421. Hilbrand und Johann Wickede verpfänden ein Grundstück am Westhellwege und genehmigen die Anlage einer Straße von dort zum Dominicanerkloster. 1373, 17. Mai.

Aus dem Dominicaner-Archive.

Wy Hildebrant van Wickede, Johan myn sone bekennen openbare in dissen breyue, dat vns dey predeker broder van Dorpmunde geleent hebt twintich mark, den Torrnoys gereckent vor negenteyn veyrlincge, dar wy mede kofften vnd betalden dey Woert dey is gelegen tuschen dem helewege vnd dem clostere vnd hebt den seluen broderen dey vorg. woert geleent to als er nut to gebrukene vme godes willen also lange als dat vns vnd vnsen eruen wol behaget, vnd dar solen jarlix dey brodere vorg. aff geuen viff schillinge als to Dorpmunde genge vnd geue sint, to Wortgelde. Vart wat kost dar op genge den helewech to makene off dey strate bi dem clostere to makene entgegen dey Woert vnd ok den putte to makene, dey an der woert gelegen is, vnd al stades recht, dat dar van boert, to doende, dat solen dey predekere brodere vorg. bekostigen vnd betallen al dey wile dat sey disse vorg. Woert vnderhebt vnde gebruket. Vortmer wanner wy off vnse eruen dey vorg. woert to vnser behoff weder hebben willen so solen wy eff vnse eruen den vorg. prcdeker brode ren dey twintich mark vorg. an geliken guden gelde weder geuen vnd betallen, vnd wanner dey betalincge is gescheyn, so solen dey seluen predeker brodere vns vnd vnsen eruen dey woert weder antworden ledich vnd loes al wy en dey geleent hebben sunder irhande wedersprake als argelist lutterliken vtgescheden. Vnd wanner dat dey vorg. Woert dan gelost is, so solen dey vorg. predekere brodere behalden an der vorg. woert to ewigen dagen eynen wech an der siden, dar dey putte steyt vnd Johan Kleyneherbede woenet, achte voeten wyt vnd dey wech sal gaen van dem belege (helewege) westen vit an dat kloster, In orkunde vnd vestincge al disser vorg. punte so hebben wy Hildebrant van Wickede vorg. vnd Johan myn sone samentlike vnse Ingesigele vor vns vnd vor vnse eruen to

tughe der warheyt an dissen breyff gehangen.

Datum Anno domini M.C.C.C. septuagesimo tertio ipso die s. Antonis et Victoris martirum. *)

422. Die Bischöfe von Münster und Paderborn, der Graf von der Mark und die Städte Münster, Soest, Osnabrück und Dortmund, vereinbaren die Artikel zur Verwirklichung des vom Kaiser Karl IV. für Westphalen gegebenen Landfriedens. 1374, 3. Mai.

Wy Florens van godes ghenaden Bysschop to Munstere . . Henrich von gades ghenaden. . Bysschop to Paderborne vnde Marschalke to Westfalen to dusser tyt vnd vortmer wy hyr na, Marschalke were to Westphalen. vnd Enghelbert, greue to der marke enkennen vor vns vor vnse nakomelinge vnd vur vnse eruen, vnde dey Burghermeystere, Raet vnde meynheyt der stede Soest, Munstere, Osenbrugge, vnde Dorpmunde enkennen vor ons vnde vor vnse nakomelinge, dat wy sint ouerdregen, na dem Rechte vnd ghenaden, dat vnse here her Karl.. keyser to Rome vnde .. Konich to Behem deme lande tho Westphalen vmbe Got vnd vmbe Waeldaet heeft ghegheuen, also: (1.) Dat nu voirtmer na dusser tyt, alle kerken, alle kerkhoue, alle huyslude, er lyff vnde guet dair vppe velich wisen suelen, alle koeplude alle pillegryme, er lyf vnde guet vppe der straten velich solen wesen, ain argheliste, vnde sonder vnderscheit. man orloghe, ader nicht, mit beheltnisse der heren herrlicheit vnd Rechtes, na vytwissinghe des keysers breyue. den he oppe den vrede ghegheuen heuet. (2.) Ok solen alle wilde perde velich syn. (3.) Ok wey des anderen vyant wesen wil, dey vruntschappe mit eme ghehaddet hedde, dey sal eme dat kontliken to voren weten laten, an eyner tyt to der anderen, also dat eyn dach vnde eyne nacht vorghangen syn, eyr dan he eme jenigen schaden do. (4.) Ok so en sal neyman dem anderen schaden doen, an name, an roue, eder an brande, dey vruntschap mit eme

