als im wære liep gewesen. dô si niht solte genesen, 1215. dô erbarmete in ir nôt, und wolte ir sanfte tuon den tôt. Nu lac dâ bî in ein 1220. harte müezeclîchen, dâ bî wetzen. daz erhôrte, der ir fröude stôrte, der arme Heinrich, hin für dà er stuont vor der tür, 1225. und erbarmete in vil sêre daz er si niemer mêre lebende solte gesehen. `[spehen, nu begunde er suochen unde unze daz er durch die want 1230. ein loch gânde vant, und ersach sî durch die schrunden naket unde gebunden. Ir lip der was vil minneclich. nû sach er sî an unde sich, 1235. und gewan einen niuwen muot. in dûhte dô daz niht guot des er ê gedâht hate, und verkêrte vil drâte sîn altez gemüete 1240. in eine niuwe güete. Nu er si alse schone sach, wider sich selben er dô sprach 'dû hâst ein tumben gedanc daz dû sunder sînen danc 1245. gerst ze lebenne einen tac wider den niemen niht enmac. daz dû diz lesterlîche leben 1250. daz dir got hât gegeben niht vil willeclîchen treist, und ouch dar zuo niht enweist ob dich diss kindes tôt ernert. swaz dir got hât beschert, 1255. daz là dir allez geschehen. ich enwil diss kindes tôt niht sehen.' Des bewag er sich zehant und begunde bôzen an die want: er hiez sich làzen dar in. 1260. der meister sprach 'ich enbiu nû niht müezic dar zuo daz ich iu iht ûf tuo.' 'nein, meister, gesprechent mich.' 'herre, jà enmach ich. 1265. beitent unz daz ditz ergê.' 'nein, meister, gesprecht mich ê.' 'nû sagent mirz her dur die want.' 'jà ist ez niht also gewant.' Zehant dô liez er in dar in. 1270. dô gie der arme Heinrich hin da er die maget gebunden sach. zuo dem meister er do sprach 'diz kint ist also wünneclich: zewȧre jà enmach ich 1275. sînen tôt niht gesehen. [hen: gotes wille müeze an mir gesche wir suln si wider ûf lân. daz silber daz wil ich iu geben. 1280. ir sult die maget làzen leben.' Dô diu maget rehte ersach daz ir ze sterben niht geschach, dà was ir muot beswæret mite. si brach ir zuht unde ir site: 1285. si gram unde roufte sich, ir gebærde wart sô jæmerlich im wære ze weinenne geschehen. 1290. wê mir vil armen unde owê! wie sol ez mir nû ergân? muoz ich alsus verlorn hân die richen himelkrône? diu wære mir ze lône 1295. gegeben umbe dise nôt. nû bin ich alrêst tôt. owê gewaltiger Krist! waz êren uns benomen ist, mînem herren unde mir! 1300. nu enbirt er und ich enbir 1305. der êren der uns was gedâht: ob diz wære vollebrâht, so wær im der lîp genesen, Sus bat si gnuoc umb den tôt. do niemen durch si dô niht tete, dô huop sî an ein schelten: 1310. si sprach ich muoz engelten mines herren zageheit. mir hânt die liute misseseit: daz hân ich selbe wol ersehen. ich hôrte ie die liute jehen,. 1315. ir wæret biderbe unde guot und hetet vesten mannes muot: so helfe mir got, sî hànt gelogen. diu werlt was ie an iu betrogen: ir wâret ie alle iuwer tage 1320. und sît ouch noch ein werltzage. des nim ich wol dà bî war: herre, von welhen schulden 1325. erschråket ir dô man mich bant? ez was doch ein dickiu want enzwischen iu unde mir. herre mîn, geturret ir einen frömden tôt niht vertragen? 1330. ich wil iu geheizen unde sagen daz iu niemen niht entuot, und ist iu nütze unde guot.' Swie vil si flüeche unde bete unde ouch scheltens getete, 1335. daz enmohte ir niht frum wesen: sî muoste jedoch genesen. swaz do scheltennes ergie, 1340. tugentlichen unde wol, dem schoner zühte niht gebrast. und den arzât bereite 1345. als er gedinget hâte, dô fuor er gar drâte wider heim ze lande. swie wol er dô erkande daz er då heime funde 1350. mit gemeinem munde niuwan laster unde spot, Nû hete sich diu guote magt so verweinet und verklagt, 1355. vil nåhe hin unz an den tôt. do erkande ir triuwe und ir not cordis speculator, vor dem deheincs herzen tor fürnames niht beslozzen ist. 1360. sit er durch sînen süezen list an in beiden des