930. Do sprach der verchwunde 'jà ir bæsen zagen, waz helfent mîniu dienest, sîd ir mich habet erslagen? Ich was iu ie getriuwe; des ich enkolten hân.

ir habet an iwren friunden leider übele getân. 936. Nu müeze got erbarmen daz ich ie gewan den suon dem man itewîzen sol daz her nach tuon

Daz sine mâge ieman mortlich hànt erslagen. möhte ichz verenden, daz sold ich billichen klagen.' 937. Do sprach jæmerliche der verchwunde man

'welt ir, künic edele, triwen iht begåa

In der werlde an iemen, lât iu bevolhen sin ûf iuwer genâde die lieben triutinne mîn. 938. Låt si des geniezen daz si iwer swester si:

durch aller fürsten tugende wont ir mit triwen bî. Wan mir wartent lange mîn vater und mine man. ez enwart nie leider an liebem vriunde getân.' 939. Die bluomen allenthalben von bluote waren naz. dô rang er mit dem tôde: unlange tet er daz, Wan des tôdes zeichen ie ze sêre sneit.

ouch muoste sân ersterben der recke küene unde gemeit.

940. Dô die hêrren såhen daz der helt was tôt,

si leiten in ûf einen schilt (der was von golde rôt),

Und wurden des ze rate, wie daz solde ergân

daz man ez verhæle daz ez Hagne hete getàn.

941. Do sprachen ir genuoge 'uns ist übel geschehen. ir sult ez heln alle, und sult geliche jehen,

Da er jagen rite aleine, Kriemhilde man,

in slüegen schàchære, dà er füere durch den tan.'

942. Do sprach von Troneje Hagne 'ich bring in in daz lant. mir ist vil unmære, wirt ez ir bekant,

Diu so hât betrüebet den Brünhilde muot.

ez ahtet mich vil ringe, swaz si nu weinen getuot.'

943. Dò biten si der nahte und fuoren über Rîn.

von helden kunde nimmer wirs gejaget sin.

Ein tier daz si dà sluogen, daz weinden edeliu kint.
jà muosten sin enkelten vil guoter wigande sint.

F.

944. Von grôzer übermüete muget ir hæren sagen und von eislicher râche. ez hiez Hague tragen Sifriden alsô tôten, von Niblunge lant,

für eine kemenâten dà man Kriemhilde vant. 945. Er hiez in tougenliche legen an die türe,

daz si in då vinden solde, sò si gienge derfüre
Hin ze mettîne, ê daz ez wurde tac,

der diu frouwe Kriemhilt vil selten eine verlac. 946. Man lûte dâ ze dem münster nach gewoneheit. Kriemhilt diu vil schoene wacte mänege meit: Ein licht bat si ir bringen und ouch ir gewant. dô kom ein kamerære då er Sîfriden vant.

947. Er sach in bluotes rôten: sin wat was elliu naz.
daz ez sîn hêrre wære, nie en wesser daz.

Hin ze der kemenâten daz lieht truoc an der hant
bî dem vil leidiu mære vrouwe Kriemhilt ervant.

948. Dô si mit ir vrouwen ze kirche wolde gân.

dô sprach der kamerære 'vrowe, ir sult stille stàn:

Ez lit vor dem gademe ein rîter tôt erslagen.'

‘ouwê,' sprach vrou Kriemhilt, 'waz wil du solher mære sagen?'

951. Dò sprach daz gesinde 'waz ob ez ist ein gast?'

952.

daz bluot ir ûz dem munde vor herzen jàmer brast.
Swie rot er was von bluote, si het in schier erkant.
dô lac vil jæmerliche der helt von Nibelunge lant.

953. Dô rief trûreclîchen diu küneginne milt

'wê mir dises leides. nu ist dir doch dîn schilt

Mit swerten niht verhouwen: du bist ermorderôt.

wess ich wer ez het getan, ich riete im immer sinen tôt.'

954. Allez ir gesinde klagete unde scrê

mit ir lieben vrouwen: waud in was vil wê
Umb ir edelen hêrren, der dà was verlorn.
gerochen hete Hagene vil übele Brünhilde zorn.

955. Do sprach diu jàmerhafte ir sult hine gân, und weket harte balde die Sîfrides man.

Ir sult ouch Sigmunde mînen jàmer sagen,

ob er mir helfen welle den küenen Sîfriden klagen.' 956. Dô lief ein bote balde då er si ligen vant, Sifrides helde von Niblunge lant.

Mit den vil leiden mæren ir vröude er in benam.

si woldenz niht gelouben, ê man daz weinen vernam. 958. Wachet, hêrre Sigmunt. mich bat nach iu gân Kriemhilt min frouwe. der ist ein leit getan

Daz ir vor allen leiden an ir herze gât:

daz sult ir klagen helfen, wan ez sêre iuch bestàt.' 959. Îf rihte sich dò Sigmunt: er sprach 'waz sint diu leit der schoenen Kriemhilde, sô du hast geseit ?'

