صور الصفحة
PDF
النشر الإلكتروني

HYMNUS 98.

JESU, Sacerdotum Decus,
In hâc die, quâ gloriâ
Sanctum coronas Præsulem,
Votis adesto supplicum.

Sui probatus præmium
Amoris, et pignus tui,
A Patre traditos tibi
Accepit agnos pascere.

Hos novit, et præit vocans
In tuta quemque pascua :
Victumque præbet: audiunt,
Sequuntur et vivunt oves.

Quam sentit errantem jugis,
Hanc nocte quærit et die:
Et gaudet inventam suo
Portans ovili reddere.

Arcet frementes bestias,
Lupi retundit impetus,
Dolosque fallit, vel mori
Caro paratus pro grege.

Supreme Christe Pontifex,
Jugis tibi sit gloria,

Cum Patre, cumque Spiritu,
In sempiterna secula.

HYMNUS 99.

SUMMI pusillus grex Patris,
Timore mentem solvite :
Sui paternus vos amor
Vult esse regni compotes.

En regnat inter cœlites
Qui vixit olim seculo
Ignotus, exosus sibi,
Qui pauper, et sciens pati.

Angusta pœnitentiæ
Ingressus, et viam crucis,
Per dura Christum prælia,
Per damna non timet sequi.

Carnem terit jejuniis,
Linguam domat silentio,
In pauperum, parcus sibi,
Abscondit et spargit sinu.

Sapore verbi pascitur,
Totoque legem pectore
Scrutatus, orat pervigil,
Mens celsa versatur polo.

Hâc surgit ad cœlum viâ,
Et nos eâdem, da Pater,
Da Nate, da cum Spiritu,
Ad te venire semitâ.

HYMNUS 100.

NON parta solo sanguine
Ornat beatos purpura:
Sunt incruenta, quæ suos
Habent triumphos, prælia.

Non iste flammas, non cruces
Non sensit unctos pectines;
Crudelis, et durus sibi

Se morte lentâ conficit.

Si lictor illi defuit,
Si vincla, fustes, ungulæ,
Parata pro Christo mori
Hoc supplet omne caritas.

Corpus subegit castitas,
Et liberam mentem fides,
Amor supernis ignibus
Totam litavit hostiam.

Venis apertis omnibus,
Qui vellet ultro erumpere,
Fraudatus optatâ viâ,

It fusus in fletum cruor.

Da, Christe, sic nos vivere,
Discamus ut semper mori:
Da post brevis vitæ dies
Vitæ perennis gaudia.

Æterne tu Verbi Pater,
Æterne Fili par Patri,
Et par utrique Spiritus,
Tibi, Deus, sit gloria.

HYMNUS 101.

QUI te, Deus, sub intimo
Amans recepit pectore,
Non ille terras amplius
Suspirat, oblitus sui.

Quid ergo gaudes nectere
Tristes moras amantibus:
Terris retardas exules
Cives polo quos destinas?

Hinc fervet in dies amor,
In vota toti diffluunt:
Ad astra festinantibus
Fit pœna vita longior.

Vix iste tardi corporis

Pondus molestum sustinet:

Præ mortis occupat diem,

Ardens Deo se jungere.

Æterne tu Verbi Pater,
Æterne Fili par Patri,
Et par utrique Spiritus,
Tibi, Deus, sit gloria.

HYMNUS 102.

On Virgo, pectus cui sacrum
Amoris expers improbi

Intus suis ardoribus
Sanctus perussit Spiritus.

Non te voluptas dulcibus
Fallax venenis molliit:
Solas amantem persequi
Coelestis agni nuptias.

Sic ille natus Virgine
Suo decore ceperat,
Ut ejus ardens ignibus

Mundana cuncta temneres.

Beata cui nunc, cœlitum
Inter canentium choros

Coelo licet perennibus

Sponsi potiri gaudiis.

Æterne sponse Virginum,
Jesu, tibi sit gloria,

Cum Patre, cumque Spiritu,
In sempiterna secula.

« السابقةمتابعة »