IN DEI nomine Amen. Per hoc publicum instrumentum cunctis pateat quod anno incarnationis Dominice millesimo quingentesimo trigesimonono die vero mensis Septembris secundo / In mei notarii publici et testium subscriptorum presentia personaliter constitutus magister Nicholaus Withirspovne vicarius perpetuus ecclesie parrochialis de Strathtavane / zelo Dei Omnipotentis Intemerateque Virginis Marie et Omnium Sanctorum ac pro salute anime sue parentum fratrum sororum consanguineorum et amicorum suorum ac omnium fidelium defunctorum / [ad] tenementa terras et annuos redditus subscripta accessit / jacentia in ciuitate Glasguensi Inprimis ad tenementum quondam Jacobi Withirspovune patris ipsius magistri Nicholaii / cum consensu Johannis Withirspowne nepotis ipsius magistri Nicholaii ac heredis apparentis eiusdem ibidem presentis et consentientis / jacens in Vico Furcarum ex parte australi eiusdem inter tenementum olim Johannis Mayn ex orientali et quondam Dauid Menteith ex occidentali / ante et retro cum orto et pertinentiis / extendens a fronte anteriori ad torrentem de Malyndonar Item vigintisex solidos annui redditus de tenemento Andree Hall jacente in eodem vico ex parte boreali eiusdem / inter tenementum Georgii Colquhone quod olim erat Capella Sancti Nicholai ex occidentali et tenementum olim Johannis Sclater nunc autem domini Martini Reid ex orientali Item octodecim solidos annui redditus de tenemento olim spectante dicto magistro Nicholao / nunc autem Leoni Alexandri mercatori / jacente in eadem via trans torrentem Malyndonar ex parte boreali eiusdem inter tenementum Andree Withirspovne ex occidentali et tenementum quondam Jacobi Park ex orientali Item vnam domum tegulatam subtus et supra jacentem in publica via que ducit a Loco Fratrum Predicatorum ad Crucem Foralem ex parte orientali eiusdem / inter tenementum quondam Archibaldi Wilsoune ex boreali et tenementum Johannis Boyd ex australi. Item decem solidos annui redditus de tenemento quondam Georgii Steyn jacente in Venella Fratrum Predicatorum ex parte australi eiusdem inter terras siue ortum Ricardi Allane ex orientali et terras quondam Henrici Cutlar ex occidentali Item septem solidos annui redditus de tenemento quondam Johannis Cutlar jacente in eadem Venella ex parte boreali eiusdem inter tenementum dicti Ricardi Allane ex occidentali et tenementum Dauid Arthure ex orientali Item tresdecim solidos et quatuor denarios annui redditus de totali et integra dimedietate posterioris tenementi / quondam Johannis Nicoll et nunc Johannis Auld et Margarete Brovne coniugum / jacentis in publica via que ducit a Cruce Forali vsque Portam Australem ex parte orientali eiusdem / inter tenementum magistri Johannis Spreull ex boreali et tenementum quondam domini Johannis Makgour et nunc Michaelis Lyndesay ex australi Item septem solidos annui redditus de tenemento Johannis Dikke jacente in publica via que ducit a Porta Australi ad Pontem trans Cludam ex parte australi eiusdem inter tenementum Roberti Scherar ex orientali et tenementum Roberti Doncalie ex occidentali partibus. Item viginti solidos annui redditus de tenemento Thome Bargille et Johannis Gude [jacente] in eadem via ex parte boreali eiusdem / inter tenementum Johannis Oliphant ex occidentali et tenementum Hugonis Beithe ex orientali partibus Item tresdecim solidos et quatuor denarios annui redditus de tenemento quondam Johannis Gray jacente in eadem via ex parte boreali eiusdem / inter tenementum quondam Roberti Morsoune et nunc magistri Jacobi Houstoune subdecani Glasguensis ex occidentali / et angustam venellam et tenementum quondam Thome Gilmour et nunc Johannis Hegait