per lavacrum regenerationis et renovationis Spiritás Sancti, suscipe propitius ut fratrem tuum et Ecclesiæ tuæ membrum, mitte ei auxilium de sancto, ut semper legem tuam custodiat, et per intercessionem beatæ Mariæ genitricis tuæ, sancti Angeli custodis et sancti N. patroni ejus, sic proficiat sapientiâ, ct ætate et gratiâ apud Deum et homines, ut baptismi sui fidem et innocentiam semper conservet, et cum veste candidâ et lampade igne charitatis ardente tibi possit occurrere.

Suscipe et sanctifica meipsum, Domine, quem ad imaginem tuam creasti et in filium adoptionis per sacrum baptisma regenerasti, ut sim sanctus et immaculatus in conspectu tuo; quidquid adversus divinam illam adoptionem et sacra baptismi mei vota deliqui propitius ignosce; spiritum sanctificationis quem in sacro fonte cordi meo infudisti, innova in visceribus meis ; effice me hominem secundùm cor tuum, Christiano nomine dignum, et probabilem tui altaris ministrüm, ut in justitiâ et sanctitate omnibus diebus vitæ meæ coram te serviam. Amen.

Avant d'entrer au confessionnal.

Quis sum ego, Domine, ut vadam et educam filios Israel, nisi tu ipse præeas et ponas in ore meo verba tua? Ars enim artium regimen animarum. O) Domine Jesu Christe, magne et sempiterne pontifex, qui me, licet indignum, reconciliationis ministrum in populo tuo esse voluisti, exaudi preces humilitatis meæ, ut gratiæ tuæ fretus auxilio, pœnitentiæ sacramentum saDandis animarum vulneribus institutum, sanctè et dignè

ministrare valeam. O Jesu redemptor noster qui de colo venisti vocare et salvos facere peccatores, quorum primus ego sum, miserere mei et istorum, et resuscitans in me gratiam quam dedisti mihi cum impositione manuum presbyterii, insufla in me, sicut olim in Apostolos tuos, ut eodem Spiritu Sancto repletus, zelo, scientiâ, pietate, fortitudine, charitate et sapientiâ armatus, te ipso, cujus legatione fungor, exhortante et judicante per me, illa retineam quæ tu retines, eaque remittam in nomine tuo quæ tu remittis; væ enim mihi si consuero pulvillos sub cubito manús ad capiendas animas !

O Domine, qui operaris in nobis et velle et perficere pro bonâ voluntate, operare in me, ut intrinsecùs ità dolore affectus sim ut defleam peccata quibus offenderis et ipsosmet peccatores ea flere compellam. In ipsis operare, sanctissime Deus, ut verè pœnitentes, recogitent et confiteantur sincerè omnia peccata sua in amaritudine animæ suæ. Cor contritum et humiliatum.... cor mundum et spiritum rectum crea in illis, et fac ut superabundet gratia ubi abundavit delictum. Amen.

Pendant la confession, il faut recourir souvent à Dieu, à son Ange gardien et à celui des personnes qui se confessent, mais particulièrement à Marie, dont la protection est si puissante contre le tentateur. On gagne cent jours d'indulgence toutes les fois qu'on dit ces paroles Benedicta sit sancta et immaculata conceptio beatæ Virginis Mariæ. On gagne aussi des indulgences en invoquant les saints noms de Jésus et de Marie, et en faisant d'autres aspirations qui nourrissent la piété et doublent les lumières, les forces et la patience. ( Voyez le Recueil des indulgences dans le 3.o vol. )

Après la Confession.

Domine Deus, qui non vis mortem peccatorum, sed magis ut convertantur et vivant, ecce oves quas dudùm errantes bonus pastor sollicitè quæsivisti; ecce filii prodigi qui mortui erant et revixerunt, perierant et inventi sunt; ne despicias sacrificium spiritûs contribulati, cordis contriti et humiliati quod tibi offerunt; sed confirma hoc quod operatus es in illis, solvens tu ipse in cœlis, quod in nomine tuo solvi in terris, et perficiens magis ac magis in timore et amore tuo sanctificationem illorum, ne, revertente diabolo illùc undè exivit, fiant novissima eorum pejora prioribus.

