Verez, heir en partie et fils ainsné de feu monseigneur Pierre Tirlousseau, jadis chevalier et seigneur de Verez ou temps qu'il vivoit, a congneu et confessé en droit en la cour le roy, de son bon gré et de sa bonne volonté, que comme ja pieça fust meue question entre homme de bonne memoire feu monseigneur Geffroy de la Haie, jadis arcevesque de Tours (1), par nom et par raisson de son arceveschié de Tours d'une partie, et ledit feu monseigneur Pierre Trousseau, chevalier, adonques sire de Verez d'autre partie :

Sur ce que ledit arcevesque disoit et affirmoit ledit feu monseigneur Pierre Trousseau, sire de Verez, estre tenus chacun an a l'arcevesque et a l'arceveschié de Tours, sur la terre et pour raison de la terre de Verez et les appartenances, et des terres, fiez, et homages dudit lieu, exemplez de nouveau, en cinq muis de seigle bon et nouvel a la mesure de Cormeri d'annuel et perpetuel rente en la feste de saint Michel; ledit monseigneur Pierre en celui temps affirmant le contraire en disant que, ja soit ce que les cinq muis de seigle de rente dessusdis fussent deus audit arcevesque et l'arceveschié de Tours sur les devant dites terres exemplées de nouveau, ledit chevalier ne les devoit pas, ne n'y estoit pas sa terre de Verez obligée, mes les hommes estagiers de ladite terre de Verez et autres qui lesdits exemplées tenoient et poursoient, et les devoient par chacun an audit arcevesque et arceveschié de Tours;

Item, sur ce que ledit monseigneur Pierre, au temps qu'il vivoit, disoit et affirmoit que il, tant comme sire de Verez, avoit et devoit avoir sa chace en ses bois de Verez et y povoit chacer a toutes grosses bestes rouges et noires, et a toutes autres quelconques, et que ledit arcevesque l'empeschoit sur ce indebuement; ledit arcevesque, pour le temps, disant et affirmant le contraire, et disant que, ja soit ce que ledit chevalier peust chacer

(1) Geoffroy de la Haye, élu archevêque de Tours en 1312, †6 avril 1323.

audit bois au conins (1) et au lievres, toutevois aux grosses bestes rouges et noires n'y povoit il, ne devoit, chacer, mes audit arcevesque tant solement, et pour le tout, appartenoit la chasse audites grosses bestes esdis bois de Verez, si comme en ses propres bois et domaines de Brussenay ;

Finalement apres plusieurs altercations et controversies eues sur ce, et apres plusieurs traitiés de paix eus entr'eux, lesdis arcevesques et monseigneur Pierre amenés a ce par le conseil de prudes hommes, et o l'assentement du chapistre de Tours, consideré et attendu le proufit de l'une partie et de l'autre, vindrent à cette paix, transaction et concorde sur les chouses dessusdites:

C'est assavoir, que ledit chevalier vost et ottroia que luy et ses heirs et ses successors, seigneurs de Verez, pour les cinq muis de seigle de rente dessusdis a lui demandés de la partie dudit arcevesque, fussent seulement tenus et obligés perdurablement a mes tousjours rendre, parfaire et paier par chacun an audit arcevesque et a ses successours, arcevesques de Tours, en la feste de saint Michel, quatre muis de froment bon, nouvel et loial, d'annuel et perpetuel rente, a la mesure de Cormeri dessusdite, sur la terre de Verez et sur ses appartenances, et a ce obligea et chargea ledit monseigneur Pierre ladite terre de Verez et ses appartenances, et vost et ottroia demourer perdurablement a ce obligées et chargées, toutes vois sous les accors et convenances ci-dessous escriptes;

Et que ledit arcevesque, o l'accort de son chapistre, vost et ottroia audit chevalier et a ses successeurs, seigneurs de Verez, de lors en avant auroient perdurablement leur chace esdis bois et terre dudit chevalier de Verez, et par eux et leurs gens pourroient chacer dedans lesdis bois et terre dudit chevalier de Verez a toutes bestes rouges et noires, et autres queles qu'elles

(1) Bétencourt porte ici covins et plus bas couvins.

soient, et commant que elles soient nomées ou appellées, et prandre dedans lesdis bois et terre lesdites bestes et faire haies et tesures pour les prandre; neantmoins la chace desdis bois et terre de Verez demeurent audit arcevesque et a ses successeurs, a toutes grosses bestes rouges et noires, et autres queles qu'elles soient, toute fois que il ly vendra chacer par soy ou par ses gens esdis bois et terre dudit chevalier, en telle maniere que ledit arcevesque, ne autre par cause de luy, ne pourront rien coper ne prendre esdis bois de Verez pour y faire hayes ne tesures a prendre lesdites bestes, sens l'assentemant dudit sire de Verez qui sera pour le temps; laquelle chace et venacion au bestes dessusdites, comme dit est, si comme a confessé ledit monseigneur Guillaume Trousseau, ledit arcevesque bailla et octroia audit chevalier et a ses heirs en telle maniere que ycellui chevalier et ses heirs et successeurs, seigneurs de Verez, pour avoir leur chasse esdis bois et terre dudit chevalier de Verez a tousjours mes pasiblement, seroient tenus a rendre et paier perdurablement a tousjours mes a heritage audit archevesque et a ses success ours, arcevesques de Tours, sur ladite terre de Verez et ses appartennaces un muy de fromant bon, nouvel et loyal, a ladite mesure de Cormeri, d'annuel et perpetuel rente, au jour de la saint Michel chescun an, laquelle terre de Verez o ses appartenances ledit feu monseigneur Pierre a ce obligea et chargea dessous les convenances et accors qui s'ensuivent;