ex orientali in manibus prouidi viri Georgii Elphynstoune vnius balliuorum dicte ciuitatis / nomine Ecclesie Collegiate fundate infra ciuitatem Glasguensem per dictum subdecanum pro prebenda fundanda in eadem per dictum magistrum Nicholaum / reseruando eidem liberum tenementum dictorum tenementorum annuorum reddituum ac dispositionem dicte sue prebende durante toto tempore vite eiusdem resignauit. Qua resignatione sic facta idem balliuus statum et saisinam dictorum tenementorum et annuorum reddituum discreto viro domino Archibaldo Wilsone capellano nomine prefate Ecclesie Collegiate deliberauit Presentibus ibidem discretis viris dominis Jacobo Schaw Jacobo Gray Gilberto Saidlar Archibaldo Dikke capellanis Jacobo Flemyng scolare et Johanne Martyn seriando. ET EGO Johannes Moresone presbyter Glasguensis diocesis publicus auctoritate Apostolica notarius Quia [etc.] IN DEI nomine Amen. Per hoc publicum instrumentum cunctis pateat quod anno incarnationis Dominice millesimo quingentesimo trigesimooctauo die vero vigesimoquarto mensis Marcii / In mei notarii publici et testium subscriptorum presentia personaliter accessit Mariota Hammiltoune filia et heres quondam Jacobi Hammiltoune ac relicta quondam Johannis Brady ac mater Johannis Brady / [ad] suum tenementum jacens in burgo de Rutherglene ex parte australi eiusdem inter terras Johannis Millar ex occidentali et terras Willelmi Scott ex orientali partibus Et ibidem prefata Mariota Hammiltoun vidua et omni solatio viri sponsati destituta / propter singulares fauores et amorem quos erga dictum Johannem suum filium et Isabellam Oswald suam sponsam et proles inter eosdem procreatas seu procreandas extunc vt asseruit gerebat / prescriptum tenementum ante et retro cum horto et duobus aggeribus terre eidem adiacentibus / in manibus probi viri Johannis Young vnius balliuorum dicti burgi / in fauorem dicte Isabelle / consentiente dicto Johanne suo filio et herede apparente / et prolium procreatarum seu procreandarum inter eosdem / resignauit · Qua resignatione sic facta idem balliuus statum et saisinam hereditarios dicti tenementi dicte Isabelle Oswald et heredibus inter ipsam et dictum Johannem procreatis seu procreandis quibus deficientibus propinquioribus heredibus dicte Mariote quibuscunque deliberauit / Reseruando tamen liberum tenementum et vsum fructuum dicti tenementi dicte Mariote pro toto tempore vite sue Presentibus ibidem Macolmo Park Stephano Riddell ET EGO Nicholaus Withirspowne artium magister Glasguensis diocesis publicus Apostolica et Imperiali auctoritatibus notarius Quia [etc.] ET EGO Jacobus Calderwod presbyter Glasguensis diocesis publicus auctoritate Apostolica notarius Quia [etc.] Tenor status et saisine tenementi Mariote Hammiltoune factorum magistro secundo die vero mensis Nouembris vigesimotercio / In mei notarii publici et testium subscriptorum presentia personaliter constitutus Johannes Brady textor burgensis de Rutherglene / et Isabella Oswald eius sponsa / vnanimi consensu vendiderunt discreto viro magistro Nicholao Withirspovune heredibus suis et assignatis eorum tenementum ante et retro / cum orto et duabus rigis terre eidem in fine australi dicti orti contigue adiacentibus jacens in burgo de Rutherglene in Vico Australi eiusdem inter tenementum Willelmi Scott ex orientali ab vna et tenementum Johannis Millar / alias Sancti Nicholaii / ex occidentali partibus ab altera / pro quadam certa summa pecunie ipsis Johanni et Isabelle per [prescriptum] magistrum Nicholaum persoluta tenendum et habendum prescriptum tenementum a seipsis eorum heredibus seu assignatis prefato magistro Nicholao heredibus suis et