O Angeli Dei, qui gaudetis in cœlis super his peccatoribus pœnitentiam agentibus, orate continuò pro ipsis, orate et pro me, ut auditis non maculer, sed considerans memetipsum, vigilem semper in orationibus, quemadmodum pro illis, ita et pro meipso, quoniam et ipse eircumdatus sum infirmitate. Amen.

Avant la confession des malades.

Domine Jesu Christe, qui solus peccata dimittis, et sanas omnem langorem, dic animæ istius infirmi : Salus tua ego sum, ut recogitet tibi omnes annos suos in amaritudine animæ suæ, et quæcumque peccavit, tactus dolore cordis intrinsecùs, rectè confiteatur, certòque dicere possim ei in nomine tuo: Confide, fili; remittun tur tibi peccata tua.

Dic et mihi ipsi, ô Domine, quem indignum posuisti ministrum reconciliationis, ut videam ministerium meum dignèque impleam; da mihi nosce intimas dispositiones istius infirmi, et ei meliora suadere; da mihi in hoc formidabili momento undè pendet æternitas, quid loquar et agam, ut animæ et domui suæ disponat, fideque et patientiâ armatus, adventum tuum lætus et securus exspectet. Amen.

Après la confession des malades.

Ecce, ô Domine, ecce victima super lectum doloris, quasi super aram supremæ majestati tuæ immolanda, quæ gladium justitiæ tuæ, mortem scilicet quam totiès peccando meruit expectat; plenam subjectionem tuæ voluntati, patientiam in infirmitate, veramque peccatorum contritionem ei concede; cura, quæsumus, dolores ejus, sana vulnera, et de interitu redime vitam illius; si verò, quia justus es, denegas ei sanitatem, pretiosam, illi ex perfectâ charitate in conspectu tuo mortem con<cedere digneris. Amen.

Avant d'administrer l'Extrême-Onction.

Domine Jesu Christe, qui habes claves vitæ et mortis, respice propitius super famulum tuum propter quem mortuus es, quique inducit me, indignum presbyterum Ecclesiæ tuæ, ut, sicut jussisti, orem super eum ungens oleo in nomine tuo. Adauge ergo mihi fidem, Domine, ut oratio mea ex vivâ fide procedens salvet infirmum istum; tu ipse, clementissime Deus, allevia eum, et si

in peccatis sit, omnia remitte illi quæ diversis sensibus sive etiam mor

commisit, ut sive infirmus,

sive sanus,

tuus laudet et amet te semper. Amen.

Après l'Extrême-Onction.

Unctio tua, Domine, unctio Spiritûs Sancti per diffusam charitatem tuam in corde istius infirmi maneat semper, eumque consoletur, confirmet et doceat dolores suos patienter tolerare. Si ei sanitatem reddere digneris, fac ut, abnegans impietatem et secularia desideria, sobriè, et justè et piè vivat in hoc seculo, expectans beatam spem et adventum gloriæ magni Dei et salvatoris nostri Jesu Christi. Si autem illum ad te revocare volueris, moriens hæc dulcia verba ab ore tuo audiat : Hodie mecum eris in paradiso.

Eadem unctio gratiæ tuæ, Domine, semper sit et maneat in me, doceatque me ipsum sic piè vivere quasi modò moriturus essem, ideòque semper vigilem ut oculi mei nihil profani videant, aures nihil mali audiant, os ab omni maledicto et gulâ abhorreat, manus nihil pravi agant, pedes nullam erroris ingrediantur viam, pangam denique foedus cum universis sensibus meis, imò cum corde et animâ meâ, ut ab omni specie malâ abstineam, et in omnibus faciam voluntatem tuam beneplacentem et perfectam. Veniens enim venies quâ horâ non puto, et fortè citiùs hoc infirmo ad tremendum tribunal tuum vocabis me.... Domine Jesu, miserere meì, propitius esto mihi peccatori, et per tuam passionem fac me semper paratum esse mori in te et æternùm possidere teipsum in coelis. Amen.

**