EXCERPTA E STATUTIS, ETC.

1570.

DEUM TIMETO: REGEM HONORATO: VIRTUTEM COLITO: Stat. Reg. DISCIPLINIS BONIS OPERAM DATO.

De Potestate Cancellarii.

CANCELLARIUS potestatem habebit ad homines dignos gradibus scholasticis ornandos, ad indignos rejiciendos ab iisdem et repellendos, ad omnes statutorum violatores puniendos: ad ignavos, grassatores, rei suæ dissipatores, contumaces, nec obedientes, suspensione graduum, carcere, aut alio leviori supplicio, judicio suo castigandos, et cum consensu majoris partis præfectorum collegiorum exilio mulctandos. Quicquid statutis, nostris vel academiæ, cancellario faciendum attribuitur, in ejus absentia hoc idem a procancellario fiat. Eidem cancellario cum consensu totius academiæ licebit nova statuta ad eruditionis amplificationem, et decori atque honesti conservationem inter scholasticos habendam sancire, sic ut ea his decretis nostris nihil detrahant aut officiunt.

IN

N omnibus his statutis, ubi nulla expressa pœna violatoribus imponitur, liceat cancellario cum consensu præfectorum collegiorum certam pœnam assignare atque imponere eorum violatoribus, atque ita legitima sit, ac si in prædictis statutis proposita fuisset. In singulis autem collegiis ubi nulla expressa pœna levius delinquentibus imponitur, ibi judicio magistri illius collegii seu vices ejus gerentis puniantur.

Licebit magistris sive præpositis collegiorum in suis collegiis, si quando illis necessarium videbitur omnes illas pœnas exercere in delinquentes, quas aliquis officiariorum illius collegii per statuta ejusdem collegii imponere possit.

Si quid dubii vel ambigui in istis statutis et sanctionibus nostris oriatur, id per cancellarium et majorem partem

1-2

Stat. XLII.

Stat. L.