*) Die Siegel haben den geschachten, rechtsschrägen Balken.

ghehadt hedde, hey en bewair sich als vorschreuen is. (5.) Vnde were dat dyt yemant verbreke, ane vorsate vnd ane argelist, dat he ware maken wolde auer den heylghen, dat he dat ane vorsate hedde ghedan, sonder argheliste, dey sal dat wederdoen, wan he dair vmbe anghespraken wirdet, binnen dey neesten veyrteyn daghen dey volghet na dey ansprake vnuertaghet. vnde sal den kleghere wederdoen, also veel als he self dyrde ouer den heylghen beholden wyl. mit redeme ghelde, eder mit der ware dey he eme ghenomen heeft, et en were also dat dey ghene, dey anspraken worde van dem kleghere, sesse to sych hedde onuerlegheder manne, dey den vrede to vorn hedden ghesworne, dey dat myt eme ouer den heylgeen sweren wolden, dat hey der tycht vnde der name vnschuldich were. dat solde dey kleghere van eme nemen . . Weer auer dat dey, dey daer anspraken worde, der zesse nicht en hedde, als vorss. is. so mach dey kleghere twe to seck nemen, dey den vreden ghesworen hebben, vnde sweren ouer den heylghen, dat eme dey schade vnde dey daet, van eme ghescheyn sy. vnde dair mede solen dey hantdedighen verwonnen wesen vnde syn yn allen rechten vnde sal mit eine voirtvaren, als des keysers breyue vytwyset, den hey oppe den vrede ghegheuen heuet. (6.) Were ok dat wey angegrepen worde mit blyke eft vppe dem blykenschyn, like wael sal dey clegere, dem dey schade ghescheyn is, twe to seck nemen, dey den vrede gesworen hebben vnde sweren ouer den heylghen, dat dey hantdedyghe eme den schaden ghedain hedde vnd dair en solen vnd en moghen dey hantdedyghe neyn vnscholt vur doen. (7) Were ok dat wey den anderen vorclaghen wolde, vnde laden en vor den lantvoghet, dem en darf dey lantvoghet nicht richten, hy en hebbe den vreden eyrst gesworen hadt. eyr der tyt dat dey schicht schee, dair he den anderen vmbe verclagen wyl, vnde dat sal he wysen mit deme lantvoghede eder mit den amptmanne, dar he vnder gheseten is. eder mit dem Burghermeystere in der stat dair he ynne beseten is. (8.) Were ok wey dey gheladen worde vor den Lantvoghet, den men verclagen vnde wynnen wolde, vnde dey seck verantworden wolde, dey sal dat wysen mit deme lantvoghede,

