A.

1.

2. Ez wuohs in Burgonden ein schone magedin, daz in allen landen niht schoners mohte sîn, Kriemhilt geheizen und was ein schone wîp, dar umbe muosen degene vil verliesen den lip.

4. Ir phlàgen drî künege edel unde rich,

Gunthere unde Gèrnôt, die recken lobelich,

Und Giselher der junge, ein ûz erwelter degen,

diu frouwe was ir swester, die fürsten hetens in ir pflegen. 6. Ze Wormz bi dem Rine si wonden mit ir kraft,

in diende von ir landen vil stolziu riterschaft

Mit stolzlichen êren unz an ir endes zît.

sît sturbens jâmerliche von zweier edelen frouwen nît. 13. Ez troumde Kriemhilte in tugenden der si pflac, wie si einen valken wilden züge manegen tac, Den ir zwên arn erkrummen, daz si daz muoste sehen, ir enkunde in dirre werlde nimmer leider sîn geschehen.

14. Den troum si dò sagete ir muoter Uoten,

sin kunde in niht bescheiden baz der guoten:

'Der valke den du ziuhest, daz ist ein edel man,

in welle Got behüeten, du muost in schiere vloren hân.' 15. 'Waz saget ir mir von manne, vil liebiu muoter mîn? âne recken minne wil ich immer sin.

Sus schone wil ich bliben unz an mînen tôt,

daz ich sol von manne nimmer gwinnen keine nôt.' 16. Nu versprich ez niht ze sêre,' sprach aber ir muoter dô, 'solt du immer herzenliche zer werde werden frô,

Daz geschiht von mannes minne, du wirst ein schone wîp, obe dir got noch gefüeget eins rehte guoten rîters lip.'

17. 'Die rede låt beliben', sprach si, 'vrouwe mîn,
ez ist an manegen wîben vil dicke worden schîn

Wie liebe mit leide ze jungest lônen kan:

ich sol si mîden beide, son kan mir nimmer missegân.'

2.

20. Do wuohs in Niderlanden eins richen küneges kint (des vater hiez Sigemunt, sîn muoter Sigelint),

In einer bürge rîche, witen wol bekant,

niden bî dem Rine: diu was ze Santen genant. 21. Ich sage iu von dem degne, wie schoene der waṛt. sin lip vor allen schanden was vil wol bewart. Stark unde mære wart sit der küene man.

hey waz er grôzer êren ze diser werde gewan! 22. Sifrit was geheizen der selbe degen guot.

er versuohte vil der rîche durch ellenthaften muot. Durch sines libes sterke reit er in menegiu lant. hey waz er sneller degne zuo den Burgonden vant! 45. Den hêrren muoten selten deheiniu herzeleit.

er hôrte sagen mære, wie ein schoniu meit Wære in Burgonden, ze wunsche wol getân; von der er sit vil fröuden unde arebeit gewan. 46. Diu ir unmazen schone was vil witen kunt, und ir hôhgemüete zuo der selben stunt An der juncfrouwen sô manic helt ervant: ez ladete vil der geste în Guntheres lant. 47. Swaz man der werbenden nach ir minne gesach, Kriemhilt in ir sinne ir selber ie verjach

Daz si deheinen wolde ze triutenne hân.

er was ir vil vremde, dem si wart sider undertân.

49. Im rieten sîne màge und ander sine man,

sit er ûf stæte minne tragen wolde wân,

Daz er eine danne wurbe diu im möhte zemen.

do sprach der edel Sîfrit 'so wil ich Kriemhilden nemen.'

51. Disiu selben mære gehörte Sigmunt.

ez reiten sine liute: dà von wart im kunt
Der wille sines kindes was im harte leit,

daz er werben wolde die vil hêrlichen meit.
53. Dò sprach der küene Sifrit 'vil lieber vater min,
an edeler frouwen minne wold ich immer sin,

Ich enwurbe dar min herze grôze liebe hat.'

swaz iemen reden kunde, des was deheiner slahte ràt. 54. Und wil du niht erwinden,' sprach der künic dô, 'so bin ich dines willen wærlichen vrò,

Und wil dirz helfen enden so ich aller beste kan.

doch hat der künic Gunther vil manegen hôchvertigen man.

55. Obe ez ander nieman wære wan Hagene der degen,
der kan mit übermüete wol hôchverte pflegen;
Daz ich des sère fürhte, ez mig uns werden leit,
ob wir werben wellen die hêrlichen meit.'

56. Waz mag uns gewerren?' sprach do Sifrit.
'swaz ich friuntliche niht ab in erbit,

Daz mac sus erwerben mit ellen dà mìn hant.

ich trouwe an im erdwingen beidiu liute unde lant.' 57. Dò sprach der fürste Sigmunt din rede ist mir leit. wan wurden disiu mære ze Rine geseit,

Dune dörftest nimmer geriten in daz lant.

