820 Wie mohte wir daz verdienet haben

daz du dich lieze anslahen,

spoten unde spîwen,

daz du dich lieze trîben

an die stat, dâ man dich hie

825 under die dâ wâren ie
zů den scâchêren gezalt?
ôwî dîn gotlich gewalt!

dô wolt er sich nider neigen
unde der werlde erzeigen,

830 daz er des tages deste minner nîne was:
die helle er under diu brach,

dô in dem tôde himel unde erde
allez scolde erweget werden.
steine dî zebrâsten dar abe,

835 genůge erstunden an dem tage
die vor manegen jâren

gar ervûlet wâren:

sich zaten die uber elliu diu lant.

sich verwandelôte daz lieht.

840 der tiuvel ne wesse nîht,
waz in der mennscheit was,

dî er da ûzen ane sach:
diu gotheit was in verholn.
daz er dâ hete verstoln,

845 im was sîn sterchorre chomen.

daz ime ouch alle die benomen werden,

dî ûffe dirre erden

sîn gebildet nâch dire:

daz gib in unde ouch mire,

850 du vil heilige gotes sun,

qui vivis et regnas per omnia saecula saeculorum!

829 Ergänzt Di. = fehlt. 832 dô

do du. 833 scolde=fehlt. 838 die Di. = diu. 841 waz Di. waz er.

XIII. Upsalaer Sündenklage.

1 Ich firsachen demo diuvele alles sînes willen ane mir, hêrro drethîn, ich bekenne mich dir

unde dîner heilier muoter

unde allen dînen drûten

5 aller der sundeclîcher dêthe,

dî ich mit werken oder mit rêthen

î en werlte gefrumede,

sinth ich sunde gehugede.

Ich geben mich an des almehtien godes gewalt, 10 wande mîne sunden sinth sô manichfalt,

dat ich si alle nîth nemach genennen.

Ich sundich mennischo ich bekenne
manslath unde roubes,

mordes unde zouberes,

15 aller slathen hûres, wertlîches rûmes, maniger meineide:

ich hân mich firwarth leyder mith avunste unde mith nîde, 20 mith hazze unde mit girede,

ane oberdranke unde ane oberâze.
Ich newolde des nît lâzen
des ich zubele gedâthe,

êr ich iz mit werken volbrêhte.

25 Ich newarth mînen ebencristen nî sô holt, sô ich van rethe solde,

mînen vader, mîner muoter,

mînen swestren, mînen bruoderen

unde anderme mîme geslethe,

30 also ich solde van rethe.

Ich hân firbroken vîren unde vasten,

1 diyuelle. 12 meinçsco. 15 slaten. 16 vuerlt liches. 20 gireðnt. 24 uolbrehthe. 29 geslehthe. 30 al.

noch umbe sîn dienest nerûtha, 35 sô ich van rethe solde dûn.

Ich gaf mîn almûsene in rûm

unde hân mich firsûmt (daz ist mir leith),
daz ich der heiligen cristenheit,
beide lebenden unde dôten,

40 nebesceinede nî neheine guote
mit almûsen unde mit gebede.
daz claich dime himelischen gode.
Ich bekennen mih an der stunde,

daz ich nie negerûthe mîner sunden

45 mit sulchen rûen, noch mit sulchen vorthen, sô ich wêre durftich.

Ich was ie zû allemo ubele gare.

Ich enpfinch nî bûza noch harmscare,
sô grôze noch sô swêre,

50 sô mîne meindêthe wêren.
Der mâze rêthe,

die mir mîne êwarthen dâthen,
dî nebehîlth ich mit gehorsame nie:
des bekennen ich mich gode hie.

55 die mir hânt gedînet,

den hân ich ungelônet;
die mîner herbergen gerden,
vil selden ich dî werthe;
ich nelîz mich nie irbarmen

60 dî sîchen noch dî armen;

ich hân mînen zehenden ungegeben:
unreht was ie mîn leben

leider in allen enden.

Dî dâ in kerchere oder in benden

65 oder in andren steden

38 dier hieligen cristenhiet. 48 nep finch.

52 dir. min'. 58 uerthe.

50 meinthe.

XIV.

Benedictbeurer Gebet zum Messopfer.

Oberestiu magenchraft,

vater aller dîner geschaft,
scouwe an dîne christenheit,
wâriu, hêriu gotheit.

5 dizze opfer daz wir dir hie tuon,

daz ist dîn ainborn sun:
enphâhe, wîse vaterheit,

dînes Christes sunhait.

bedenche bî dir selben in

10 und bedenche ouch uns an im: in bî dîner gothait,

uns bî sîner mennischait.

sîn gothait diu ist mit im dîn,
unser ist diu lîche sîn,

15 und ist iedoch daz unser dîn:
du lâ daz dîn unser sîn.

Er samenot unser mennischait an sich zuo dîner gothait, daz wir sîn mit im gemaine, 20 als er ist mit dir alaine.

unser bilde er an sich nam,
dâ bî er dich an uns erman.
er gab uns ze wandeln sich,
daz wir bî im manen dich.
25 daz er des unsern nam an sich,
im ze lîbe und och ze lîch,
daz gab er uns ze niezen wider,

daz im niht entwuochsen sîniu lider.
wîr sîn mit samt im ain,

30 vlaisch, lich und gebain,

und daz daz von im muoze leben,

26 lîbe liest Roth, liebe Schmeller.

dem ruoche er sînen gaist ze geben.

Alsô samnot er chunnescaft zwiscen im und sîner gescaft, 35 dâ von die rehten sint

sîne bruoder und sîniu chint,
mit im ain gaist und ain muot,
vlaisch, gebaine und bluot,
erben und siptail,

40 getailen an dem erbetail.
unser hêrre Jesu Christ
dîn sun von natûre ist:
sô gab uns diu milte sîn

daz wir sune von gnâden sîn.
45 swie wir daz ellende noch
mit sunden bûwen, sô ist iedoch
der uns vertîlige unser mail,
ze himele unser sipetail.
du ruohte unser opher sîn
50 von der magenchrefte dîn:
von diu nim von uns vur guot
hie sîne lich und sîn bluot.
wir vinden niht gelîches dem,
daz vor dînen ougen zem
55 und unsern sunten wider wege
ûf dises ellendes wege.

enphâhe ez von des priesters hant
und wis bî im dar an gemant
daz ez dir genâme sî.

60 durch die dîne namen drî

habe ûf dînes zornes slach,
den wir arnen naht und tac.

Wir bieten vur ze scherme den der den zorn dir beneme: 65 dîn guote mach gezurnen niht, số si solhe masen siht,

44 sune MSD suone.