Er sprach mit weinen 'ine kan iuz niht verdagen. jà ist von Niderlanden der küene Sîfrit erslagen.' 960. Do sprach der künic Sigmunt làt daz schimpfen sin und also besiu mære durch den willen mîn,

Daz ir saget ieman daz er sì erslagen:

wan daz kund ich nimmer vor mîme tòde verklagen.' 961. Welt irz niht gelouben, daz ir mich hæret sagen, sô vernemet selbe Krimhilde klagen

Und allez ir gesinde den Sîfrides tôt.'

vil sêre schrac do Sigmunt: des gie im wærlîchen nôt. 962. Mit hundert siner manne er von den betten spranc. si zucten zuo den handen diu scharphen wàfen lanc, Si liefen zuo den wuofen jæmerlichen dan.

do kômen tûsent recken, des küenen Sifrides man. 964. Dô kom der künic Sigmunt da er Kriemhilde vant. er sprach 'owê der reise here in dize lant.

Wer hat mich mînes kindes und iuch des iwren man bi also guoten vriunden alsus mortlich âne getàn?' 965. 'Sold ich den bekennen,' sprach daz vil edel wip, 'holt wurde im nimmer min herze noch min lîp: Ich riete im alse leides, daz al die friunde sîn von minen schulden müesen immer klagende sîn.'

966. Sigmunt der hêrre den fürsten umbeslôz.

do wart von sinen vriunden der jâmer alsô grôz,

Daz von dem starken wuofe palas unde sal

und diu stat ze Wormze ze beiden siten lûte erschal. 967. Do enkunde nieman træsten Sifrides wip.

man zôch ûz den kleidern sinen schonen lip

Und wuosch im sîne wunde, man leite in ûf den rê. do was sinen liuten von starkem jâmer vil wê.

968. Ez sprachen sîne recken ûz Niblunge lant

'in sol immer rechen mit willen unser hant.
Er ist in disem hûse, der ez hât getân.'

dô îlten sich wàfen alle Sifrides man.

969. Die ûz erwelten degne mit schilden komen dar, einlif hundert recken: die hete an sîner schar Sigmunt der rîche. sînes sunes tôt

wold er gerne rechen, als im sîn triwe daz gebôt. 970. Sine wessen wen si solden mit strîte dô bestân, si entæten Gunthêren und ouch sîne man,

Mit den hêr Sifrit an daz gejeide rcit.

Kriemhilt sach si gewâfent: daz was ir ander herzeleit. 971. Swie michel wær ir jàmer und swie starc ir nôt, doch vorhte sie harte der Niblunge tôt

Von ir bruoder mannen, daz si ez understuont.

si warnt si güetliche, sô vriunde liebe vriunde tuont. 972. Ez sprach diu jâmers rîche 'mîn hêr Sigmunt, wes welt ir beginnen? iu ist niht rehte kunt.

Ja hât künic Gunther so manegen küenen man:

ir welt iuch alle vliesen, welt ir die recken bestàn.

975. Ez ist der übermüeten hie bî Rîne vil;

dâ von ich iu des strîtes râten niht enwil.

Si habent wider einen ie wol drîzec man. got laze in gelingen als sie umb uns gedienet hàn. 976. Ir sult hie belîben, und dolt mit mir diu leit, unz ez tagen beginne, ir helde vil gemeit: So helfet mir beserken mînen lieben man.' do sprachen die degne 'vrowe liep, daz sî getân.'

979. Smide hiez man gâhen wurken einen sarc

von silber und von golde, michel unde starc,

Und hiez in vaste spengen mit ståle der was guot.
do was al den liuten harte trûric der muot.

980. Diu naht was ergangen: man seite ez wolde tagen.
dô hiez diu edel vrouwe zuo dem münster tragen
Sifrit den hêrren, ir vil lieben man.

swaz er dà friunde hête, die sach man weinende gân. 996. Do man het gesungen, daz volc sich huop dan. do sprach vrou Kriemhilt 'irn sult niht eine lân Hînte mich bewachen den ûz erwelten degen. ez ist an sîme lîbe al mîn vröude gelegen. 998. Ze herbergen giengen die liute von der stat. pfaffen unde müniche si belîben bat,

Und allez sin gesinde, daz des heldes phlac. si heten naht vil arge und vil müelîchen tac. 1002. An dem dritten morgen ze rehter messezît

so was bî dem münster der kirchhof also wit
Von den lantliuten weinens also vol:

si dienden im nâch tôde, als man lieben vriunden sol. 1004. Dô gote wart gedienet und man vol gesanc,

mit ungefüegem leide vil des volkes ranc.

Man hiez in ûz dem münster zuo dem grabe tragen. man vant dâ niht anders wan ein weinen unde klagen.

1006. È ze dem grabe kome Sifrides wip,

do rane mit solhem jàmer ir getriwer lip,
Daz man si mit dem brunnen dike dà begôz.
ez was ir ungemüete vil harte unmæzlichen gròz.

1007. Ez was michel wunder daz si ie genas.

mit klage ir helfende dâ manic vrouwe was.

Dô sprach diu küniginne, ‘ir Sîfrides man,

ir sult durch iwer triuwe an mir genâde began. 1008. Låt mir nach mime leide ein kleine liep geschehen, daz ich sin schone houbet noch eines müeze sehen.' Dô bat sis also lange mit jàmers sinnen starc, daz man zebrechen muose den vil hêrlichen sarc.