I. Ezzos Gesang.

Der guote biscoph Guntere vone Babenberch
der hiez machen ein vil guot werch:
er hiez dî sîne phaphen

ein guot liet machen.
5 eines liedes si begunden,
want si dî buoch chunden.
Ezzo begunde scrîben,
Wille vant die wîse.

duo er die wîse duo gewan,
10 duo îlten si sich alle munechen.
von êwen zuo den êwen

got gnâde ir aller sêle.

I. Nú wil ih iu herron

heina wâr reda vor tuon

von dem angenge

von alem manchunne,

5 von dem wîstuom alse manicvalt,
fer an dien bûchin stêt gezalt,

úzer genesi unde ûzer libro regum,
tirre werlte al ze dien êron.

Ich wil iu eben allen

eine vil wâre rede vor tuon

15 von dem mînem sinne

von dem rehten anegenge,

I. 1 Nu Barack.v In der Strassb. Hs. sind die Lücken der Initialen nicht ausgefüllt.

Kleinere Deutsche Gedichte des XI. u. XII. Jahrh.

1

von den genâden alsô manechvalt, dî uns ûz den buochen sint gezalt, ûzzer genesi unt ûz libro regum, 20 der werlt al ze genâden.

II. Lux in tenebris,

daz sament uns ist:

der uns sîn licht gibit,
neheiner untriwon er ne fligit.
5 in principio erat verbum,
daz ist wâro gotes sun,

von einimo worte er bechom
dire werlte al ze dien gnâdon.

Die rede dî ich nû sol tuon,
daz sint die vier ewangelia.
in principio erat verbum,

daz was der wâre gotes sun:

25 von dem einem worte

er bequam ze trôste aller dirre werlte.

O lux in tenebris,

dû herre dû der mit samet uns bist,
dû uns daz wâre lieht gibest,

30 neheiner untriwe dû ne phligist.
dû gêbe uns einen herren,
den scholte wir vil wol êren.
daz was der guote suntach,
necheines werches er ne phlach;

35 dû sprêche, ube wir (den behîlten,
wir) paradyses gewîlten.

Got mit sîner gewalt

der wurchet zeichen vil manecvalt.

der worhte den mennischen einen

40 ûzzen von aht teilen:

28 dů herre 29 dů 35 (den behîlten, wir) MSD = fehlt.

von dem leime gab er ime daz fleisch,
der tow bezêchenit den sweiz,

von dem steine gab er ime daz pein
(des nist zwîvil nehein),

45 von den wurzen gab er ime dî âdren,
von dem grase gab er ime daz hâr,
von dem mere gab er ime daz pluot,
von den wolchen daz muot.

duo habet er ime begunnen

50 der ougen von der sunnen.
er verlêh ime sînen âtem,
daz wir ime den behîlten,

unte sînen gesin,

daz wir ime îmer wuocherente sîn.

III. Wâre got, ih lobin dih,

din anegenge gihen ih.

taz anagenge bistú, trehten, ein.
ih negiho in anderz nehein:

5 der got tes himilis,

wâges unde luftes

unde tes in dien viern ist
ligentes unde lebentes.

daz geskuofe dû allez eino,
10 dû ne bedorftost helfo darzuo.
ih wil dih ze anegenge haben
in worten unde in werchen.

55 Wârer got, ich lobe dich,

ein anegenge gih ich an dich.
daz anegenge bistû, trehtîn, ein:
jâ ne gih ich anderez nehein
der erde joch des himeles,

60 wâges unte luftes

unt alles des (in den) vieren ist

42 sweihc 45 MSD âdran 61 (in den) fehlt, vgl. III. 7

=

adren s. Anm.

60 lustes

lebentes unte ligentes.

daz geschuophe dû allez eine, dû ne bedorftest helfene dar zuo. 65 ich wil dich ze anegenge haben in worten unt in werchen.

IV. Got tû gescuofe al daz ter ist,
âne dih ne ist nicht,

ze aller jungest gescuofe dû den man
náh tinem bilde getân,

5 nâh tîner getâte,

taz er gewalt habete.

dú bliesimo dînen geist în,

taz er êwic mahti sin.

noh er ne vorhta imo den tôt,

10 ub er gehielte din gebot.

ze allen êron gescuofe dû den man:
du wissôs wol sinen val.

Got dû geschuofe allez daz ter ist,
âne dih nist nieweht.

ze aller jungest gescuofe dû den man
70 nâh dînem bilde getân,

nâh dîner getête,

sô dû gewalt hête.

dû blîse im dînen geist în,
daz er êwîch mohte sîn.

75 noh er ne vorhte den tôt,

ub er behielte dîn gebot.

zallen êren gescuofe dû den man:
dû wessest wol den sînen val.

zuo dem vrônem paradŷse,

daz si dâ inne wêren,

des sînen obzes phlêgen, 85 unt ub siu daz behielten,

vil maneger gnâden si gewîlten.
dî genâde sint sô mancvalt,

sô si an den buochen stânt gezalt,
von den brunnen,

90 die in paradŷse springent: honeges rinnet Geon,

milche rinnet Vison,

wînes rinnet Tigris,
oles Eufrates.

95 daz scuof er den zwein ze genâden,

dî in paradŷse wâren.

V. Wie der man getâte,

tes gehugen wir leider nôte.
turh tes tiufeles rât

wie skier er ellende wart!
5 vil harto gie diu sîn scult
uber alle sin afterchumft:
sie wurden allo gezalt
in des tiuveles gewalt.

vil mihil was tiu unser nôt: 10 tô begonda richesôn der tôt, ter hello wuohs ter ir gewin, manchunne al daz fuor darin.

Wie der man getête,
des gehuge wir leider nôte.
dur des tiefelles rât

100 wî schîr er ellente wart!
vil harte gie diu sîn scult
uber alle sîne afterchunft:
duo wurde wir alle gezalt

84 obscez V. 11 wos