geruochte daz er si versuochte reht also volleclichen sam Jôben den rîchen, 1365. do erzeigte der heilige Krist wie liep im erbermde ist, und schiet si dò beide von allem ir leide und machete in dô zestunt 1370. reine unde wol gesunt Alsus bezzerte sich der guote herre Heinrich, von unsers herren gotes pflege 1375. harte schoene worden was, daz er vil gar genas und was als vor zweinzic jàren. dò si sus erfröuwet waren, do entbôt erz heim ze lande 1380. den die er erkande der sælden und der güete daz si in ir gemüete von schulden muosten si dô 1385. von den genâden fröude hân die got hâte an im getân. Sine friunt die besten die sine kunft westen, die riten unde giengen 1390. durch daz si in enpfiengen gegen im wol drie tage. si engeloubeten niemens sage danne ir selber ougen. sî kurn diu gotes tougen 1395. an sime schoenen libe. dem meier und sim wîbe den mac man wol gelouben, man welle si rehtes rouben, daz sî då heime niht beliben. 1400. si ist iemer ungeschriben, diu fröude die sî hâten, wan si got hete berâten mit lieber ougen weide: die gaben in dô beide 1405. ir tohter unde ir herre. ez enwart nie fröude merre dan in beiden was geschehen, dò si haten gesehen daz si gesunt waren. 1410. si enwesten wie gebaren. ir gruoz wart spæhe undersniten mit vil seltsænen siten: ir herzeliep wart alsô grôz daz in daz lachen begôz 1415. der regen von den ougen. diu rede ist âne lougen: si kusten ir tohter munt etewaz mê dan drî stunt. Do enpfiengen si die Swabe 1420. mit lobelicher gâbe: daz was ir willeclîcher gruoz. got weiz wol, den Swâben muoz ieglich biderber man jehen, der si då heime hât gesehen, 1425. daz bezzers willen niene wart. als in an siner heimvart sîn lantliut enpfienge, wie ez dar nach ergienge, waz mag ich dâ von sprechen mê? 1430. wan er wart richer vil dan ê des guotes und der êren. daz begunde er allez kêren stæteclichen hin ze gote, und warte sime gebote 1435. baz dan er ê tæte. des ist sîn êre state. Der meier und diu meierin die heten ouch vil wol umb in verdienet êre unde guot. 1440. ouch het er niht so valschen muot, si hetenz harte wol bewant. die erde und die liute, råten unde prisen umb êlichen hîrât. ungesamnet was der rât. 1455. er seite in dô sinen muot: er wolte, diuht ez si guot, nách sînen friunden senden und die rede mit in enden, swar si ime rieten. 1460. biten unde gebieten hiez er allenthalben dar die sines wortes næmen war. do er si alle dar gewan, beide mâge unde man, nu sprach ein gemeiner munt, ez wære reht unde zît. hie huop sich ein michel strît an dem râte under in: 1470. dirre riet her, der ander hin, als ie die liute tâten dà si dà solten râten. Do ir rât was so mislich, do sprach der arme Heinrich 1475. 'iu ist allen wol kunt daz ich vor kurzer stunt was vil ungenæme, den liuten widerzæme. [wip: nu enschiuht mich weder man noch 1480. mir hat gegeben gesunden lip unsers herren gebot. nû råtet mir alle durch got, von dem ich die genade hân die mir got hât getân, 1485. daz ich gesunt worden bin, wie ichz verschulde wider in.' Si sprachen 'nement einen daz im lip unde guot [muot iemer undertænic sî.' 1490. sin trûtgemahel stuont dà bî, die er vil güetlich ane sach. er umbevienc si unde sprach 'iu ist allen wol gesagt daz ich von dirre guoten magt 1495. mînen gesunt wider hân, die ir hie sehent bî mir stân. daz ich si ze wîbe neme. 1500. got gebe daz ez mir gezeme: so wil ich si ze wîbe hân. zewâre, mac daz niht ergân, so wil ich sterben âne wip, wan ich êre unde lip 1505. hân von ir schulden bî unsers herren hulden Nú sprachens alle geliche, 1510. bêde arm und rîche, ez wær ein michel fuoge. dà waren pfaffen gnuoge: die gâben si im ze wîbe.. nâch süezem lanclibe 1515. do besâzen si geliche daz êwige riche. als müeze ez uns allen der lôn den si dà nàmen, 1520. des helfe uns got. âmen. |