eder mit deme amptmanne, dair he under beseten is, eder mit dem Burgermeystere yn der stat dair hy inne beseten is, dat he den vreden swaren hebbe, eyr der tyt dat dey schicht schee, dair men en vmbe verclaghen vnde wynnen wyl. (9.) Ok wen men van des vredes weghen verbaden wyl, deme sal men dey sake kondighen, dair men ene vmbe verbadet, vnde sal syn velich vppe der stede, dair he verbadet wyrt, vnde weder van der stede eynen dach vnd eyne nacht, vor deme ghenen, van der weghene hy verbadet wyrt, he werde ghewonnen eder nicht. (10) Were ok dat dey heren eder stede to velde toghen, efte leghen, schee van en schade, dat sal dey hantdedyghe richten van des vredes weghen, efte dey here efte stat, mit dey hy dair were, dey solen dat richten van ere weghen. vnd nicht van dusses vredes weghen. (11.) Were ock, dat wey verwonnen worde, dey eghene slote hedde yn dusser heren lande, efte slote gheweddet hedde, dair ynne, efte dair by, eder wey dey houede efte husede, dair sal man vor stallen, wanne dey landvoghet dat eysschet na Rade der heren vnde der stede vnde dat sal scheyn na mantael als men den lantvrede pleghet to holden. (12.) Were ock dat eyn vredebreckere, dey verwonnen were, dat lant rumede, efte byunen deme lande bleue, so sal men setten vppe den vredebrekere eyn ghelt, eyndrechtliken, dat sal doen dey lantvoghet mit den veyr steden von Westphalen, by namen Soest, Munster, Osenbrugge vnde Dorpmunde. Dyt sal scheyn als et dem lantvoghet vnd dey stede nutte dunket. (13.) Ok so selen alle dey in dusser heren lande beseten synt, Rittere, Knechte, Amptlude, Stede vnd alle vndersaten, dussen vreden sweren, wey des nicht doen en wolde, ouer den sal men richten, vnde en sal deme neyn gherichte doen, vthgheseghet, koepmanne vnde pillegryme vppe der strate, vnde huzsmanne syn lyf vnde syn guet yn kerken, vnde vppe kerkhouen, dey solen, sonder vnderscheyt. vrede hebben als vorschreuen is, vnde des Keysers breyff vytwyset. (14.) Were ock dat jenich pillegrym, eder koepmanne, anghegrepen worde vppe der strate. eder eyn huysman angegrepen worde in kerken efte vppe kerkhouen, wylker ouer den heylgen beholden wolde, dat he pilleFahne, Dortmund II. 2.

10

grym, koepman eder huysman were, dey sal man mit der haue vnghehindert laten. Vnde dussen sake vorgt. sal men rechtuerdighen vor deme lantvoghede en mucht man auer des lantvoghedes nicht hebben, so sal man dat rechuerdighen in des heren Lande vor dem amptmanne, in des ampte dey schade ghescheyn were. (15.) Vortmer weret dat yemant werwonne worde vor deme lantvoghede eder vor eme amptmanne, als verscreuen is, dat sal eyn Landvoghe, eder eyn amptman, dair dat vor scheyn is, vnuertoghet to wetene doen allen heren vnde steden dey yn dusseme vrede beseten weren, vnd dey solen dair truweliken vnde sonder argheliste to done, vnde den vredebrekeren volghen na vytwysinghe des keysers, der heren vnde der stede breyue dey se vppe den vreden ghegheuen hebbet. (16.) Voirtmer wer dat dissen vorgenanten heren yemant nutte duchte yn dussen vrede to nemen, et were here efte stat, dey dussen moghen eyn transfix dor dey Breyue dey vppe vrede ghegheuen sint doen hanghen, vnde lauen alle dusse aller wys, als dusse vorghenompte artikel to haldene yn breyf vnd andere breyue, dey vppe dussen vreden ghegheuen sint, inne halden, dey in alle er macht sonder argheliste blyuen solen, stede vnd vaste.

To tughe aller disser vorghenanten artikel vnd punte, vppe dat dey stede vnde ewelikne vnuenbroken bliuen, so hebbe wy Florenz. Henrieh. Engelbrecht. vnd wy Burgermestere Raet vnde Meynheyt der stede Soest, Munstere, Osenbrugge vnd Dorpmunde. vnse Ingeseghel an dussen Breyff ghehangen. Datum anno domini Millesimo trecentesimo septuagesime quarto ipso die Inuentionis ste crucis.")

Die beiden Bischöfe siegeln mit ihrem Secret. Florenz hat einen nach rechts sehenden Adler, der das Münstersche Wappen mit dem Balken auf der Brust hat, über welchem abs lang der Bischofstab liegt, die Umschrift ist: S. FLORENCII. Į DEI: GRATIA | EPISCOPI. MONASTRIEN. | An der Stelle der Striche ist die Umschrift von Medaillons unterbrochen. Heinrich hat einen Bischof, vor dessen Knieen zwei Wappen stes hen, das rechte mit einem Querbalken, das linke mit 3 (2. 1.)