Confessant et affermant encores o tout ce ledit monseigneur Guillaume en ladite court le roy que comme ledit arcevesque, par nom et par raison de son arceveschié, eust en la paroisse de Verez, jouxte la garanne a connins dudit chevalier, ou fié et en la justice dudit arcevesque de Tours, une petite piece de bois appellée le Coudray, et une petite piece de pré et saulaie sise soubs ledit bois, contenans toutes ces choses dix quartiers de terre ou environ tant en bois comme en prés et saulaie, lesquelx bois, pré et saulaie estoient

CART. ARCH. TOURS.

14

venues et descendues de nouvel a l'arceveschié de Tours et li estoient aquises pour debetes; c'est assavoir le bois de feu Girart Huget et ledit pré et saulaie de feu dit Mirepié Mosnier; et lesquelles choses aportoient, et pourroient aporter ou temps avenir, mout pou de prouffict audit arcevesque et a son arceveschié, et par lesquelles choses peust ou temps avenir estre brigue et dissention, par raison de ladite prochaineté de la garenne dudit chevalier a connins, entre les arcevesques de Tours et les seigneurs de Verez pour le temps avenir; ledit arcevesque, o l'assentement de son chapitre de Tours, consideré et esgardé le proufit de son eglise et de son arceveschié, bailla, lessa et octroia audit feu monseigneur Pierre et a ses successeurs, seigneurs de Verez, et ledit monseigneur Pierre pour lui et pour sesdis heirs et successours, seigneurs de Verez, prist dudit arcevesque, toutevois se il plesoit au saint siege de Rome, lesdites pieces de bois appelé Coudray, de pré et de saulaie, si comme ils se poursuivent, eus en la maniere dessus devisée desdis feu Girart et Mirepié a tousjours mes, a heritage pour un mui de froment bon, nouvel et loial, a la dite mesure de Cormeri, d'annuel et perpetuel rente rendable dudit monseigneur Pierre et de ses heirs et successeurs, seigneurs de Verez, audit arcevesque et a ses successeurs, arcevesques de Tours, au jour de la feste saint Michel, chacun an, a tousjours mes, et que ou muy de froment d'annuel et perpetuel rente dessusdite rendre, poier et parfaire audit arcevesque et a ses successeurs arcevesques de Tours audit terme chacun an pour le temps advenir, ledit feu monseigneur Pierre obligea et chargea sadite terre de Verez et les appartenances et les teneurs et possessours d'icelle sur les convenances et accors cidessous devisés;

Et que ledit monseigneur Pierre promit et octroia expressement audit arcevesque empetrer et procurer a ses propres couts et depe ns, sur les chouses dessusdites,

l'assentement du saint siege de Rome, si et en tant comme mestier seroit;

Disant et affermant en ladite cour le roy ledit monseigneur Guillaume Trousseau en faisant se fut expressement convenu et accordé en la paix, transaction, composition et baille a rente perpetuel dessusdit, que touttefois que ledit monseigneur Pierre, ou ses heirs, ou ses successeurs, seigneurs de Verez, pourroient acquere ou acqueroient es fiés ou rerefiez de l'arceveschié de Tours et paroisses el terrouers de Vernou, de Larçay, d'Artanne, d'Auson et de Tours, ou en l'un d'iceulx lieulx, six muys de froment bon, nouvel et loial, a ladite mesure de Cormeri, d'annuel et perpetuel rente, bien assis et assignés, et yceulx six muys de froment de rente a ladite mesure, ainssy acquis bien assis et assignés, esdis fiez ou rerefiez, si que il ne puisse deperir ne mourir, baudroient et assigneroient audit arcevesque et a ses successeurs, arcevesques de Tours, pour les autres sis muys de froment de rente dessusdis, auquelx les seigneurs de Verez et les terres de Verez et appartenances estoient et sont tenus et obligés audit arcevesque et arceveschié de Tours; ledit arcevesque pour le temps seroit et sera tenu prandre les six muys de froment de rente dessusdis, ainssi comme dessus est dit, ly seront baillés et assignés, et du temps de ladite baille et assignation fecte audit arcevesque pour le temps de ladite rente, comme dit est, par le seigneur de Verez, pour le temps ensuyvent, ycelui seigneur de Verez et ses successeurs, seigneurs de Verez, ladite terre de Verez et ses appartenances pour le temps d'ilecques ensuyvent et avenir demouroient quictes et delivrés, tousjours mes perdurablement, de la charge et paiement des six muys de froment de rente dessusdis, auxquielx estoient et sont obligés lesdis seigneurs de Verez audit arcevesque et a ses successeurs pour la composition et les autres chouses dessusdites.

Et comme du temps dudit feu monseigneur Geuffroy de