Gunther unde Gernot die sint mir lange bekant. 58. Mit gewalte nieman erwerben mac die maget,'

sò sprach der künic Sigmunt, daz ist mir wol gesaget.
Wil aber du mit recken riten in daz lant,

obe wir iht haben friunde, die werdent schiere besant.'
59. Des en ist mir niht ze muote,' sprach aber Sifrit,
'daz mir sülen ze Rine reken volgen mit
Durch deheine hervart (daz wære mir vil leit),
dà mit ich solde ertwingen die vil hêrlichen meit.

60. Si mac wol sus erwerben dà min eines hant. ich wil selbe zwelfter in Guntheres lant.

Dar sult ir mir helfen, vater Sigmunt.'

do gap man sinen degnen ze kleidern grå unde bunt.

68. Dô nàhte in ir reise ze den Burgonden dan.

umb si begunde sorgen wip unde man,

Ob si immer komen solden heim wider in ir lant.

die helde in hiezen soumen beide wàfen und gewant. 71. Ez was leit den recken, ez weinte ouch manec meit. ich wæne, in hete ir herze rehte daz geseit

Daz in so vil der friunde då von gelæge tôt.

von schulden si dò klageten: des gie in wærlichen nôt.
72. An dem sibenden morgen ze Wormz ûf den sant
riten die vil küenen. allez ir gewant

Was von rôteme golde, ir gereite wol getân:
ir ros in giengen ebne, des küenen Sifrides man.

73. Ir schilde waren niuwe lieht unde breit,

und vil schone ir helmen, dô ze hove reit

Sifrit der vil küene in Guntheres lant.

man gesach an helden nie sô hêrlich gewant.
74. Diu ort der swerte giengen nider ûf die sporn:
ez fuorten scharpfe gêren die rîter ûz erkorn.
Sifrit der fuorte ir einen wol zweier spannen breit,
der ze sinen ecken vil harte vreislichen sneit.
75. Die goltvarwen zoume fuortens an der hant,
sidiniu vürbüege. sus kômens in daz lant.
Daz volc si allenthalben kaphen an began:
dô liefen in enkegene vil der Guntheres man.

76. Die hôch gemuoten recken, riter unde kneht,

die giengen zuo den herren (daz was michel reht),

Und enphiengen die geste in ir herren lant,

und namen in die mære mit den schilden von der hant.

77. Diu ros si wolden dannen ziehen an gemach.

Sifrit der vil küene, wie snelle er dò sprach:

'Låt uns stên die mœre, mir und mînen man.

wir wellen schiere hinnen; des ich guoten willen hàn. 78. Swem sin kunt diu mære, der sol mich niht verdagen wà ich den künic vinde, daz sol man mir sagen, Gunthern den vil richen ûz Burgunden lant.'

dò sagte ez ime einer, dem cz rehte was bekant.

79. 'Welt ir den künic vinden, daz mac vil wol geschehen.

in jenem sale witen han ich in geschen

bi den sinen helden. dà sult ir hine gan:

dà muget ir bi im vinden manegen herlichen man.' 80. Nu wären deme künige diu mære geseit,

daz da komen wæren ritter wol gemeit:

Die fuorten riche brünne und êrlich gewant:

si derkande nieman in der Burgunden lant. 81. Den künic nam des wunder, von wannen komen dar die hêrlichen recken in wæte lieht gevar

Und mit so guoten schilden niu unde breit.

daz im daz sagte nieman, daz was Gunthere leit. 82. Des antwurte dem künege von Metzen Ortwîn (rîch unde küene moht er vil wol sîn)

'Sit wir ir niht erkennen, sô sult ir heizen gàn nách minem æheim Hagnen: den sult ir si sehen làn 83. Dem sint kunt diu riche und elliu vremdiu lant.

sîn im die herren künde, daz tuo er uns bekant.' Der künic bat in bringen und die sîne man: man sach in hêrliche mit reken hin ze hove gàn 84. Waz sîn der künic wolde, des fragte Hagene. 'ez sint in mime hûse unkunde degene,

Die niemen hie bekennet: habet irs ie gesehen, des solt du mir, Hagne, hie der wârheit verjehen.' 85. 'Daz tuon ich,' sprach Hagne: zeinem venster er dò gie, sin ougen er då wenken zuo den gesten lie.

Wol behagte im ir geverte und ouch ir gewant: si waren im vil vremde in der Burgunden lant. 86. Er sprach, von swannen komen die reken an den Rin, ez möhten fürsten selbe oder fürsten boten sin.

'Ir ros diu sint schone, ir kleider harte guot: von swannen sie koment, si sint helde hôch gemuot.' 87. Also sprach dô Hagne. 'ich wil des wol verjehen, swie ich nie mêre Sivriden habe gesehen,

So wil ich wol gelouben, swie ez dar umbe stât,
́daz ez sì der recke der dort sò hêrlîchen gât.