assignatis / in manibus honesti viri Johannis Bar vnius balliuorum dicti burgi in fauorem prescripti magistri Nicholai resignarunt Qua resignatione sic facta idem balliuus statum et saisinam hereditarios prescripti tenementi prescripto magistro Nicholao / ibidem pro se heredibus suis seu assignatis legittime acceptanti / per terre et lapidis deliberationem deliberauit Presentibus ibidem discretis viris Thoma Wylkyne Johanne Wat Niniano Brady et Willelmo Jamesoun seriando extunc deputato incolis dicti burgi. ET EGO Johannes Androsoune presbyter Glasguensis diocesis sacra auctoritate Apostolica notarius Quia [etc.] Tenor instrumenti sexdecim solidorum annui redditus de tenemento quondam Mariote Hammiltoune in Rutherglene assedato ad feudifirmam per magistrum Nicholaum Withirspovune IN DEI nomine Amen. Per hoc publicum instrumentum cunctis pateat quod anno incarnationis Dominice millesimo quingentesimo quadragesimosecundo die vero mensis Januarii octauo. In mei notarii publici et testium subscriptorum presentia personaliter constitutus discretus vir magister Nicholaus Withirspovne vicarius de Straithavane existens in statu et saisina hereditariis vnius tenementi / cum orto et duabus rigis terre contigue eidem adiacentibus in fine australi dicti orti / continentis in fronte anteriori duas rodas terre / jacentis in burgo de Rutherglene in Vico Australi eiusdem inter terras siue tenementum Willelmi Scott ex orientali et tenementum Johannis Millar / alias Sancti Nicholaii / ex occidentali partibus / per resignationem Johannis Brady filii et heredis quondam Mariote Hamiltoune et Isabelle Oswald sponse dicti Johannis Assedauit totum et integrum prescriptum tenementum cum suis pertinentiis Macolmo Brady filio et apparenti heredi ipsorum Johannis et Isabelle coniugum / de consensu eorundem / heredibusque suis quibuscunque / pro annua solutione sexdecim solidorum annui redditus vsualis monete regni Scotie libere soluendi dicto magistro Nicholao et heredibus suis seu assignatis / vnacum centum piris sufficientibus bonis et maturis / lie Rob Hyndis nuncupatis / tempore autumnali et maturitatis eorundem in ciuitate Glasguensi / nomine annui redditus feodifirmalis / cum firma burgali collectoribus eiusdem tantummodo tenendum et habendum prescriptum tenementum prescripto Macolmo et heredibus suis in feudifirma et emphiteosi imperpetuum. Qui magister Nicholaus causantibus premissis huiusmodi tenementum in manibus probi viri Johannis Young vnius balliuorum dicti burgi simpliciter resignauit. Qua resignatione sic facta prefatus balliuus statum et saisinam hereditarios prescripti tenementi dicto Macolmo et heredibus suis per terre et lapidis traditionem deliberauit / Soluendo inde annuatim prefatos sexdecim solidos / vnacum dictis centum piris lie Rob Hyndis nuncupatis / annui redditus. Qui magister Nicholaus in huiusmodi annuo redditu per prefatum balliuum legittime saisitus / huiusmodi annuum redditum sexdecim solidorum / cum dictis centum piris lie Rob Hyndis nuncupatis / per lie hesp et stapill ac denarii in manum impositionem in manibus dicti balliui / nomine Ecclesie Collegiate Beate Marie Virginis ciuitatis Glasguensis / resignauit reseruando sibi magistro Nicholao vsum fructuum huiusmodi annui redditus et dispositionem eiusdem pro toto tempore vite sue. Qui vero balliuus facta huiusmodi resignatione statum et saisinam dicti annui redditus discreto viro domino Jacobo Doby presbytero / nomine dicte Ecclesie / per lie [hesp] et stapill et denarii impositionem deliberauit. Presentibus ibidem discretis viris Macolmo Park Johanne Pady Stephano Brady juniore Jacobo Frebarne Willelmo Gard |