to adopt its own ritual. Hence it was that different rituals were at that time in use in different dioceses of this kingdom. "Some followed Salisbury use, some Hereford use, some the use of Bangor, some of York, and some of Lincoln.”* The most celebrated of these, "the use of Salisbury," was generally followed throughout England, Wales, and Ireland. It is ascribed to Osmund, bishop of Sarum, who died in the year 1099.‡ The baptismal office, which copies very closely the Sacramentary of Gregory the Great, consists of three principal parts,-the "Ordo ad Catechumenum faciendum," the "Benedictio Fontis," and the "Ritus Baptizandi." It is given entire, for the purpose of shewing the extent to which the compilers of our own office followed that which had been previously

in use.

The rubric is distinguished from the rest of the service by being printed in italics; while those parts resembling the baptismal offices of the first book of Edward VI. are enclosed in brackets.

* "Concerning the Service of the Church," prefixed to the Book of Common Prayer.

† See an authority quoted by Palmer, vol. i. p. 187.

Chronic. Saxon. Oxon. A.D. 1692, p. 207.

SACRA INSTITUTIO BAPTIZANDI

JUXTA USUM

INSIGNIS ECCLESIE SARISBURIENSIS.

ORDO AD CATECHUMENUM FACIENDUM.

Imprimis deferatur infans ad valvas Ecclesiæ, et inquirat sacerdos ab obstetrice, utrum sit infans masculus an fœmina; deinde, si infans fuerit baptizatus domi; et quo nomine vocari debeat. Licet enim baptizatus fuerit domi propter periculum mortis; tamen totum habeat subsequens servitium, præter immersionem aquæ, et quo nomine debet vocari. Masculus autem statuatur a dextris sacerdotis, fœmina vero a sinistris.

[His quæsitis, faciat signum crucis cum pollice in fronte infantis, ita dicens, Signum Salvatoris Domini nostri Jesu Christi in frontem tuam pono; et postea in pectore, dicens, Signum Salvatoris Domini nostri Jesu Christi in pectus tuum pono.]

Deinde, tenens manum dexteram super caput infantis, dicat,

Dominus vobiscum.

R. Et cum spiritu tuo.

Oremus.

Omnipotens sempiterne Deus, pater Domini nostri Jesu Christi, respicere dignare super hunc famulum tuum, vel hanc famulam tuam, (hic inquirat sacerdos nomen infantis, et respondeant patrini) N., quem (vel quam) ad rudimenta fidei vocare dignatus es: omnem cæcitatem cordis ab eo (vel ea) expelle, disrumpe omnes laqueos Satanæ, quibus fuerit colligatus (vel colligata). Aperi ei, Domine, januam pietatis tuæ, ut signo sapientiæ tuæ imbutus (vel imbuta),

omnium cupiditatum fœtoribus careat, et ad suavem odorem præceptorum tuorum lætus (vel læta) tibi in ecclesia tua deserviat, et proficiat de die in diem, ut idoneus (vel idonea) efficiatur accedere ad gratiam baptismi tui, percepta medicina; per eundem Christum Dominum nostrum. AMEN. Deinde dicatur oratio, sine Dominus vobiscum. Oremus.

Preces nostras quæsumus, Domine, clementer exaudi, et hunc electum tuum, vel hanc electam tuam, (hic patrini et matrinæ nominent puerum) N., crucis dominicæ, cujus impressione (hic faciat sacerdos crucem in fronte infantis) eum (vel eam) signamus, virtute custodi, ut magnitudinis gloriæ tuæ rudimenta servans, per custodiam mandatorum ad novæ regenerationis gloriam pervenire mereatur; per Christum Dominum nostrum. AMEN.

Oremus.

Deus, qui humani generis ita es conditor, ut sis etiam reformator: propitiare populis adoptivis, et novo testamento sobolem novæ prolis ascribe, ut filii promissionis, quod non potuerunt assequi per naturam, gaudeant se recepisse per gratiam; per Dominum nostrum Jesum Christum filium tuum, qui tecum, &c. AMEN.

Exorcismus salis, sine Oremus.

Exorcizo te creatura salis, in nomine Dei patris omnipotentis, et in charitate Domini nostri Jesu Christi, et in virtute Spiritus Sancti. Exorcizo te per Deum vivum, per Deum verum, per Deum sanctum, per Deum qui te ad tutelam humani generis procreavit, et populo venienti ad credulitatem, per servos suos consecrari præcepit, ut in nomine sanctæ Trinitatis efficiaris salutare sacramentum, ad effugandum inimicum. Proinde rogamus te, Domine Deus, ut hanc (hic respiciat sacerdos sal) creaturam salis, sanctificando sanctifices, benedicendo bene dicas, ut fiat omnibus accipientibus perfecta medicina permanens in visceribus eorum, virtute ejusdem Domini nostri Jesu

Christi, qui venturus est judicare vivos et mortuos, et sæculum per ignem. R. AMEN.

