Vox non sono designata, O vox dulcis, O vox grata, Lux depellens falsitatem, Nobis confer omnibus. Amen. I Andrewes. LXXIX. PRO VENIA, SANCTIFICATIONE, ET LÆTA RESURRECTIONE. Ο DOMINE, qui dignatus es me, sancta hac die et hora, levare animam meam et laudare te, et offerre debitam tibi gloriam; ipse, Domine, ab anima mea suscipe spirituale hoc sacrificium; illudque recipiens ad te, in spirituale tuum altare, digneris mittere in me gratiam sancti Spiritus tui. Visita me in bonitate tua; ignosce mihi peccatum omne, tam voluntarium quam involuntarium; libera me ab æternis suppliciis, et hujus mundi omnibus ærumnis; transmuta cogitationes meas in pietatem; sanctifica spiritum, animum, et corpus meum; da mihi adorare et placere tibi in pietate et sanctitate vitæ, usque ad extremum vitæ terminum ; et denique, concede bonum et sanctum vitæ finem, lætam et gloriosam resurrectionem ; per Dominum nostrum Jesum Christum. Amen. LXXIX. A. ORATIO NE IMPARATOS MORS NOS INVENIAT, ET ACTIO D LAUDIS. JOMINE, qui in die qua non speramus et hora qua nescimus venturum te ad judicium prædixisti; fac nos omni die omnique hora. paratos esse, ut adventum tuum præstolemur; stabili gratia tua cor nostrum ; et, qui vesperum das diei finem (quo vitæ vesperum nobis in memoriam redigas), da semper cogitare, ut diem, sic vitam transvolare; et mane nobiscum, Domine, quia advesperascit, et inclinata est jam dies vitæ nostræ. O Deus, qui enutristi nos a juventute nostra; attolle super nos lumen vultus tui, et aperi os meum ad benedicendum nomen tuum. Sed peccantem me, Domine, et prorsus indignum, magis deceret coram te jacere prostratum, ac cum fletu et gemitu peccatorum veniam postulare; quam te ore polluto laudare. De ingenti tamen bonitate tua confido; O suscipe laudes quas decantare desidero indignus peccator, certe indignus, sed utinam devotus et tibi acceptus. Tibi gratias ago, te adoro, laudo, benedico, teque glorifico; nam dignus es, Domine Deus, accipere laudes et gratias, in sæcula sæculorum. Amen. Andrewes. LXXX. COMMENDATIO AD DEUM. STO, Domine, intra me, ut me confortes; extra me, ut me custodias; supra me, ut me protegas; infra me, ut me sustentes; ante me, ut me deducas; pone me, ut me revoces; circumcirca me, ut me undique communias. Amen. LXXXI. S PRECATIUNCULA. IT semper mihi, Domine, manus tua potens in protectionem; verax tuum verbum in eruditionem; gratia vivifici tui Spiritus in consolationem adusque finem; et, denique, misericordia tua in Christo in salutem sempiternam. Amen. LXXXII. PRO LIBERATIONE A MALO, ET PERSEVERANTIA IN DEI D SERVITIO. JOMINE Jesu Christe, in cujus ditione cuncta sunt posita, et non est qui possit resistere voluntati tuæ ; qui dignatus es nasci, mori, et resurgere; per mysterium sacratissimi corporis tui et effusionem pretiosissimi sanguinis tui miserere nobis, sicut tu scis necessarium esse animabus et corporibus nostris. Libera nos a Diaboli tentatione, et ab omnibus quibus nos angustiatos esse cognoscis ; nosque in servitio tuo corrobora, et usque in finem conserva : veram emendationem, spatiumque veræ pœnitentiæ nobis tribue, et remissionem omnium peccatorum; et fac nos fratres, sorores, amicos, et inimicos diligere, et cum omnibus sanctis tuis in regno tuo sine fine gaudere; qui cum Deo Patre, et Spiritu sancto, vivis et regnas Deus, per omnia sæcula sæculorum. Amen. |