2. Anselmus.

tui nominis, nulla unquam oblivione delendam; scribe in tabulis cordis mei voluntatem tuam et justificationes tuas, ut te Dominum et præcepta tua semper et ubique habeam præ oculis meis; et ut sacrificium spiritus contribulati et cordis contriti quotidie offeram tibi.

Dulcis Christe, bone Jesu, sicut desidero, sicut tota mente mea peto, da mihi amorem tui sanctum et castum ; qui me repleat, teneat, totumque possideat in æternum. Pie Jesu Domine, ne efficiaris mihi inexorabilis propter peccata mea; sed propter bonitatem tuam suscipe preces servi tui, et da mihi tandem effectum petitionis meæ et desiderii mei in cœlesti patria. Amen.

XLII.

IN ISTA ORATIONE MENS HUMANA COPIOSIUS COMPUN

GITUR, SI IN QUIETE DICATUR.

ESU Domine, Jesu pie, qui mori dignatus es propter peccata nostra, et resurrexisti propter justificationem nostri; rogo te, per gloriosam

resurrectionem tuam, resuscita me de sepul

cro vitiorum et peccatorum meorum omnium, et da mihi quotidie partem in resurrectione prima, ut in resurrectione tua merear veraciter percipere portionem. Jesu bone, qui ascendisti in cœlum cum triumpho gloriæ tuæ, et sedes ad dexteram Patris, rex potentissimus: trahe me sursum ad te, ut curram post te; curram et non deficiam, te trahente, te ducente me currentem. Trahe os sitientis te animæ in superna fluenta æternæ satietatis; imo trahe me ad te fontem vivum, ut inde bibam unde semper vivam, Deus meus, vita mea.

Tu enim dixisti :-"Si quis sitit, veniat ad me, et bibat." O fons vitæ, da sitienti animæ meæ semper bibere ex te; reple mentem meam torrente voluptatis tuæ ; inebria cor meum sobria ebrietate amoris tui; ut obliviscar quæ vana sunt et terrena, et te jugiter habeam in memoria mea.

S. Anselmus.

Da mihi Spiritum sanctum tuum, quem significabant illæ aquæ quas sitientibus daturum te promiseras. Da, quæso, toto desiderio et omni studio tendere quo te ascendisse credimus; ut in præsenti quidem miseria solo tenear corpore, tecum autem sim cogitatione semper et aviditate; et ibi sit cor meum et anima mea in æternum, ubi tu es, Domine, thesaurus meus incomparabilis. Amen.

Hostem repellas longius,
Pacemque dones protinus ;
Ductore sic te prævio,
Vitemus omne noxium.

Per te sciamus da Patrem,
Noscamus atque Filium,
Te utriusque Spiritum
Credamus omni tempore.

Sit laus Patri; laus Filio;
Par sit tibi laus, Spiritus,
Afflante quo mentes sacris
Lucent et ardent ignibus.

Amen.