nos quoque qui sancto Tuo
redempti sumus Sanguine,
ob diem natalis Tui
hymnum novum concinimus.
Gloria Tibi DOMINE,

Qui Natus es de Virgine,
cum PATRE et SANCTO SPIRITU,
in sempiterna secula. Amen.

XXXVIII. A solis ortus cardine
ad usque terrae limitem,
CHRISTUM canamus Principem,
Natum Maria Virgine.

Beatus Auctor seculi
servile corpus induit,
sic carne carnem Liberans,
ne perderet quos condidit.
Castae Parentis viscera

Coelestis intrat gratia,

venter Puellae bajulat

secreta quae non noverat;
domus pudici pectoris

templum repente fit DEI,

intacta, nesciens virum,
concepit alvo Filium;
enixa est Puerpera

Quem Gabriel praedixerat,
Quem matris alvo gestiens
clausus Joannes senserat;
feno jacere pertulit,
praesepe non abhoruit,

XXXIX.

parvoque lacte pastus est,
per Quem nec ales esurit.
Gaudet Chorus Coelestium,
et Angeli canunt DEO,
palamque fit pastoribus.
PASTOR, CREATOR Omnium.

Gloria Tibi, DOMINE. (XXXVII.)

Corde Natus ex PARENTIS,
ante mundi exordium,

Alpha et O Cognominatus,
Ipse Fons et Clausula
omnium quae sunt, fuerunt,
quaeque post ventura sunt,
seculorum seculis.

Ipse jussit et creata,
dixit Ipse et facta sunt,
terra, coelum, fossa ponti,

trina rerum machina,

quaeque in his vigent sub alto

solis et lunae globo,

seculorum seculis.

Corporis formam caduci,

membra morti obnoxia,

induit ne gens periret

protoplasti ex germine,
merserat quam lex profundo
noxialis Tartaro,

seculorum seculis.

O beatus ortus ille !

Virgo quae Puerpera
edidit nostram SALUTEM,

XL.

Tibi CHRISTE sit cum PATRE,
HAGIO que SPIRITU,

hymnus, melos, laus perennis,
gratiarum actio,

honor, virtus, et potestas,

regnum aeternaliter,

seculorum seculis. Amen.

Agnoscat omne seculum
venisse vitae Praemium,
post Hostis asperi jugum
apparuit Redemptio.
Esaias quae praecinit
completa sunt in Virgine;
annunciavit Angelus,
SANCTUS replevit SPIRITUS.
Maria ventre concipit
VERBI fideli semine,
Quem totus orbis non capit
portant puellae viscera.

Radix Jesse jam floruit,
et Virga Fructum edidit,
foecunda Partum protulit,
et Virgo Mater permanet.

Praesepe poni pertulit
Qui lucis Auctor exstitit ;
cum PATRE coelos condidit,
sub Matre pannos induit.
Legem dedit Qui seculo,
Cujus decem praecepta sunt,
dignando factus est Homo,
sub legis esse vinculo.