صور الصفحة
PDF
النشر الإلكتروني

HYMNUS 59.

ALLELUIA, dulce carmen,
Vox perennis gaudii,
Alleluia vox suavis,

Est choris celestibus, Quem canunt, Dei manentes In domo per secula.

Alleluia læta mater

Concinis Jerusalem,

Alleluia vox tuorum

Civium gaudentium : Exules nos flere cogunt Babylonis flumina.

Alleluia non meremur

Nunc perenne psallere,

Alleluia nos reatus

Cogit intermittere,

Tempus instat, quo peracta
Lugeamus crimina.

Unde laudando precamur
Te beata Trinitas,
Ut tuum nobis videre

Pascha des in æthere,
Quo tibi læti canamus

Alleluia jugiter.

HYMNUS 60.

QUOD lex adumbravit vetus. Quod ipse sacravit novi Christus minister fœderis, Decurrimus jejunium.

Utamur ergo parcius

Verbis, cibis et potibus,

Somno, jocis, et arctiùs

Perstemus in custodiâ.

Intenta mens cupidinis
Frænet rebelles impetus;
Ne cordis arcem, janua
Quà se dat, hostis occupet.

Omnes ad aram cernuo
Vultu precemur supplices;
Ploremus, atque vindicem
Flectamus iram Numinis.

Judex tremende, nos premit
Immensa moles criminum :
Immensa, sed, clemens Pater,

Parcendo vinces crimina.

Præsta, beata Trinitas,
Concede, simplex Unitas,
Ut fructuosa sint tuis

Jejuniorum munera.

HYMNUS 61.

SOLEMNE nos jejunii

Nunc tempus ad planctum vocat :
Plorat sacerdos, flebili
Clamore templa personant.

Lugubris at frustra sonus
Ad numen iratum venit,
Ni corde pulsus intimo
Sensum doloris exprimat.

Nil frontibus sparsus cinis
Nil scissa vestis proderit,
Ni fracta scindantur simul
Vivo dolore pectora.

Vultum rigantes fletibus
Flectamus iram Numinis,
Quæ criminis nostri memor
Intentat ultrices minas.

Oh juste judex, oh Deus,
Sis lentus ad pœnam, Pater,
Das pœnitendi tempora,
Et cor simul da pœnitens.

Præsta, beata Trinitas,
Concede, simplex Unitas,
Ut fructuosa sint tuis

Jejuniorum munera.

HYMNUS 62.

AUDI, benigne Conditor,
Nostras preces cum fletibus,
In hôc sacro jejunio
Fusas quadrigenario.

Scrutator alme cordium,
Infirma tu scis virium,
Ad te reversis exhibe
Remissionis gratiam.

Multùm quidem peccavimus,
Sed parce confitentibus;
Ad nominis laudem tui
Confer medelam languidis.

Sic corpus extra conteri
Dona per abstinentiam,
Jejunet ut mens sobria
A labe prorsus criminum.

Præsta, beata Trinitas,
Concede, simplex Unitas,
Ut fructuosa sint tuis

Jejuniorum munera.

HYMNUS 63.

FANDO quis audivit, Dei
Quis grande dicat brachium?
Perculsa mens confunditur,
Stupet fides, vox deficit.

Ab orbe, Jesu, condito
Occisus agnus, nunc Patri
Priscis adumbratam sacris
Ardes litare Victimam.

At cur humi stratus jaces?
Quis iste mærentes pavor?
Quis iste, qui totus fluit
Sudor cruentus corpore?

Hunc vis doloris exprimit,
Horrorque teter criminum;
Vices nocentûm sustinens,
Iram reformidas Patris

Te terret objectus calix?
At ille, ni totum bibas,
In sempiterna nos manet
Exhauriendus secula.

Vincet pavorem caritas :
Vincet voluntas patria:
Temet potestati Deus

Tradis tenebrarum volens.

« السابقةمتابعة »