Br. 24.

NON opto aut precibus posco ditescere, paucis Sit contenta mihi vita dolore carens.

Br. 24. RECTA ad pauperiem tendit, cui corpora cordi

est

Multa alere, et multas ædificare domos.

Br. 24. Tu neque dulce putes alienæ accumbere mense, Nec probrosa avidæ grata sit offa gulæ ; Nec ficto fletu, fictis solvare cachinnis,

Arridens domino, collacrymansque tuo. Lætior haud tecum, tecum neque tristior un

quam,

Sed Miliæ ridens, atque dolens Miliæ.

Br. 26. NIL non mortale est mortalibus; omne quod est hic

Prætereunt, aut hos præterit omne bonum.

Br. 26. DEMOCRITE, invisas homines majore cachinno, Plus tibi ridendum secula nostra dabunt. Heraclite, fluat lacrymarum crebrior imber; Vita hominum nunc plus quod misereris habet. Interea dubito: tecum me causa nec ulla Ridere, aut tecum me lacrimare jubet.

Br. 26. ELIGE iter vitæ ut possis: ríxisque dolisque Perstrepit omne forum; cura molesta domi

est.

Rura labor lassat; mare mille pericula terrent; Verte solum, fient causa timoris opes; Paupertas misera est; multæ cum conjuge lites Tecta ineunt; cœlebs omnia solus ages. [est Proles aucta gravat, rapta orbat, cæca juventæ Virtus, canities cauta vigore caret. [oras Ergo optent homines, aut nunquam in luminis Venisse, aut visâ luce repente mori.

ELIGE iter vitæ ut mavis, prudentia lausque

Permeat omne forum; vita quieta domi est. Rus ornat natura; levat maris aspera lucrum, Verte solum, donet plena crumena decus; Pauperies latitat, cum conjuge gaudia multa Tecta ineunt, cœlebs impediere minus; Mulcet amor prolis, sopor est sine prole pro

fundus;

Præcellit juvenis vi, pietate senex.

99

Nemo optet nunquam venisse in luminis oras, Aut periisse, scatet vita benigna bonis.

Br. 27.

VITA Omnis scena est ludusque, aut ludere disce Seria seponens, aut mala dura pati.

Br. 27.

Quæ sine morte fuga est vitæ, quam turba malorum

Non vitanda gravem, non toleranda facit ? Dulcia dat natura quidem, mare, sidera, terras, Lunaque quas et sol itque reditque vias. Terror inest aliis, mærorque, et siquid habebis Forte boni, ultrices experiere vices.

Br. 27. TERRAM adis nudus, de terra nudus abito, Quid labor ethiciet? non nisi nudus ero.

Br. 27. NATUS eram lacrymans, lacrymaus e luce recedo:

Sunt quibus a lacrymis vix vacat ulla dies. Tale hominum genus est, infirmum, triste, misellum,

Quod mors in cineres solvit, et abdit humo.

Er. 29. QUISQUIS adit lectos elatà uxore secundos, Naufragus iratas ille retentat aquas.

Br. 30.

FELIX ante alios nullius debitor æris;

Ilunc sequitur cælebs; tertius, orbe, venis. Nec male res cessit, subito si funere sponsam Ditatus magna dote, recondis humo. His sapiens lectis, Epicurum quærere frustra Quales sint monades, quà fit inane, sinas.

Br. 31. OPTARIT quicunque senex sibi longius ævum, Dignus qui multa in lustra senescat, erit. Cum procul est, optat, cum venit, quisque se.

nectam

Incusat, semper spe meliora vídet.

Br. 46.

OMNIS vita nimis brevis est felicibus, una
Nox miseris longi temporis instar habet.