Iterum interroget sacerdos nomen pueri, et ponat de ipso sale in ore ejus, dicens,

N., accipe sal sapientiæ, ut propitiatus sit tibi Deus in vitam æternam. AMEN.

Postea dicat sacerdos super masculum, vel fæminam,

Dominus vobiscum.

R. Et cum spiritu tuo.

Oremus.

Deus patrum nostrorum, Deus universæ conditor creaturæ, te supplices exoramus, ut hunc famulum tuum, (vel hanc famulam tuam) N., respicere digneris propitius, et hoc primum pabulum salis gustantem, non diutius esurire permittas, quo minus cibo repleatur cœlesti, quatenus sit semper, Domine, spiritu fervens, spe gaudens, tuo nomini serviens, et perduc eum (vel eam) ad novæ regenerationis lavacrum, ut cum fidelibus tuis promissionum tuarum æterna præmia consequi mereatur; per Dominum nostrum Jesum Christum, &c. AMEN.

Sequatur oratio super masculum tantum, sine Dominus vobiscum, sed cum Oremus.*

* Hæc sequens oratio dicatur super fœminam tantum, sine Dominus vobiscum, et sine Oremus.

Deus cœli, Deus terræ, Deus angelorum, Deus archangelorum, Deus patriarchùm, Deus prophetarum, Deus apostolorum, Deus martyrum, Deus confessorum, Deus virginum, Deus omnium bene viventium, Deus cui omnis lingua confitetur, et omne genu flectitur, cœlestium, terrestrium, et infernorum, te invoco,, Domine, super hanc famulam tuam (respice) N., et perducere eam digneris ad gratiam baptismi tui.

Sequatur adjuratio super fœminam.

Ergo, maledicte diabole, recognosce sententiam tuam, et da honorem Deo vivo et vero, da honorem Jesu Christo filio ejus, et Spiritui Sancto, et recede ab hac famula Dei N., quia istam sibi Deus et Dominus noster Jesus Christus ad suam sanctam gratiam

Oremus.

Deus Abraham, Deus Isaac, Deus Jacob, Deus qui Moysi famulo tuo in monte Sinai apparuisti, et filios Israel de terra Ægypti eduxisti, deputans eis angelum pietatis tuæ, qui custodiret eos die ac nocte: te quæsumus, Domine, ut

et benedictionem, fontemque baptismatis dono Spiritus Sancti vocare dignatus est. Et hoc signum sanctæ crucis, (hic faciat sacerdos signum crucis in fronte infantis cum pollice) quod nos fronti ejus damus, tu, maledicte diabole, nunquam audeas violare; per eum qui venturus est judicare vivos et mortuos, et sæculum per ignem. R. AMEN.

Item super foeminam tantum dicitur sequens oratio, sine Dominus vobiscum, et sine Oremus.

Deus Abraham, Deus Isaac, et Deus Jacob, Deus qui tribus Israel de Ægyptiaca servitute liberasti, et per Moysen famulum tuum de custodia mandatorum tuorum in deserto monuisti, et Susannam de falso crimine liberasti: te supplex deprecor, Domine, ut liberes hanc famulam tuam (respice) N., et perducere eam digneris ad gratiam baptismi tui.

Sequatur adjuratio.

Ergo, maledicte diabole, recognosce sententiam, et da honorem Deo vivo et vero, da honorem Jesu Christo filio ejus, et Spiritui Sancto, et recede ab hac famula Dei N., quia istam sibi Deus et Dominus noster Jesus Christus ad suam sanctam gratiam et benedictionem, fontemque baptismatis dono Spiritus Sancti vocare dignatus est. Et hoc signum sanctæ crucis, (hic faciat sacerdos signum crucis in fronte infantis cum pollice suo) quod nos fronti ejus damus, tu, maledicte diabole, nunquam audeas violare; per eum qui venturus est judicare vivos et mortuos, et sæculum per ignem. R. AMEN.

Exorcismus super fœminam tantum, sine Dominus vobiscum, et sine

Oremus.

Exorcizo te, immunde spiritus, per Patrem, et Filium, et Spiritum Sanctum, ut exeas et recedas ab hac famula Dei (respice) N. Ipse enim tibi imperat, maledicte, damnate atque damnande, qui cæco nato oculos aperuit, et quatriduanum Lazarum de monumento suscitavit.

Sequatur adjuratio.

Ergo, maledicte, &c. ut supra.