ARDET Deo quæ fœmina, Latere frustra cogitat; Quot indigos hæc sublevat, Tot proditur præconibus.
Prodesse quærit omnibus Curis honestis anxia: Patrona custos Virginum, Secunda mater orphanis.
Pannis latentem vilibus Christum fovebat hospitem, Quas dura subtraxit sibi Opes refundit prodiga.
Pacem domi, pacem foris, Alto colit silentio :
Lites amat componere, Ut una mens sit omnibus.
Æterne tu Verbi Pater, Æterne Fili par Patri, Et par utrique Spiritus, Tibi, Deus, sit gloria.
Он jam beata, quæ suo Tandem soluta corpore, Vinclis perennioribus Uni Deo conjungitur!
Per quos gradus cœlum petit, Hâc ire vos omnes jubet, Junctæ jugali vinculo, Et vos solutæ conjuges.
Insignis et nos fœminæ Sequi decet vestigia, Magnum vel ipsis quæ fuit Virtutis exemplum viris.
Queis arsit illa, fac, Deus, Flagremus et nos ignibus: Eoque quo te vis coli, Amore fac mens te colat.
Æterne tu Verbi Pater, Æterne Fili, par Patri, Et par utrique Spiritus, Tibi, Deus, sit gloria.
URBS Jerusalem beata Dicta pacis visio, Quæ construitur in cœlis Vivis ex lapidibus, Et ovantûm coronata
Angelorum agmine!
Nova veniens è cœlo Nuptiali thalamo, Præparata ut sponsata Copuletur Domino; Plateæ et muri ejus Ex auro purissimo.
Portæ nitent margaritis,
Adytis patentibus:
Et virtute meritorum
Illuc introducitur,
Omnis qui ob Christi nomen Hic in mundo premitur.
Tunsionibus, pressuris, Expoliti lapides,
Suis coaptantur locis
Per manus artificis, Disponuntur permansuri Sacris ædificiis.
Sit perennis laus Parenti, Sit perennis Filio,
Laus tibi, qui nectis ambos Sit perennis, Spiritus : Chrisma cujus nos inungens Viva templa consecrat.
ANGULARIS fundamentum Lapis Christus missus est, Qui parietum compage In utroque nectitur : Quem Sion sancta suscepit, In quo credens permanet.
Omnis illa Deo sacra
Et dilecta civitas,
Plena modulis in laude
Et canore jubilo:
Trinum Deum unicumque Cum fervore prædicat.
Hôc in templo, summe Deus, Exoratus adveni,
Et clementi bonitate
Precum vota suscipe:
Largam benedictionem
Hic infunde jugiter.
Hic promereantur omnes Et petita acquirere, Et adepta possidere
Cum sanctis perenniter: Paradisum introire
Translati in requiem.
Sit perennis laus Parenti Sit perennis Filio:
Laus tibi, qui nectis ambos Sit perennis, Spiritus, Chrisma cujus nos inungens Viva templa consecrat.
DIES iræ, dies illa,
Crucis expandens vexilla,
Solvet seclum in favillâ.
Quantus tremor est futurus, Quando Judex est venturus, Cuncta stricte discussurus!
Tuba mirum spargens sonum, Per sepulcra regionum, Coget omnes ante Thronum.
Mors stupebit et natura, Cum resurget creatura,
Judicanti responsura.
« السابقةمتابعة » |