, von den ez wart geseit. dà freuten sich von liebe, die ê heten leit,

Dirre lieben mære diu in dà waren komen. dà wart von edelen frouwen michel frågen vernomen. 224. Dò si den boten komende zir kemenâte sach, Kriemhilt diu schone vil güetlichen sprach:

Nu sag an liebiu mære: jà gib ich dir min golt, tuostuz àne liegen, ich wil dir immer wesen holt.' 226. Ze ernste und ze strite reit nieman also wol. vil edeliu küniginne, sit ich uz sagen sol, So der gast vil edele ûzer Niderlant:

dà worhte michel wunder des küenen Sifrides hant.

235. Strît den aller hæhsten der inder då geschach
ze jungest und zem êrsten, den ieman dà gesach,
Den tet vil degenlichen diu Sîfrides hant.

er bringet riche gisle în Guntheres lant.

236. Die twanc mit sinen ellen der wætliche man;

des ouch der künic Liudgast muoz den schaden hân, Und ouch von Sahsen landen sin bruoder Liudgêr. nu hæret mîniu mære, edel küniginne hêr.

237. Si hât gevangen beide diu Sifrides hant.

nie so manegen gisel man brâht in dize lant,

Sô von sinen schulden nu kumt an den Rin.' ir kunden disiu mære nimmer lieber gesin. 241. Do sprach diu minnecliche 'du hàst mir wol geseit. du solt dar umbe haben ze miete richiu cleit:

Zehen marc von golde die heize ich dir nu tragen.'

des mac man solhiu mære rîchen frouwen gerne sagen. 243. Man gap im sine miete, daz golt und ouch diu cleit. dô gie an diu venster vil manic schoniu meit:

Si warten ûf die strâze: riten man dô vant vil der hôh gemuoten in der Burgunden lant. 243. Då kômen die gesunden, die wunden tåten sam. si mohten grüezen hæren von friunden âne scham. Der wirt gen sinen gesten vil frolichen reit: mit vröuden was verendet sin vil græzlichez leit. 245. Gunther bat im mære von sinen friunden sagen, wer im an der reise ze tôde wære erslagen. Do het er vlorn niemen niwan sehzec man. verklagen man die muose, sò sit vil helde sint getân. 246. Die gesunden brâhten zerhowen manegen rant und helme vil verscrôten in Guntheres lant. Daz volk erbeizte nidere für des küneges sal: ze liebem antfange man hôrte grazlichen schal.

247. Dô hiez man herbergen die recken in die stat. der künic siner geste vil schône pflegen bat,

Er hiez der wunden hüeten und schaffen guot gemach. wol man sine tugende an sînen vienden sach.

« السابقةمتابعة »