infirma nostri corporis
virtute Firmans perpeti ;
Hostem repellas longius,
pacemque dones protinus,
Ductore sic Te Praevio
vitemus omne noxium;
per Te sciamus da PATREM,
noscamus atque FILIUM,
Teque Utriusque SPIRITUM
credamus omni tempore.
Sit laus PATRI, cum FILIO. (LXIX.) 25
Alma chorus DOMINI nunc pangat Nomina
Summi.
Messias, Soter, Emanuel, Sabaoth Adonai,
est Unigenitus, Via, Vita, Manus, Homoousion,
Principium, Primogenitus, Sapientia, Virtus,
Alpha, Caput Finisque simul, vocitatur et est O, 5
Fons et Origo boni, Paraclitus ac Mediator,
Agnus, Ovis, Vitulus, Serpens, Aries, Leo, Vermis,
Os, Verbum, Splendor, Sol, Gloria, Lux et Imago,
Panis, Flos, Vitis, Mons, Janua, Petra, Lapisque,
Angelus et Sponsus, Pastorque, Propheta, Sacer-
dos,
Athanatos, Kyrios, Theos, et Pantoncrator JESUS;
Salvificet nos; sit Cui secla per omnia doxa,
Amen.
Beata nobis gaudia anni reduxit orbita,
quum SPIRITUS PARACLITUS
effulsit in discipulos;
INFRA OCTAVAM PENTECOSTES.
ignis vibrante lumine linguae figuram detulit, verbis ut essent proflui, et caritate fervidi;
linguis loquuntur omnium,
turbae pavent gentilium,
musto madere deputant
quos SPIRITUS repleverat ;
patrata sunt haec mystice,
paschae peracto tempore,
sacro dierum numero
quo lege fit remissio.
Te nunc DEUS Piissime,
vultu precamur cernuo,
illapsa nobis Coelitus
largire dona SPIRITUS.
conclamemus Alleluia;
sit Dão laus, potestas,
honor, virtus et gloria. Amen.
Adesto Sancta TRINITAS,
Par Splendor, Una DEITAS,
Qui exstas rerum omnium
sine fine Principium.
Te Coelorum Militia
laudat, adorat, praedicat,
triplexque mundi machina
benedicit per secula.
Assumus et nos cernui
Te adorantes famuli,
vota precesque supplicum
hymnis junge Coelestium.
Unum Te Lumen credimus,
Quod et Ter Idem colimus,
Alpha et O Quem dicimus,
Te laudat omnis spiritus.
Laus PATRI sit Ingenito,
laus Ejus UNIGENITO,
laus sit SANCTO SPIRITUI,
Trino DEO et Simplici. Amen.
O PATER Sancte, Mitis, atque Pie,
O JESU CHRISTE, FILI Venerande,
PARACLITE que SPIRITUS, O Alme
DEUS Aeterne.
TRINITAS Sancta, Unitasque Firma,
DEITAS Vera, BONITAS Immensa,
IN FESTO s. S. TRINITATIS.
Lux Angelorum, Salus orphanorum,
Spesque cunctorum.
Serviunt Tibi cuncta quae creasti,
Te Tuae cunctae laudant creaturae,
nos quoque Tibi psallimus devote,
Tu nos exaudi.
Gloria Tibi, Omnipotens DEUS,
Trinus et Unus, Magnus et Excelsus,
Te decet hymnus, honor, laus et decus, 15
nunc et in aevum. Amen.
|